Paltiing 8:13 - Ti Baro a Naimbag a Damag Biblia

¹³ Kalpasanna, nakitak ti maysa nga agila nga agtaytayab iti langit ket nangngegko nga impukkawna: “Nakaal-alingget! Nakaal-alingget! Nakaal-alinggetto ti pagbanagan dagiti amin a tattao ditoy rabaw ti daga inton pagunien dagiti tallo nga angheles ti trumpetada.”

Ti Biblia (1973)

¹³ Ket nakitac ken nangngegco ti maysa nga aguila nga agtaytayab iti nagtangatangan, a cuncunana iti dackel a timec: Ay, ay, ay pay dagiti agnaed iti rabaw ti daga, maipuon cadagiti sabali nga uni ti tangguyob dagiti tal-lo nga angel nga agtangguyobto pay.

Paltiing 8:13 Iomraidhean Croise

Dagiti Salmo 103:20

Idaydayawyo ti Apo, dakayo a mannakabalin ken napipigsa nga anghelesna, dakayo a dumngeg ken agtulnog iti bilinna.

Ezekiel 2:10

Inukradna ti pagbasaan ket nakitak a nasuratan iti agsumbangir. Naisurat dagiti dung-aw, sangsangit ken as-asug.

Hebreo 1:14

Siasino ngarud dagiti angheles? Espirituda nga agserserbi iti Dios ket imbaonna ida a tumulong kadagiti umawat iti pannakaisalakan.

Paltiing 11:14

Nakalabasen ti maikadua a nakabutbuteng a didigra. Ngem kitaem, umayen ti maikatlo.

Paltiing 12:12

Agragsakkayo ngarud, dakayo nga agnaed sadi langit. Ngem asikayo pay, dakayo nga agnaed iti daga ken taaw! Bimmaban kadakayo ti Diablo a kasta unay ti pungtotna, ta ammona a bassit laengen ti natda a tiempona.”

Paltiing 14:3

Nakasango dagiti 144,000 iti trono, kadagiti uppat a sibibiag a parsua ken kadagiti panglakayen. Agkankantada iti baro a kanta nga awan ti makasursuro malaksid laeng kadakuada a nasubbot ditoy daga.

Paltiing 14:6

Kalpasanna, nakitak ti sabali nga anghel nga agtaytayab iti tangatang. Adda kenkuana ti agnanayon a mensahe ti Naimbag a Damag nga ipakaammona kadagiti agnaed ditoy rabaw ti daga, iti amin a puli, tribu, pagsasao ken pagilian.

Paltiing 19:17

Nakitak ti maysa nga anghel nga agtaktakder iti init, ket impukkawna kadagiti amin a tumatayab sadi langit: “Umaykayo tumabuno iti dakkel a padaya ti Dios.

Paltiing 3:10

Agsipud ta tinungpalmo ti bilinko, nga anusam nga ibturan ti panagsagaba, aywanankanto met inton dumteng ti riribuk a pakasuotan ti amin a tao iti sangalubongan.

Paltiing 8:2

Kalpasanna, nakitak a naikkan iti trumpeta ti tunggal maysa kadagiti pito nga angheles a nakatakder iti sangoanan ti Dios.

Paltiing 9:1

Pinuyot ti maikalima nga anghel ti trumpetana. Nakitak ti maysa a bituen a natnag manipud langit a nagdisso ditoy daga, ket naited kenkuana ti tulbek ti ruangan ti nakaun-uneg a yuyeng.

Paltiing 9:12

Nalpasen ti umuna a nakabutbuteng a didigra. Dua pay dagiti dumteng.