Paltiing 7:15 - Ti Baro a Naimbag a Damag Biblia

¹⁵ Dayta ti gapuna nga addada iti sangoanan ti trono ti Dios ket aldaw-rabii nga agserserbida kenkuana iti templona. Aywananto ida ti agtugtugaw iti trono.

Ti Biblia (1973)

¹⁵ Gapu itoy addada iti sangoanan ti trono ti Dios, ket agserservida kencuana iti aldaw ken rabii iti templona: ket daydiay nagtugaw iti trono isalucubnanto ti tabernaculona cadacuada.

Paltiing 7:15 Iomraidhean Croise

1 Ar-ari 6:13

Agnaedakto iti sidong dagiti tattaok nga Israelita, iti daytoy a Templo a bangbangonem, ket pulos a diak baybay-an ida.”

1 Cronicas 23:25

Kinuna ni David: “Inted ti Dios ti Israel ti talna kadagiti tattaona ket pinagbalinna ti Jerusalem a pagtaenganna nga agnanayon.

Exodo 29:45

Agtaengakto iti sidong dagiti Israelita ket siakto ti Diosda.

Ezekiel 37:27

Sadiay, makipagnaedakto kadakuada. Siakto ti Diosda ket isudanto dagiti tattaok.

Levitico 26:11

Makipagnaedakto kadakayo iti Toldak ket pulos a dikayto tallikudan.

San Juan 1:14

Nagbalin a tao ti Sao ket nakipagtaeng kadatayo; napnoan iti parabur ken kinapudno. Nakitami ti dayagna, ti dayag nga inawatna kas kakaisuna nga Anak ti Ama.

1 Taga-Corinto 3:16

Awan duadua nga ammoyo a dakayo ti templo ti Dios, ket agtalinaed ti Espiritu ti Dios kadakayo.

2 Taga-Corinto 6:16

Kasano nga agkappia ti templo ti Dios ken dagiti didiosen? Ta datayo ti templo ti sibibiag a Dios. Kas kuna ti mismo a Dios: “Agyanakto iti sidongda ket makipagnaedakto kadakuada, Siakto ti Diosda ket isudanto dagiti tattaok.”

Hebreo 12:2

Ditay isinsina ti matatayo ken ni Jesus a pangulo ken mangpunno iti pammati. Saan a naupay ni Jesus gapu iti krus. Ngem gapu iti rag-o nga agur-uray kenkuana, dina pinampanunot ti pannakaibabain iti ipapatay iti krus. Adda itan a situtugaw iti makannawan ti trono ti Dios.

Hebreo 8:1

Daytoy ti kayatmi a sawen: Adda kastoy a Kangatoan a Paditayo a situtugaw iti makannawan ti trono ti Natan-ok nga Ari sadi langit.

Paltiing 11:19

Nalukatan ti templo ti Dios sadi langit, ket nakitak ti Lakasa ti Tulagna iti uneg. Kalpasanna, nagkimat, adda napigsa nga arimbangaw, naggurruod, nagginggined ken nagtudo iti nakaad-adu nga yelo.

Paltiing 13:6

Rinugianna ti agsao iti maibusor iti Dios, iti nagan ti Dios, iti balay ti Dios ken amin nga agnaed sadi langit.

Paltiing 20:10

Kalpasanna, naitappuak iti dan-aw ti apuy ken asufre ti Diablo a nangallilaw kadakuada. Daytoy met la a dan-aw ti nakaitappuakan ti narungsot nga animal ken ti sinan-profeta. Matutuokdanto sadiay iti aldaw ken rabii, iti agnanayon nga awan inggana.

Paltiing 21:22

Nadlawko nga awan templo iti siudad agsipud ta ni Apo Dios a Mannakabalin-amin ken ti Kordero ti pannakatemplona.

Paltiing 22:3

Awan sadiay ti aniaman nga inlunod ti Dios. Masarakan iti siudad ti trono ti Dios ken ti Kordero ket agdaydayawto kenkuana dagiti adipenna.

Paltiing 22:5

Awan ti rabii sadiay ket didanto masapul ti pagsilawan wenno ti lawag ti init agsipud ta ni Apo Dios ti silawdanto ket agaridanto iti agnanayon nga awan inggana.

Paltiing 4:4

Iti aglikmut ti trono, adda duapulo ket uppat a sabali a trono a pagtugtugawan ti duapulo ket uppat a panglakayen a nakakawes iti puraw ken nakakorona iti balitok.

Paltiing 4:8

Innem ti payak ti tunggal maysa kadagiti sibibiag a parsua, ket mata amin iti uneg ken ruar ti payak. Aldaw-rabii nga awan sardengda a mangikankanta: “Santo, santo, santo, ni Apo Dios a Mannakabalin-amin, Isu nga adda idi, adda ita ken umayto.”

Paltiing 4:9

Ikanta dagiti uppat a sibibiag a parsua dagiti kanta ti dayag, pagdayaw ken pagyaman iti situtugaw iti trono nga agbiag nga agnanayon nga awan inggana. Bayat ti panagkantada,

Paltiing 7:9

Kalpasan daytoy, nakitak ti nakaad-adu a tattao—awan ti makabilang iti kaaduda. Naggapuda iti amin a puli, tribu, pagilian ken pagsasao. Nakatakderda iti sangoanan ti trono ken ti Kordero. Puraw ti kawesda ken nakaiggemda iti sanga ti palma.