Paltiing 7:2 - Ti Baro a Naimbag a Damag Biblia

² Nakitak met ti sabali nga anghel nga agpangpangato iti deppaar ti daya nga iggemna ti timbre ti sibibiag a Dios. Pinukkawanna dagiti uppat nga angheles a nangtedan ti Dios iti pannakabalin a mangdadael iti daga ken iti baybay:

Ti Biblia (1973)

² Ket nakitac ti sabali nga angel nga umuli manipud iti leleggacan ti init, nga adda kencuana ti sello ti Dios a sibibiag; ket pinuccawanna iti dackel a timec dagiti uppat nga angel a naiccan ti pannacabalin a mangranggas iti daga ken iti baybay.

Paltiing 7:2 Iomraidhean Croise

2 Ar-ari 19:4

Imbaon ti emperador ti Asiria ti kangrunaan nga ofisialna tapno ibabainna ti sibibiag a Dios. Sapay koma ta mangngeg ti Apo a Diosmo dagitoy a panglalais ket dusaenna dagiti nagsao. Iti kasta, ikararagam dagiti nakalasat a kailiantayo.”

Kanta ni Solomon 8:6

Siak laeng ti ayatem, siak laeng ti arakupem. Nabileg ti ayat a kas iti patay; naranggas ti imon a kas iti tanem. Rumasuk a kas sumgiab nga apuy, ket gumil-ayab a kas iti nadawel nga uram.

Isaias 41:2

“Siasino ti nangsugsog iti maysa a taga-Daya? Siasino ti mamagballigi kenkuana iti sadinoman a papananna? Siasino ti mangted iti bilegna a mangparmek kadagiti ari ken nasnasion? Patapokenna ida babaen iti kampilanna. Warawaraen ida dagiti panana a kas kadagiti taep nga itayab ti angin.

Ezekiel 9:4

Kinunana, “Sursorem ti siudad ti Jerusalem, ket markaam ti muging dagiti agasug ken mariribukan gapu iti amin a makarimon a maar-aramid iti siudad.”

Malakias 3:1

Kastoy ti sungbat ti Apo a Mannakabalin-amin, “Ibaonkonto ti babaonek a mangisagana iti dalanko. Ket kellaatto nga umay ni Yahweh a sapsapulenyo iti Templona. Umayto ti babaonen a segseggaanyo ket ipakaammonanto ti tulagko.”

Malakias 4:2

Ngem kadakayo nga agtungpal kaniak, kaslanto init a lumgak ti pannakabalinko a mangisalakan ken mangyeg iti pannakapaimbag. Rumuarkayto a siraragsak a kas kadagiti urbon ti baka a naipupok.

San Mateo 16:16

“Sika ti Cristo, ti Anak ti sibibiag a Dios,” insungbat ni Simon Pedro.

San Mateo 26:63

Ngem nagulimek ni Jesus. Kinuna manen kenkuana ti Kangatoan a Padi, “Isapatam iti nagan ti sibibiag a Dios ket ibagam kadakami no sika ti Cristo nga Anak ti Dios.”

San Juan 6:27

“Dikay agbannog gapu iti taraon a madadael. Agbannogkayo ketdi gapu iti taraon nga agpaut iti biag nga agnanayon. Daytoy ti taraon nga itedto kadakayo ti Anak ti Tao, ta inted ti Dios Ama kenkuana ti yaanamongna.”

2 Taga-Corinto 1:22

Isu ti nangikabil iti marka a kukuanakami ken isu ti nangted iti Espiritu Santo iti pusomi a kas talged ti amin nga ipaayna kadakami.

Taga-Efeso 1:13

Nagbalinkayo met a tattao ti Dios idi nangngegyo ti pudno a mensahe, ti Naimbag a Damag a nangyeg iti pannakaisalakanyo. Namatikayo ken Cristo ket minarkannakayo ti Dios babaen iti pannangtedna iti Espiritu Santo nga inkarina kas pakakitaan iti panangtagikuana kadakayo.

Taga-Efeso 4:30

Ket diyo pagleddaangen ti Espiritu Santo ti Dios, ta isu ti marka ti Dios iti panangtagikuana kadatayo, maysa a pammatalged a dumtengto ti Aldaw a panangwayawaya ti Dios kadatayo.

Deuteronomio 5:26

Adda kadin nagbiag pay kalpasan a nangngegna ti sibibiag a Dios a nagsao manipud iti apuy?

1 Taga-Tesalonica 1:9

Saritaen amin dagidiay a tattao ti panangawatyo kadakami idi simmarungkarkami kadakayo, ken ti panangtallikudyo kadagiti didiosen tapno agserbikayo iti napaypayso ken sibibiag a Dios.

2 Timoteo 2:19

Ngem natibker ken di magunggon ti fondasion nga impasdek ti Dios. Nailanad dagitoy a balikas: “Ammo ti Apo no siasino dagiti tattaona,” ken “Siasinoman nga agkuna a mamati iti Apo, masapul nga adaywanna dagiti dakes nga aramid.”

Hebreo 12:22

Immasidegkayo ketdi iti Bantay Sion ken iti siudad ti sibibiag a Dios, ti nailangitan a Jerusalem a yan dagiti rinibribu nga angheles.

Paltiing 1:3

Nagasat ti mangbasa iti daytoy a libro. Nagasat met dagiti dumngeg kadagitoy naipadto a mensahe ken mangtungpal iti nailanad iti daytoy a libro! Asidegen ti tiempo a mapasamak dagitoy.

Paltiing 10:1

Kalpasanna, nakitak ti sabali a mannakabalin nga anghel a bumabbaba manipud langit. Nabungon iti ulep ket adda bullalayaw iti ngatoen ti ulona. Naraniag ti rupana a kas iti karaniag ti init ket kasla adigi nga apuy dagiti sakana.

Paltiing 10:4

Idi malpas ti dulluog, agsuratak koman, ngem nangngegko ti maysa a timek a naggapu sadi langit. “Ilimedmo ti imbaga dagiti pito a gurruod,” kinunana. “Dimo isurat.”

Paltiing 16:12

Imbuyat ti maikanem nga anghel ti malukongna iti dakkel a karayan Eufrates. Namagaan ti karayan tapno adda pagnaan dagiti ari nga aggapu iti daya.

Paltiing 5:2

Ket nakitak ti maysa a mannakabalin nga anghel a nangipakaammo iti napigsa a timek: “Siasino ti maikari a mangikkat kadagiti timbre ken mangukrad iti nalukot a pagbasaan?”

Paltiing 8:3

Simmangpet ti sabali nga anghel nga addaan iti insensario a balitok, ket napan nagtakder iti sango ti altar. Naikkan iti nawadwad nga insenso nga inayonna kadagiti kararag dagiti tattao ti Dios ken idatonna iti balitok nga altar iti sangoanan ti trono.

Paltiing 9:14

Kinunana iti maikanem nga anghel nga adda trumpetana: “Ruk-atam dagiti uppat nga angheles a nakagalut iti dakkel a karayan Eufrates.”

Paltiing 9:4

Nabilinda a dida dadaelen dagiti ruot wenno dagiti kayo wenno uray ania a mula. Dagiti laeng tattao nga awan marka ti timbre ti Dios iti mugingda ti ranggasanda.

1 Samuel 17:26

Sinaludsod ni David kadagiti soldado nga adda iti asidegna, “Ania ti gunggona ti mangpatay iti daytoy a Filisteo tapno ikkatenna daytoy a pannakaibabain ti Israel? Siasino met la aya daytoy saan a nakugit a Filisteo a mangkarit iti armada ti sibibiag a Dios?”

1 Samuel 17:36

Adun ti napatayko a leon ken oso ket kasta met ti aramidek iti daytoy saan a nakugit a Filisteo a nangkarit iti armada ti sibibiag a Dios.