Paltiing 8:10 - Ti Baro a Naimbag a Damag Biblia

¹⁰ Pinuyot ti maikatlo nga anghel ti trumpetana. Manipud langit, natnag ti maysa a dakkel a bituen a sumsumged a kasla pagsilawan, ket nagdisso iti apagkatlo a paset dagiti karayan ken dagiti ubbog.

Ti Biblia (1973)

¹⁰ Ket daydi maicatlo nga angel nagtangguyob: ket natnag nanipud sadi langit ti maysa dackel a bituen a sumsumged a cas la maysa nga aluten; ket nagdisso iti apagcatlo dagiti carcarayan, ken dagiti ub-ubbog, dagiti dandanum:

Paltiing 8:10 Iomraidhean Croise

2 Cronicas 32:3

nagnunumoanda kadagiti ofisialesna a serraanda dagiti pagayusan ti danum iti ruar ti siudad tapno awan ti danum dagiti Asirio inton dumanonda iti Jerusalem. Impanguloan dagiti ofisiales ti adu a tattao a rimmuar ket sinerraanda amin a paggapuan ti danum isut' gapuna nga awanen ti rummuar a danum.

Isaias 12:3

Kas iti mawaw a siraragsak a mangtako iti danum, kasta met dagiti tattao ti Dios no isalakanna ida.”

Isaias 14:12

Sika, ari ti Babilonia, sika a baggak ti agsapa, anian a pannakatnagmo! Pinarmekmo idi dagiti nasion, ngem ita naidasaykan iti daga.

Zacarias 13:8

ket iti entero a daga, duanto nga apagkatlo kadagiti tattao ti matay.

Zacarias 13:9

Paglasatekto iti apuy dagiti nakalasat nga apagkatlo. Gugorakto ida a kas iti pannakagugor ti pirak iti apuy. Gugorakto ida a kas iti pannakagugor ti balitok. Kalpasanna, agkararagdanto kaniak ket ipangagkonto ida. Ibagakto kadakuada nga isuda dagiti tattaok ket ipudnodanto a siak ti Diosda.”

San Mateo 25:1

“Inton dumteng dayta nga aldaw, mayarigto ti Pagarian ti Langit iti kastoy: Adda idi sangapulo a babbalasang a nangala kadagiti pagsilawanda tapno mapanda sabten ti nobio.

San Lucas 10:18

Insungbat ni Jesus, “Nakitak ni Satanas a natnag a kas kimat manipud langit.

San Judas 1:13

Mayarigda kadagiti nadawel a dalluyon iti baybay. Kasla labutab a narugit dagiti nakababain nga aramidda. Kasda la kadagiti agalla-alla a bituen nga insaganaan ti Dios iti pagyanan iti agnanayon a mangliwengliweng a sipnget.

Paltiing 1:20

“Daytoy ti nalimed a kaipapanan dagiti pito a bituen nga ig-iggamak ken dagiti pito a pagsilawan a balitok: Dagiti pito a bituen isuda dagiti angheles iti pito nga iglesia, ket dagiti pito a pagsilawan a balitok isuda dagiti pito nga iglesia.”

Paltiing 12:4

Babaen iti ipusna, inaprasna ti apagkatlo dagiti bituen iti langit sana intappuak ida iti daga. Nagtakder ti dragon iti sangoanan ti babai nga agpaspasikal tapno alun-onenna ti ubing apaman a mayanak.

Paltiing 14:7

“Agbutengkay iti Dios,” impukkawna, “ket agdaydayawkayo iti kinatan-okna! Ta dimtengen ti tiempo a panangukomna. Agdaydayawkayo iti Dios a namarsua iti langit, daga, taaw ken kadagiti ubbog.”

Paltiing 16:4

Imbuyat met ti maikatlo nga anghel ti malukongna kadagiti karayan ken ubbog, ket nagbalinda met a dara.

Paltiing 6:13

Natinnag ditoy daga dagiti bituen iti tangatang. Kasda la naata a bunga ti igos a maregreg no agangin iti napigsa.

Paltiing 8:7

Pinuyot ti umuna nga anghel ti trumpetana. Nagtudo iti yelo ken apuy a nalaokan iti dara. Napuoran ti apagkatlo a paset ti daga, ti apagkatlo dagiti amin a kaykayo ken dagiti amin a nalangto a ruot.

Paltiing 9:1

Pinuyot ti maikalima nga anghel ti trumpetana. Nakitak ti maysa a bituen a natnag manipud langit a nagdisso ditoy daga, ket naited kenkuana ti tulbek ti ruangan ti nakaun-uneg a yuyeng.

Paltiing 9:15

Naruk-atan dagiti uppat nga angheles. Naisaganada a mangpatay iti apagkatlo a bilang ti amin a tattao iti daytoy met la nga oras, aldaw, bulan ken tawen.

Paltiing 9:18

Natay ti apagkatlo dagiti amin a tattao babaen kadagitoy a didigra: ti apuy, ti asuk ken ti asufre nga aggapu iti ngiwat dagiti kabalio.

Uk-ukom 15:11

Napan ti 3,000 a lallaki ti Juda iti rukib iti rangkis idiay Etam ket kinunada ken ni Samson, “Dimo aya ammo a dagiti Filisteo ti mangituray kadatayo? Kitaem ti inaramidmo kadakami?” “Inaramidko laeng kadakuada ti kas iti inaramidda kaniak,” insungbatna.