Paltiing 7:9 - Ti Baro a Naimbag a Damag Biblia

⁹ Kalpasan daytoy, nakitak ti nakaad-adu a tattao—awan ti makabilang iti kaaduda. Naggapuda iti amin a puli, tribu, pagilian ken pagsasao. Nakatakderda iti sangoanan ti trono ken ti Kordero. Puraw ti kawesda ken nakaiggemda iti sanga ti palma.

Ti Biblia (1973)

⁹ Calpasan dagitoy, kimmitaac, ket adtoy, ti umariwecwec, nga awan ti nacabalin a bumilang, a naggapuda cadagiti isu-amin a pagarian ken tribu ken il-ili ken pagsasao, nga agtatacderda iti sangoanan di trono ken iti sangoanan daydi Cordero, a nagcawesda cadagiti pagananay a puraw, ket adda palpalma cadagiti im-imada;

Paltiing 7:9 Iomraidhean Croise

Genesis 13:16

Paraburankanto iti adu a kaputotan. Awanto ti makabilang iti kaaduda ket nalaklakanto a bilangen ti tapok iti daga.

Genesis 49:10

Ikutan ni Juda ti setro, agnanayon nga agturay dagiti kaputotanna. Yegto dagiti nasion dagiti sagut a pagbayadda kenkuana. Ket agtamedda a mangipakita iti panagtulnogda.

Dagiti Salmo 2:8

Agkiddawka ket itedko amin a nasion kenka; kukuamto ti entero a daga.

Dagiti Salmo 22:27

Lagipendakanto ti tunggal maysa ditoy daga, Apo; manipud iti amin a suli ti lubong umaydanto agkamang kenka ket agrukbabda.

Dagiti Salmo 76:4

O Dios, anian a dayagmo, anian a daeg ti panagsublim. Naggapuka kadagiti bambantay a nangparmekam kadagiti kabusormo.

Dagiti Salmo 77:2

Agkararagak iti Apo iti tiempo ti pannakariribukko; agpatpatnag nga agkararagak a singangato dagiti imak ngem awan pannakaliwliwak.

Dagiti Salmo 98:3

Tinungpalna ti karina kadagiti Israelita; nalagipna ti kinapudno ken ayatna kadakuada. Nakita dagiti tattao iti amin a disso ti panagballigi ti Diostayo.

Jeremias 16:19

O Apo, sika ti mangsalaknib kaniak ken mangted iti pigsak. Tulongannak iti tiempo ti rigat. Umayto kenka dagiti nasion nga aggapu iti amin a paset ti daga ket kunada, “Pasig a sinan-dios ti adda kadagidi kapuonanmi. Awan ti adda kadakuada no di laeng dagiti awan serserbina nga imahen.

Jeremias 3:17

Iti dayta a tiempo, managanto ti Jerusalem iti ‘Trono ni Yahweh.’ Aguummongto sadiay dagiti nasion tapno agdaydayawda kaniak. Didanton tungpalen ti tarigagay ti dakes ken nasukir a pusoda.

Ezekiel 47:5

Nangrukod pay iti 500 a metro; immadalem ti danum ket diak matukod. Adalem unay ket saan a maballasiw malaksid no langoyen.

Daniel 4:1

Impatulod ni Ari Nebucadnesar daytoy a mensahena kadagiti amin a tattao ti amin a nasion ken puli iti lubong: “Patpatgek a kailiak:

Daniel 6:25

Nagsurat ni Ari Dario kadagiti tattao ti nadumaduma a puli ken pagsasao iti entero a daga. Kinunana: “Napateg a kailiak.

Oseas 1:10

Umadunto dagiti Israelita. Kasdanto iti darat ti taaw a saan a marukod wenno mabilang ti kaaduda. Kuna ti Dios kadakuada, “Saan a dakayo dagiti tattaok,” ngem umayen ti aldaw a kunana kadakuada, “Dakayo ti annak ti sibibiag a Dios!”

Levitico 23:40

Iti dayta nga aldaw, mangalakayo kadagiti kasayaatan a bunga dagiti kayo, kadagiti sanga ti palma ken narukbos a kayo ket rambakanyo ti fiesta a pammadayaw iti Apo a Diosyo.

Zacarias 10:8

“Ayabakto dagiti tattaok ket ummongekto ida. Ispalekto ida ket paaduekto ida a kas iti sigud a kaaduda.

Zacarias 2:11

Iti dayta a tiempo, adunto a nasion ti kumamang iti Apo ket agbalindanto a tattaona. Makipagnaedto kadakayo, ket maammoanyonto nga imbaonnak kadakayo.

San Lucas 12:1

Agaaribungbong dagiti rinibribu a tattao ket urayda la agbibinnaddeken. Immuna a kinasao ni Jesus dagiti adalanna. Kinunana, “Annadanyo ti lebadura dagiti Fariseo, kayatko a sawen, ti panaginsisingpetda.

San Lucas 21:36

Agsalukagkayo ket agkararagkayo a kankanayon tapno addanto naan-anay a kiredyo nga agibtur kadagiti amin a mapasamak, ken agtakder iti sangoanan ti Anak ti Tao.”

San Juan 12:13

Iti kasta, nagalada kadagiti sangsanga ti palma ket napanda simmabat kenkuana. “Madaydayaw ti Dios!” impukpukkawda. “Bendisionan koma ti Dios ti umay iti nagan ti Apo! Bendisionan koma ti Dios ti Ari ti Israel!”

Taga-Roma 11:25

Adda palimed, kakabsatko, a kayatko a maammoanyo tapno diyo ipagarup a masiribkayo. Daytoy ti palimed: Agpatingganto ti panagsukir dagiti Israelita, ngem santo la agpatingga inton makompleto ti bilang dagiti Hentil a mamati iti Dios.

Taga-Efeso 6:13

Ngarud, ikabilyo ti salaknib nga inted kadakayo ti Dios! Iti kasta, inton dumteng ti dakes nga aldaw, mabalinyonto a sarangten ti kabusor, ket kalpasan ti pannakigubatyo, addakayto pay laeng a nakatakder a sisasagana iti irarautna ma-nen.

Hebreo 11:12

Nupay naibilang a kasla natayen ni Abraham, timmaud kenkuana ti adu a kaputotan a kas kaadu dagiti bitbituen sadi langit ken kas kaadu ti darat iti igid ti baybay.

Hebreo 12:22

Immasidegkayo ketdi iti Bantay Sion ken iti siudad ti sibibiag a Dios, ti nailangitan a Jerusalem a yan dagiti rinibribu nga angheles.

Paltiing 11:15

Pinuyot ti maikapito nga anghel ti trumpetana. Adda dagiti napipigsa a timek a naggapu sadi langit a kunkunada, “Naiteden iti Apotayo ken iti Cristona ti pagarian ti lubong, ket agturayto iti agnanayon nga awan inggana!”

Paltiing 22:3

Awan sadiay ti aniaman nga inlunod ti Dios. Masarakan iti siudad ti trono ti Dios ken ti Kordero ket agdaydayawto kenkuana dagiti adipenna.

Paltiing 3:18

Ngarud, ibalakadko kenka a gumatangka kaniak iti balitok a nagugoran iti apuy tapno bumaknangka. Gumatangka met iti puraw a pagan-anay a pagkawesmo tapno saan a makita ti nakababain a kinalamolamom. Gumatangka pay iti agas ta matam tapno makakitaka.

Paltiing 4:4

Iti aglikmut ti trono, adda duapulo ket uppat a sabali a trono a pagtugtugawan ti duapulo ket uppat a panglakayen a nakakawes iti puraw ken nakakorona iti balitok.

Paltiing 5:11

Kimmitaak manen, ket nangngegko ti ragup a timek dagiti rinibu ken riniwriw nga angheles. Linawlawda ti trono, dagiti sibibiag a parsua ken dagiti panglakayen,

Paltiing 5:9

Kinantada ti maysa a baro a kanta: “Maikarika a mangala iti nalukot a pagbasaan Ken mangikkat kadagiti timbre. Ta napapatayka ket babaen iti ipapataymo, sinubbotmo dagiti tattao a maipaay iti Dios, Manipud iti tunggal tribu, pagsasao, nasion ken puli,

Paltiing 6:11

Naikkan ti tunggal maysa iti puraw a kagay. Naibaga kadakuada nga aginanada pay bassit agingga a madanon ti naikeddeng a bilang dagiti padada nga adipen ken kakabsat a mapapatay a kas kadakuada.