Paltiing 7:14 - Ti Baro a Naimbag a Damag Biblia

¹⁴ “Diak ammo, apo! Sika ti makaammo,” insungbatko. Kinunana kaniak: “Isuda dagiti nakalasat iti napalalo a pannakaidadanes. Linabaanda dagiti pagan-anayda ket pinapudawda ida babaen iti dara ti Kordero.

Ti Biblia (1973)

¹⁴ Ket kinunac kencuana: Apoc, sica ammom. Ket isu kinunana caniac: Dagitoy isuda dagiti naggapu iti dackel a rigat, ket binuggoanda dagiti pagananayda, ket pinapudawda ida iti dara ti Cordero.

Paltiing 7:14 Iomraidhean Croise

Ti Libro ni Job 11:16

Malipatamton ti amin a rigatmo kas layus a naglabas, saanen a malagip.

Exodo 37:3

Inyaramidanna iti uppat a pagyusokan a balitok a pagawitan sana inkapet kadagiti uppat a sakana; dua a pagyusokan iti agsumbangir.

Isaias 1:18

Kuna ni Yahweh, “Ita, umaykayo ta aglilinnawagtayo. Nalabaga ti mansayo gapu iti basol, ngem dalusankayo agingga nga agbalinkayo a napudaw a kas iti kapas. Uray no nakalablabbaga ti mansayo, pumudawkayto a kas iti puraw a de lana.

Daniel 11:35

Mapapatayto ti dadduma kadagiti masirib, ngem gapu iti daytoy, magugoran ken madalusanto dagiti tattao. Agtuloyto daytoy agingga a dumteng ti panungpalan, ti tiempo nga intuding ti Dios.

Daniel 12:1

Intuloy ti anghel ti nagsao: “Iti dayta a tiempo, agparangto ni Miguel, ti naindaklan nga anghel a mangaywan kadagiti kailiam. Kalpasanna, tumaudto ti riribuk a di pay napasamak manipud pannakaipasdek dagiti nasion. Inton dumteng dayta a tiempo, maisalakanto dagiti amin a kailiam a nailanad ti naganda iti libro ti Dios.

Daniel 7:16

Immasidegak iti maysa kadagiti nakatakder sadiay ket dinawatko nga ibagana ti kaipapanan dagiti nakitak. Impalawagna ngarud kaniak ti kaipapananda.

Zacarias 13:1

Kuna ni Yahweh a Mannakabalin-amin, “Inton dumteng dayta a tiempo, addanto ubbog a maluktan nga agpaay kadagiti kaputotan ni David ken dagiti tattao iti Jerusalem tapno maugasan ti basol ken kinarugitda.

San Mateo 24:21

Ta kadagita nga aldaw, nakarkaronto nga adayo ti rigat ngem iti aniaman a napasamak manipud pannakaparsua ti lubong agingga kadagitoy nga aldaw. Ket uray kaano awanton ti kastoy a mapasamak.

San Marcos 13:19

Ta ti rigat kadagita nga aldaw, saan pay a napaspasamak manipud pannakaparsua ti lubong. Dinto met masunotanen iti uray kaanoman.

San Juan 16:33

Imbagak daytoy kadakayo tapno adda talnayo iti pannakikaduayo kaniak. Parigatennakayto ti lubong. Ngem papigsaenyo ti nakemyo! Naparmekkon ti lubong!”

Dagiti Aramid 14:22

Pinatibkerda dagiti mamati ket binalakadanda ida nga agtalinaed a sipupudno iti pammati. Imbagada, “Masapul nga aglasattay iti adu a rigat sakbay a sumrektay iti Pagarian ti Dios.”

Taga-Roma 5:3

Agragsaktayo met kadagiti rigrigattayo, ta ammotayo a ti rigat pataudenna ti panagibtur.

1 Taga-Corinto 6:11

Kasta ti sumagmamano kadakayo idi. Ngem naugasankayon iti basol, naidatonkayon iti Dios, napalintegkayon iti imatang ti Dios babaen iti nagan ni Apotayo a Jesu-Cristo ken babaen iti Espiritu ti Diostayo.

2 Taga-Tesalonica 1:4

Isut' gapuna a dakami a mismo ti mangipasindayaw kadakayo kadagiti iglesia ti Dios. Pagpannakkelmi ti panagibtur ken pamamatiyo nga adda kadakayo uray pay no maidaddadanes ken agsagabakayo.

Hebreo 13:12

Daytoy ti gapuna a natay met ni Jesus iti ruar ti siudad tapno ugasanna dagiti tattao kadagiti basbasolda babaen iti darana a nagsayasay idi pimmusay.

Hebreo 9:14

Ngem ad-adda pay ti pannakabalin ti dara ni Cristo! Ta babaen iti agnanayon nga Espiritu, impaayna iti Dios ti bagina a kas daton nga awan pakapilawanna. Ti darana ti mangugas kadagiti konsensiatayo kadagiti awan serserbina a panagdaydayaw tapno aramidentayo ti pagayatan ti sibibiag a Dios.

1 Pedro 1:19

Nawayawayaankayo ketdi babaen iti pannakaidaton iti napateg a dara ni Cristo a mayarig iti kordero nga awan mulit ken tulawna.

1 Juan 1:7

Ngem no agbiagtayo iti lawag, a kas iti kaaddana iti lawag, agkakaduatayo ngarud, ket ti dara ni Jesus nga Anakna ugasannatayo iti amin a basol.

Paltiing 1:5

Aggapu pay ken ni Jesu-Cristo a mapagtalkan a saksi, inauna nga Anak a nagungar ken kangatoan kadagiti agtuturay iti lubong. Ay-ayatennatayo ni Jesu-Cristo, ket winayawayaannatayo kadagiti basbasoltayo babaen iti ipapatayna.

Paltiing 12:11

Pinarmek dagiti kakabsattayo babaen iti dara ti Kordero ken iti panangsaksida iti pudno. Siaayatda a mangipatli iti biagda gapu iti pammatida.

Paltiing 15:2

Ket nakitak ti kasla taaw a kristal a gumilgil-ayab. Nakitak pay dagiti nangparmek iti narungsot nga animal ken iti ladawanna, agraman iti animal a numero ti kaibatogan ti naganna. Agtatakderda iti igid ti taaw a kristal; ig-iggamanda dagiti arpa nga inted ti Dios kadakuada.

Paltiing 17:6

Ket nakitak a nabartek ti babai iti dara dagiti tattao ti Dios ken iti dara dagiti martir—dagiti napapatay idi gapu iti kinapudnoda ken ni Jesus. Kasta unay siddaawko a nakakita iti babai.

Paltiing 2:9

Ammok dagiti pakariribukam. Ammok met a napanglawka, ngem iti kinapudnona, nabaknangka! Ammok pay dagiti pammadpadakes kenka dagiti agkunkuna a Judioda uray no saan met. Maysada a bunggoy nga agdaydayaw ken ni Satanas.

Paltiing 22:14

Nagasat dagiti mangdalus kadagiti kawesda ta maikkanda iti kalintegan a sumrek iti siudad ken mangan iti bunga ti puon ti kayo a mangted iti biag.

Paltiing 5:9

Kinantada ti maysa a baro a kanta: “Maikarika a mangala iti nalukot a pagbasaan Ken mangikkat kadagiti timbre. Ta napapatayka ket babaen iti ipapataymo, sinubbotmo dagiti tattao a maipaay iti Dios, Manipud iti tunggal tribu, pagsasao, nasion ken puli,

Paltiing 7:9

Kalpasan daytoy, nakitak ti nakaad-adu a tattao—awan ti makabilang iti kaaduda. Naggapuda iti amin a puli, tribu, pagilian ken pagsasao. Nakatakderda iti sangoanan ti trono ken ti Kordero. Puraw ti kawesda ken nakaiggemda iti sanga ti palma.