Paltiing 8:11 - Ti Baro a Naimbag a Damag Biblia

¹¹ (“Napait”—daytoy ti nagan ti bituen.) Pimmait ti apagkatlo a paset dagiti danum, ket natay ti adu a tattao ta napait ti danum nga ininumda.

Ti Biblia (1973)

¹¹ Ket daydi a bituen nagnaganenda ti Ajenco: ket ti apagcatlo dagiti dandanum nagbalin nga ajenco; ket adu cadagiti tattao natayda gapu cadagidi dandanum, ta nagbalinda a napait.

Paltiing 8:11 Iomraidhean Croise

Exodo 15:23

Dimtengda iti maysa a disso a managan iti Mara, ngem nakapapait ti danum ket dida mainum. Isut' gapuna a napanaganan dayta a lugar iti Mara.

Dagiti Proverbio 5:4

Ngem inton malpasen ti amin awan ti ibatina kenka no di la pait ken saem.

Jeremias 23:15

“Iti kasta, siak, ni Yahweh a Mannakabalin-amin, ibagak daytoy a maibusor kadagiti profeta ti Jerusalem: ‘Pakanekto ida iti napait a mula, painumekto ida iti nasabidongan a danum. Ngamin, insaknapda ti saan a nadiosan nga aramid iti entero a daga.’”

Jeremias 9:15

Denggenyo ngarud ti aramidekto, siak, ni Yahweh a Mannakabalin-amin a Dios ti Israel: Pakanekto dagiti tattaok kadagiti napait a mulmula ken painumekto ida iti nasabidongan a danum.

Dungdung-aw 3:19

Lagipem ti tuok ken panagalla-allak, ti sabidong ken ti apro nga impalak-ammo.

Dungdung-aw 3:5

Impupoknak iti pagbaludan ti nakaro a rigat ken tuok.

Amos 5:7

Asikayto pay, dakayo a mangbalballikug iti hustisia ken mangilupitlupit kadagiti tattao.

Amos 6:12

Makataray kadi dagiti kabalio kadagiti dadakkel a batbato? Pagaradoen kadi ti baka iti taaw? Saan! Apay ngarud a pinagbalinyo ti hustisia a sabidong? Apay a pinagbalinyo a dakes ti naimbag?

Zacarias 13:8

ket iti entero a daga, duanto nga apagkatlo kadagiti tattao ti matay.

Zacarias 13:9

Paglasatekto iti apuy dagiti nakalasat nga apagkatlo. Gugorakto ida a kas iti pannakagugor ti pirak iti apuy. Gugorakto ida a kas iti pannakagugor ti balitok. Kalpasanna, agkararagdanto kaniak ket ipangagkonto ida. Ibagakto kadakuada nga isuda dagiti tattaok ket ipudnodanto a siak ti Diosda.”

Deuteronomio 29:18

Agannadkayo amangan no adda tumaud kadakayo—lalaki, babai, familia wenno tribu—a mangtallikud iti Apo a Diostayo ket agdaydayaw kadagiti didiosen dagiti sabali a nasion. Wen, agannadkayo amangan no tumaud kadakayo ti tao a kas iti kayo a napait ken makasabidong ti bungana.

Hebreo 12:15

Agannadkayo tapno awan ti mangtallikud iti managparabur a Dios. Kitaenyo nga awan ti agbalin a kas iti napait a mula nga agtubo ken mangdadael iti biag ti tunggal maysa. Awan koma ti agbalin nga immoral wenno di agraem kadagiti nasantoan a bambanag a kas ken ni Esau. Insukat ni Esau iti sangamalukong a linugaw ti kalinteganna a kas inauna nga anak.

Paltiing 12:4

Babaen iti ipusna, inaprasna ti apagkatlo dagiti bituen iti langit sana intappuak ida iti daga. Nagtakder ti dragon iti sangoanan ti babai nga agpaspasikal tapno alun-onenna ti ubing apaman a mayanak.

Paltiing 8:7

Pinuyot ti umuna nga anghel ti trumpetana. Nagtudo iti yelo ken apuy a nalaokan iti dara. Napuoran ti apagkatlo a paset ti daga, ti apagkatlo dagiti amin a kaykayo ken dagiti amin a nalangto a ruot.

Paltiing 9:15

Naruk-atan dagiti uppat nga angheles. Naisaganada a mangpatay iti apagkatlo a bilang ti amin a tattao iti daytoy met la nga oras, aldaw, bulan ken tawen.

Paltiing 9:18

Natay ti apagkatlo dagiti amin a tattao babaen kadagitoy a didigra: ti apuy, ti asuk ken ti asufre nga aggapu iti ngiwat dagiti kabalio.

Ruth 1:20

Kinunana, “Didak awagan iti Noemi. Awagandak iti Mara, ta pinarigatnak ti Dios a Mannakabalin-amin.