Paltiing 7:3 - Ti Baro a Naimbag a Damag Biblia

³ “Saanyo pay a dadaelen ti daga, ti taaw wenno dagiti kayo; urayenyo a malpas ti panangmarkami kadagiti muging dagiti adipen ti Diostayo.”

Ti Biblia (1973)

³ A cunana: Dicay ranggasan ti daga ken castamet ti baybay wenno dagiti caycayo, agingga iti dicam maselloan dagiti adipen ti Diostayo cadagiti mugmuginda.

Paltiing 7:3 Iomraidhean Croise

Exodo 12:13

Agpaayto ti dara a kas pagilasinan: Labsakto dagiti amin a balbalay a makitak nga adda dara kadagiti baotekna. Awanto ti pakaan-anoanyo inton dusaek ti Egipto.

Exodo 12:23

Agsursorto ti Apo iti Egipto a mangpapatay kadagiti Egipcio. Makitananto ti dara kadagiti baotek, ket dinanto ipalubos a sumrek ti Anghel ni Patay iti balayyo tapno agpapatay.

Isaias 27:8

Kas pinangdusana kadagiti tattaona, pinapanawna ida iti dagada, ket naitalawda idi intayab ida ti nadawel nga angin-daya.

Isaias 54:17

Ngem awanto ti armas a makasugat kenka, ket no adda pakaidarumam, addanto latta sungbatmo a nakasagana. Salaknibakto dagiti adipenko, ket pagballigiekto ida.” Daytoy ti sao ti Apo.

Isaias 6:13

Uray maysa iti sangapulo a tattao ti mabati iti daga, madadaelto met. Mayarigto iti napukan a lugo a ti laeng puonna ti matda.” (Ti puon ti mangipakita iti baro a pangrugian dagiti tattao ti Dios.)

Isaias 65:8

Kuna ti Apo, “Awan ti mangdadael kadagiti nasayaat nga ubas. Aramidenda ketdi nga arak. Diak met dadaelen dagiti amin a tattaok—isalakankonto dagiti agserbi kaniak.

Ezekiel 9:4

Kinunana, “Sursorem ti siudad ti Jerusalem, ket markaam ti muging dagiti agasug ken mariribukan gapu iti amin a makarimon a maar-aramid iti siudad.”

Ezekiel 9:6

Patayenyo dagiti lallakay, babbaro, babbalasang, inna ken ubbing. Ngem diyo sagsagiden dagiti adda marka ti mugingna. Irugiyo ditoy Templok.” Iti kasta, rinugianda ti nagpapatay ket inunada dagiti papangulo nga agtaktakder iti Templo.

Daniel 3:17

No ti Dios a pagserserbianmi mabalinnakami nga isalakan iti gumilgil-ayab nga urno ken iti pannakabalinmo, aramidenna dayta.

Daniel 3:26

Iti kasta, napan ni Nebucadnesar iti ruangan ti gumilgil-ayab nga urno ket impukkawna, “Sedrac, Mesac ken Abednego nga adipen ti Kangatoan a Dios, rummuarkayo!” Dinagdagus dagiti tallo ti rimmuar iti urno.

Daniel 6:16

Nagbilin ngarud ti ari a maala ni Daniel ket maitappuak iti rukib dagiti leon. Sakbay a maitappuak ni Daniel, kinuna ti ari kenkuana, “Isalakannaka koma ti Diosmo a pagserserbiam a sipupudno.”

Sofonias 2:3

Agkamangkayo iti Apo, dakayo a napakumbaba a tattao iti daga nga agtulnog kadagiti bilinna. Agaramidkay iti naimbag ket agpakumbabakay iti imatang ti Apo. Nalabit a malisianyonto ti pannakadusa iti dayta nga aldaw a panangiparangarang ti Apo iti pungtotna.

Malakias 3:18

Makitanto manen dagiti tattaok ti paggiddiatan ti mapasamak iti tao a nalinteg ken ti managdakdakes, ti agserbi kaniak ken ti saan.”

San Mateo 24:22

Ngem kinissayan ti Dios ti bilang dagita nga al-aldaw, ta no saan, awan ti makalasat. Ngem gapu kadagiti pinilina a tattao, kissayanna ti bilang dagita nga al-aldaw.

San Mateo 24:31

Aguninto ti dakkel a trumpeta, ket ibaonto ti Anak ti Tao dagiti anghelesna kadagiti uppat a suli ti lubong sadanto urnongen dagiti tattao a pinili ti Dios, manipud iti maysa a pungto ti daga agingga iti sabali.”

San Juan 12:26

Ti siasinoman nga agtarigagay nga agserbi kaniak, masapul a surotennak. Ta no sadino ti ayanko, addanto met sadiay ti adipenko. Ket padayawan ti Ama ti siasinoman nga agserbi kaniak.”

San Juan 3:33

Ti siasinoman nga umawat iti mensahena, pasingkedanna a pudno ti Dios.

Taga-Roma 6:22

Ngem ita, nawayawayaankayon iti basol, ket tagabunakayon ti Dios. Nagun-odyo ti biag a naan-anay a naidaton kenkuana, ket biag nga agnanayon ti banagna.

Paltiing 13:16

Pinilit ti narungsot nga animal dagiti amin a tattao, nanumo ken natan-ok, nabaknang ken napanglaw, tagabu ken siwawayawaya, a mamarkaan iti makannawan nga ima wenno iti mugingda.

Paltiing 13:17

Awan ti makapaglako wenno makapaggatang no saan naimarka kenkuana ti nagan ti animal wenno ti numero a kaibatogan ti naganna.

Paltiing 14:1

Nakitak ti Kordero nga agtaktakder idiay Bantay Sion. Kaduana ti 144,000 a tattao a nasuratan ti mugingda iti nagan ti Kordero ken iti nagan ti Amana.

Paltiing 14:9

Simmaruno ti maikatlo nga anghel a nangipukkaw, “Dagiti agdaydayaw iti narungsot nga animal ken iti ladawanna, ken umawat iti marka iti muging wenno imana,

Paltiing 19:2

Nalinteg ken rumbeng dagiti panangukomna. Dinusana ti agdindinamag nga immoral a babai a nangmulit iti daga babaen iti kinaderrepna. Dinusa ti Dios agsipud ta pinatayna dagiti adipen ti Apo.”

Paltiing 20:4

Ket nakakitaak kadagiti trono. Naikkan dagiti nakatugaw sadiay iti pannakabalin a mangukom. Nakitak met dagiti kararua dagiti napapatay gapu iti panangpaneknekda ken ni Jesus ken iti panangipakaammoda iti sao ti Dios. Saanda a nagrukbab iti narungsot nga animal wenno iti ladawanna. Saanda a pinaikkan dagiti muging ken imada iti marka ti narungsot nga animal. Nagungarda ket nakipagturayda ken ni Cristo iti unos ti 1,000 a tawen.

Paltiing 22:4

Makitadanto ti rupana ket maisuratto ti naganna iti mugingda.

Paltiing 6:6

Nangngegko ti maysa a timek a kasla naggapu iti ayan dagiti uppat a sibibiag a parsua: “Sangkasukat a trigo ti pakaigatangan ti maysa a denario, ken tallo kasukat a sebada ti pakaigatangan ti maysa a denario. Ngem dimo dadaelen ti lana ti olibo ken ti arak!”

Paltiing 7:1

Kalpasanna, nakitak ti uppat nga angheles nga agtaktakder iti uppat a suli ti daga. Tengtenglenda dagiti uppat nga angin tapno saan nga agpuyupoy iti rabaw ti daga, iti taaw wenno iti aniaman a puon ti kayo.

Paltiing 7:2

Nakitak met ti sabali nga anghel nga agpangpangato iti deppaar ti daya nga iggemna ti timbre ti sibibiag a Dios. Pinukkawanna dagiti uppat nga angheles a nangtedan ti Dios iti pannakabalin a mangdadael iti daga ken iti baybay:

Paltiing 9:4

Nabilinda a dida dadaelen dagiti ruot wenno dagiti kayo wenno uray ania a mula. Dagiti laeng tattao nga awan marka ti timbre ti Dios iti mugingda ti ranggasanda.