Paltiing 7:4 - Ti Baro a Naimbag a Damag Biblia

⁴ Ket naibaga kaniak a 144,000 ti bilang dagiti naikkan iti marka ti Dios kadagiti mugingda. Nagtaudda kadagiti sangapulo ket dua a tribu ti Israel:

Ti Biblia (1973)

⁴ Ket nangngegco ti bilang dagidi namarcaan, sangagasut uppat a pulo ket uppat a ribo dagiti naselloan cadagiti isu-amin a capututan dagiti annac ti Israel:

Paltiing 7:4 Iomraidhean Croise

Genesis 15:5

Inruar ni Yahweh ni Abram ket kinunana, “Tumangadka ket padasem a bilangen dagiti bituen. Kastanto ti kaadu dagiti kaputotam.”

Exodo 28:21

Iti tunggal bato maikitikit ti nagan dagiti annak ni Jacob a mangibagi kadagiti sangapulo ket dua a tribu ti Israel.

Ezekiel 47:13

Kinuna ti Apo a Dios, “Dagitoy dagiti beddeng ti daga a pagbibingayan dagiti 12 a tribu. Duanto a paset ti bingay ti tribu ni Jose.

Ezekiel 48:19

Mabalin ti siasinoman nga agtrabaho iti siudad ti agtalon sadiay, uray ania a tribu ti nagtaudanna.

Zacarias 9:1

Daytoy ti mensahe ni Yahweh: Inkeddengna ti dusa a maipatayto iti daga ti Hadrac ken ti siudad ti Damasco. Saan laeng a dagiti tribu ti Israel ti kukua ni Yahweh, no di pay ket ti kabesera ti Siria.

San Mateo 19:28

Kinuna ni Jesus kadakuada, “Ibagak daytoy kadakayo: Inton agtugaw ti Anak ti Tao iti nagloriaan a tronona iti baro a lubong, dakayo a simmurot kaniak, agtugawkayto met kadagiti sangapulo ket dua a trono a mangituray kadagiti 12 a tribu ti Israel.

San Lucas 14:22

“Iti saan a nabayag, kinuna ti adipen, ‘Apo, natungpal ti bilinmo ngem adu pay laeng ti pagyanan.’

San Lucas 22:30

Mangan ken uminumkayto iti lamisaanko iti Pagariak ken agtugawkayo kadagiti trono a mangituray kadagiti sangapulo ket dua a tribu ti Israel.”

Dagiti Aramid 26:7

ti kari a namnamaen nga awaten dagiti sangapulo ket dua a tribu bayat ti panagdaydayawda iti Dios iti aldaw ken rabii. Ket gapu iti daytoy a namnama, Natan-ok nga Ari, idarumdak dagiti Judio.

Taga-Roma 9:27

Ipukkaw ni Isaias maipapan iti Israel: “Uray pay no kasla kaadu ti darat ti baybay ti kaadu dagiti Israelita, bassitto laeng ti maisalakan kadakuada.

Santiago 1:1

Patgek a Kakabsat: Kablaawankay amin a tattao ti Dios a naiwaraswaras iti entero a lubong. Siak, ni Santiago nga agserserbi iti Dios ken ni Apo Jesu-Cristo, ti naggapuan daytoy a surat.

Paltiing 14:1

Nakitak ti Kordero nga agtaktakder idiay Bantay Sion. Kaduana ti 144,000 a tattao a nasuratan ti mugingda iti nagan ti Kordero ken iti nagan ti Amana.

Paltiing 14:3

Nakasango dagiti 144,000 iti trono, kadagiti uppat a sibibiag a parsua ken kadagiti panglakayen. Agkankantada iti baro a kanta nga awan ti makasursuro malaksid laeng kadakuada a nasubbot ditoy daga.

Paltiing 7:5

12,000 manipud iti tribu ti Juda, 12,000 manipud iti tribu ti Ruben, 12,000 manipud iti tribu ti Gad,

Paltiing 9:16

Naibaga kaniak ti bilang dagiti nagkabalio a bunggoy: 200 a milion.