Paltiing 7:16 - Ti Baro a Naimbag a Damag Biblia

¹⁶ Pulos a didanto agbisin wenno mawaw. Saandanton a mapudotan iti init wenno aniaman a makasinit

Ti Biblia (1973)

¹⁶ Didanto agbisinen wenno mawawen; ket didanto met mainitanen wenno aniaman a pudot:

Paltiing 7:16 Iomraidhean Croise

Dagiti Salmo 121:5

Aywanannaka ti Apo; salaknibannaka, adda iti sibaymo.

Dagiti Salmo 121:6

Dinakanto dangran ti init iti aldaw wenno ti bulan iti rabii.

Dagiti Salmo 143:6

Ingatok dagiti imak nga agkararag kenka kasla natikag a daga toy kararuak a mawaw kenka.

Dagiti Salmo 42:2

Mawawak iti sibibiag a Dios; Kaanonto a mabalinko ti mapan agdaydayaw iti sangoananna?

Dagiti Salmo 63:1

O Dios, sika ti Diosko, ket mailiwak kenka, ti amin a kinataok tarigagayannaka. Wen, mawaw toy kararuak kenka a kas iti namaga, nautoyan ken natikag a daga.

Kanta ni Solomon 1:6

Didak laisen gapu iti kolorko, ngamin, pinangisit ti init ti kudilko. Kinapungtotdak dagiti lallaki a kakabsatko, imbaondak iti kaubasan ket sadiayak a nagtrabaho, isu a nabaybay-ak ti bagik, diak naasikaso.

Isaias 25:4

Nagkamang kenka dagiti napanglaw ken nakakaasi, ket awan nakaan-anoanda iti tiempo ti riribuk. No agbagio, ikkam ida iti salinongda, ket iti makasinit a pudot, linongam ida. Dumarup dagiti naranggas a tattao a kasla bagio iti tiempo ti lam-ek,

Isaias 32:2

Mayarigto ti tunggal maysa kadakuada iti pagkamangan no dumteng ti angin ken paglinongan no agbagio. Kasladanto karayan nga agay-ayus iti let-ang. Mayarigdanto iti anniniwan ti higante a bato iti natikag a daga.

Isaias 41:17

“Inton agbirok dagiti tattaok iti danum gapu iti rigatda, inton mamagaan ti karabukobda iti wawda, siak, ni Yahweh, ipangagkonto ti kararagda; siak a Dios ti Israel, diakto baybay-an ida.

Isaias 49:10

pulos a didanto mawaw wenno mabisinan. Didanto agsagaba iti pudot ti init ken ti let-ang; ta idalanto ida ti mangay-ayat kadakuada. Iturongnanto ida kadagiti ubbog ti danum.

Isaias 65:13

Ibagak ngarud kadakayo nga adunto ti kanen ken inumen dagiti agdaydayaw ken agtulnog kaniak, ngem mabisinan ken mawawkayto. Naragsakdanto ngem maibabainkayto.

Jonas 4:8

Idi sumingising ti init, nangibaon ti Dios iti napudot nga angin a naggapu iti daya, ket uray la natalimudaw ni Jonas gapu iti makasinit a pudot ti init. Indawatna manen ti pannakatayna. “Naim-imbag la koman a matayakon!” kinunana.

San Mateo 13:21

Ngem saan nga umuneg ti sao kadakuada ket saanda nga agbayag. Isut' gapuna a maupayda a dagus no dumteng ti rigrigat ken pannakaidadanes gapu iti sao.

San Mateo 13:6

Idi makatangkayagen ti init, nalaylay dagiti apagtubo a mula ket nagangoda a dagus agsipud ta di unay nakauneg dagiti ramutda.

San Mateo 5:6

“Nagasat dagiti nasged ti tarigagayda a mangtungpal iti pagayatan ti Dios, ta mapnekdanto.

San Marcos 4:17

Ngem saan a makapagramut ti sao kadakuada, ket saanda nga agbayag. Isut' gapuna a maupayda a dagus no dumteng dagiti rigrigat ken pannakaidadanes gapu iti sao.

San Marcos 4:6

Idi makatangkayagen ti init, nalaylay dagiti apagtubo a mula ket nagangoda a dagus agsipud ta dida unay nakapagramut.

San Lucas 1:53

Pinennekna dagiti mabisin kadagiti agkakaimbag; Pinagtalawna nga ima-ima dagiti babaknang.

San Lucas 6:21

“Nagasatkayo, dakayo a mabisin ita, ta mapnekkayto! “Nagasatkayo, dakayo nga agsangit ita, ta agkatawakayto!

San Juan 4:14

“ngem ti uminum iti danum nga itedko, saanton a mawaw. Ta ti danum nga itedko agbalinto nga ubbog iti unegna a mangted kenkuana iti nabiag a danum ken biag nga agnanayon.”

Santiago 1:11

No nakangaton ti init, malanet ti mula iti makasinit a darang. Malaylay ti mula, maregreg ti sabongna, ket madadael metten ti pintasna. Kasta met ti pannakadadael ti nabaknang bayat ti panangas-asikasona kadagiti aramidna.

Paltiing 21:4

Punasennanto dagiti luada. Awanton ti patay, ladingit, sangsangit wenno ut-ot agsipud ta limmabasen dagiti immun-una a banag.”