Paltiing 8:12 - Ti Baro a Naimbag a Damag Biblia

¹² Pinuyot ti maikapat nga anghel ti trumpetana. Nadadael ti apagkatlo a paset ti init, ti apagkatlo a paset ti bulan ken ti apagkatlo a bilang dagiti amin a bituen, isut' gapuna a napukaw ti apagkatlo a lawagda. Nagsipnget iti apagkatlo a paset ti aldaw ken iti apagkatlo a paset ti rabii.

Ti Biblia (1973)

¹² Ket daydi maicapat nga angel nagtangguyob: ket nadadael ti apagcatlo ti init, ken ti apagcatlo ti bulan, ken ti apagcatlo, dagiti bitbituen, tapno ti apagcatloda, mapasipnget coma ket ti aldaw saan coma nga aglawag ti apagcatlona, ken casta met, ti rabii.

Paltiing 8:12 Iomraidhean Croise

Isaias 13:10

Saanto nga agraniag dagiti bituen ken dadduma pay a grupo dagiti bituen iti tangatang. Nasipngetto ti init no sumingising ket dinto agsilnag ti bulan.

Isaias 24:23

Agsipngetto ti bulan ket saanton nga aglawag ti init, agsipud ta agarinton ti Apo a Mannakabalin-amin. Agturayto idiay Jerusalem, iti Bantay Sion, ket makitanto dagiti pangulo dagiti tattao ti dayagna.

Jeremias 4:23

Kinitak ti daga—langalang nga awan mulana. Kinitak ti langit—awan ti lawagna.

Joel 2:10

Agkintayeg ti daga iti isusungadda; agpigerger ti tangatang. Agsipnget ti init ken ti bulan; saanen nga agraniag dagiti bituen.

Joel 2:31

Agsipngetto ti init, ket lumabbaganto ti bulan a kas iti dara sakbay a dumteng ti naindaklan ken nakabutbuteng nga aldaw ni Yahweh.

Joel 3:15

Agsipnget ti init ken ti bulan; saanen nga agraniag dagiti bituen.

Amos 8:9

Iti dayta nga aldaw, palnekekto ti init iti agmatuon, ket agsipngetto ti daga iti aldaw. Siak, ti Apo a Dios, ti nangibaga iti daytoy.

San Mateo 24:29

“Apaman a malpas dagita a rigrigat, agsipngetto ti init, dinto agraniag ti bulan, agtinnagto dagiti bituen, ket mawarawaranto dagiti pannakabalin iti tangatang.

San Mateo 27:45

Iti tengnga ti aldaw, nagsipnget iti entero a daga ket nagpaut iti tallo nga oras.

San Marcos 13:24

“Kadagita nga aldaw, kalpasan ti panawen ti rigat, agsipngetto ti init, dinto agraniag ti bulan,

San Marcos 15:33

Iti tengnga ti aldaw, nagsipnget iti entero a daga ket nagpaut iti tallo nga oras.

San Lucas 21:25

“Addanto dagiti nakaskasdaaw a pagilasinan iti init, iti bulan ken dagiti bituen. Ditoy daga, masikoranto dagiti nasion gapu iti butengda iti daranudor ti baybay ken kadagiti dalluyon.

Dagiti Aramid 2:20

Agsipngetto ti init, Ket kaslanto dara a lumabaga ti bulan Sakbay ti idadateng ti naindaklan ken nadayag nga Aldaw ti Apo.

2 Taga-Corinto 4:4

Saanda a mamati, ta ti isipda kinullaapan ni Satanas a mangituray iti daytoy a lubong, ket dida makita ti silaw nga aggapu iti Naimbag a Damag maipapan iti dayag ni Cristo a ladawan ti Dios.

Paltiing 12:4

Babaen iti ipusna, inaprasna ti apagkatlo dagiti bituen iti langit sana intappuak ida iti daga. Nagtakder ti dragon iti sangoanan ti babai nga agpaspasikal tapno alun-onenna ti ubing apaman a mayanak.

Paltiing 16:10

Imbuyat met ti maikalima nga anghel ti malukongna iti trono ti narungsot nga animal. Nagsipnget ti entero a pagarian ti animal. Kinagat dagiti tattao dagiti bibigda gapu iti rigat.

Paltiing 6:12

Inikkat ti Kordero ti maikanem a timbre. Nagginggined iti napigsa. Ngimmisit ti init a kasla iti nakersang a nangisit a lupot idinto a limmabbaga ti bulan a kas iti dara.

Paltiing 9:15

Naruk-atan dagiti uppat nga angheles. Naisaganada a mangpatay iti apagkatlo a bilang ti amin a tattao iti daytoy met la nga oras, aldaw, bulan ken tawen.

Paltiing 9:18

Natay ti apagkatlo dagiti amin a tattao babaen kadagitoy a didigra: ti apuy, ti asuk ken ti asufre nga aggapu iti ngiwat dagiti kabalio.