Paltiing 7:17 - Ti Baro a Naimbag a Damag Biblia

¹⁷ agsipud ta pastordanton ti Kordero nga adda iti tengnga ti trono. Iturongnanto ida kadagiti ubbog ti danum a sibibiag. Punasento ti Dios dagiti amin a luada.”

Ti Biblia (1973)

¹⁷ Ta ti Cordero nga adda iti tengnga, ti trono, ipastorannanto ida, ket iturongnanto ida cadagiti ubbog ti danum ti biag ket punasento ti Dios ti amin a lulua cadagiti matada.

Paltiing 7:17 Iomraidhean Croise

Dagiti Salmo 22:26

Manganto koma dagiti napanglaw agingga a mapnekda; agdaydayawto iti Apo dagiti mangbirok kenkuana. Rumang-ayda koma iti awan inggana!

Dagiti Salmo 23:5

Mangisaganaka iti padaya nga agpaay kaniak, iti imatang dagiti kabusorko. Pinaaruyotam daytoy ulok iti lana, ket agliplippias ti kopak.

Dagiti Salmo 28:9

Isalakanmo kadi, O Apo, dagiti tattaom, ket bendisionam ida, isuda, a kukuam! Sika koma ti pastorda, ket agnanayon nga aywanam ida.

Isaias 12:3

Kas iti mawaw a siraragsak a mangtako iti danum, kasta met dagiti tattao ti Dios no isalakanna ida.”

Isaias 25:6

Ditoy Bantay Sion, mangisagananto ti Apo a Mannakabalin-amin iti padaya nga agpaay kadagiti amin a nasion ditoy lubong. Maidasarto dagiti agkakabaknang a taraon ken agkakaimas nga arak.

Isaias 25:8

Pukawennanto ti Apo a Dios ni patay iti agnanayon! Punasennanto amin a lua ti tunggal maysa ket ikkatennanto ti pakaibabainan a sinagaba dagiti tattaona iti sangalubongan. Ti Apo a mismo ti nagsao.

Isaias 30:19

Dakayo nga agnaed iti Jerusalem, dikayton agsangit. Manangngaasi ti Apo ket no umasugkayo nga agpatulong kenkuana, ipangagnakayo.

Isaias 30:25

Iti aldaw a masakup dagiti sarikedked dagiti kabusoryo ket mapapatay dagiti tattaoda, agayusto dagiti danum kadagiti ubbog manipud kadagiti bambantay ken turturod.

Isaias 35:10

Naragsakdanto a dumanon idiay Jerusalem; agkankanta ken agpukpukkawdanto gapu iti ragsakda. Naragsakdanto iti awan inggana, agnanayonto nga awan ti leddaang ken ladingitda.

Isaias 40:11

Aywanannanto ti arbanna a kas iti agpaspastor iti animalna. Ummongennanto dagiti urbon ti karnero ket sakruyenna ida; siaanusto a mangidalan kadagiti innada.

Isaias 49:9

Kunakto kadagiti balud, ‘Rummuarkayo!’ Kunakto met kadagiti adda iti nasipnget, ‘Agparangkayo!’ Mayarigdanto kadagiti karnero nga agar-arab iti katurturodan;

Isaias 51:11

Siraragsakto a makadanon idiay Jerusalem dagiti inispalmo; agkakanta ken agpukpukkawdanto iti rag-o. Naragsakdanto iti agnanayon nga awan inggana. Pulos nga awanton ti ladingit ken leddaangda.

Isaias 60:20

Agpatingganton ti panagladladingitmo. Siak, ni Yahweh, ti agnanayon a silawmo; napapautto ti lawagko ngem ti init ken bulan.

Isaias 65:19

Mapnoakto met iti rag-o gapu iti Jerusalem ken kadagiti tattaona. Awanton ti agsangit sadiay, awanton ti umawag iti tulong.

Jeremias 2:13

Adda dua a basol dagiti tattaok: binaybay-andak nga ubbog ti danum a sibibiag, nagkalida kadagiti bubon a di mabalin a pagurnongan iti danum.

Jeremias 31:9

Agsangsangitto dagiti tattaok nga agsubli; agkarkararagdanto bayat ti panangyawidko kadakuada. Iturongkonto ida kadagiti agay-ayus a danum; nasimpa a dalan ti pagnaanda tapno dida maitibkol. Siak ti pannakaama ti Israel, ket ni Efraim ti inauna nga anakko.”

Ezekiel 34:23

Itedkonto kadakuada ni David nga adipenko a pastorda a kakaisuna ket aywanannanto ida.

Mikias 5:4

Inton umay, iturayannanto dagiti tattaona babaen iti bileg nga aggapu iti Apo ken ti dayag ti Apo a Dios. Natalgedto ti panagbiag dagiti tattaona agsipud ta bigbigento dagiti tattao iti sangalubongan ti kinatan-okna,

Mikias 7:14

Aywanam dagiti pinilim a tattao, O Apo. Ipastormo ida a kas iti arban. Nupay agwaywayasda iti let-ang, nalikmutda iti nadam-eg a daga. Ipanmo ida iti nalangto a pagaraban ti Basan ken Galaad a kas idi un-unana.

San Mateo 2:6

‘Sika, Betlehem, iti daga ti Juda, Saanka a maudi kadagiti ili iti Juda; Ta tumaudto kenka ti maysa a pangulo A mangaywan iti ilik nga Israel.’”

San Mateo 5:4

“Nagasat dagiti agladingit, ta liwliwaento ida ti Dios.

San Juan 10:11

“Siak ti naimbag a pastor. Ti naimbag a pastor itedna ti biagna nga agpaay kadagiti karnerona.

San Juan 10:14

“Siak ti naimbag a pastor. Am-ammonak ti Ama, ket am-ammok met ti Ama. Am-ammok dagiti karnerok ket am-ammodak met. Madadaanak a mangipaay iti biagko gapu kadakuada.

San Juan 4:10

“No ammom la koma ti sagut nga ited ti Dios ken no siasino ti dumawdawat kenka iti inumen, dumawatka koma kenkuana ket ikkannaka iti nabiag a danum,” insungbat ni Jesus.

San Juan 4:11

“Apo,” kinuna ti babai, “nauneg ti bubon ket awan met ti pagsakdum. Pangalaam ngarud iti nabiag a danum?

San Juan 4:14

“ngem ti uminum iti danum nga itedko, saanton a mawaw. Ta ti danum nga itedko agbalinto nga ubbog iti unegna a mangted kenkuana iti nabiag a danum ken biag nga agnanayon.”

Dagiti Aramid 20:28

Annadanyo ngarud ti bagbagiyo ken ti amin nga arban nga impaaywan ti Espiritu Santo kadakayo. Wen, aywananyo ti iglesia ti Dios a ginatangna babaen iti dara ti Anakna.

1 Pedro 5:2

aywananyo ti grupo dagiti mamati, ti arban nga inted ti Dios kadakayo, kas iti panangaywan ti maysa a tao iti arban ti karnero. Aywananyo a siaayat ti arban a kas iti kayat ti Dios nga aramidenyo. Saankayo koma a mapilpilit. Agtrabahokayo, saan a gapu iti tangdan, no di ket gapu iti pudno a tarigagay iti panagserbi.

Paltiing 14:4

Isuda dagiti saan a natulawan babaen kadagiti babbai, ta nadalusda. Sumursurotda iti Kordero iti sadinoman a papananna. Isuda dagiti nasubbot iti sangkataoan ken dagiti umuna a maidaton iti Dios ken iti Kordero.

Paltiing 21:22

Nadlawko nga awan templo iti siudad agsipud ta ni Apo Dios a Mannakabalin-amin ken ti Kordero ti pannakatemplona.

Paltiing 21:23

Saanen a masapul ti init ken ti bulan a manglawag iti siudad agsipud ta ti dayag ti Dios ti mangranraniag ket ti Kordero ti pagsilawan.

Paltiing 21:4

Punasennanto dagiti luada. Awanton ti patay, ladingit, sangsangit wenno ut-ot agsipud ta limmabasen dagiti immun-una a banag.”

Paltiing 21:6

Kinunana pay, “Natungpalen! Siak ti Alfa ken ti Omega, ti pangrugian ken ti panungpalan. Siasinoman a mawaw, ikkakto iti kalintegan nga uminum iti ubbog ti danum ti biag.

Paltiing 22:1

Impakita pay ti anghel ti karayan ti danum ti biag. Nalitnaw a kas kristal ti danumna nga agubbog manipud iti trono ti Dios ken ti Kordero.

Paltiing 4:11

“Apo ken Diosmi! Maikarika nga umawat iti dayag, dayaw ken pannakabalin. Ta pinarsuam dagiti amin a bambanag, ket babaen iti pagayatam, naparsua ken naikkanda iti biag.”

Paltiing 5:6

Kalpasanna, nakitak ti maysa a Kordero nga agtaktakder iti tengnga ti trono a linikmut dagiti uppat a sibibiag a parsua ken dagiti panglakayen. Kasla napapatay ti Kordero. Pito ti sarana ken addaan iti pito a mata nga isu dagiti pito nga espiritu ti Dios nga imbaonna iti entero a lubong.