Paltiing 7:1 - Ti Baro a Naimbag a Damag Biblia

¹ Kalpasanna, nakitak ti uppat nga angheles nga agtaktakder iti uppat a suli ti daga. Tengtenglenda dagiti uppat nga angin tapno saan nga agpuyupoy iti rabaw ti daga, iti taaw wenno iti aniaman a puon ti kayo.

Ti Biblia (1973)

¹ Ket calpasan daytoy, nacakitaac cadagiti uppat nga angel nga agtatacder cadagiti uppat a suli ti daga, a laplappedanda dagiti uppat nga angin ditoy daga, tapno awan ti angin nga agpuyupoy iti rabaw ti daga, wenno iti rabaw ti baybay wenno iti aniaman a cayo.

Paltiing 7:1 Iomraidhean Croise

Isaias 11:12

Mangibayogto ti Apo iti bandera a mangipakita kadagiti nasion nga ummongenna manen dagiti nawarawara a tattao ti Israel ken Juda ket alaenna ida kadagiti amin a suli ti daga.

Isaias 27:3

“Siak ti mangtartaripato iti daytoy a kaubasan. Sibsibogak. Aldaw-rabii a guardiaak tapno awan ti mangan-ano.

Isaias 27:8

Kas pinangdusana kadagiti tattaona, pinapanawna ida iti dagada, ket naitalawda idi intayab ida ti nadawel nga angin-daya.

Jeremias 49:36

Paganginekto iti napigsa iti amin a suli idiay Elam. Iwarawarakto dagiti tattao iti amin a disso agingga a pagbakwitan dagiti tattao ti amin a lugar.

Ezekiel 37:9

Kinuna ti Dios kaniak, “Anak ti tao, agipadtoka iti angin. Ibagam iti angin a siak nga Apo a Dios ibilinko kenkuana nga umay manipud iti nadumaduma a suli ket angsanna dagitoy a bangkay tapno agbiagda manen.”

Ezekiel 7:2

Kinunana, “Anak ti tao, kastoy ti kunak nga Apo a Dios iti daga nga Israel: Dumtengen ti panungpalan ti entero nga Israel!

Daniel 11:4

Ngem inton kapigsa ti bilegna, marpuogto ti pagarianna ket mabingbingayto iti uppat a paset. Awanto ti ari nga agtaud iti kaputotanna. Sabalinto dagiti agturay iti lugarna ngem awanto ti bilegda a kas kenkuana.

Daniel 7:2

ti nakitak iti dayta a rabii: Agang-angin iti napigsa manipud iti amin a suli ket kibkiburenna ti rabaw ti taaw.

Daniel 8:8

Timmangsit a timmangsit ti kalding, ngem idi kapigsa ti pannakabalinna, natukkol ti sarana. Iti nakaikkatanna, nagtubo ti uppat a dadakkel a sara. Aggigiddiat ti turong ti tunggal sara.

Jonas 1:4

Ngem imbulos ni Yahweh ti napigsa nga angin iti taaw. Napigsa ti bagio ket kasla marba ti barko.

Zacarias 6:1

Adda manen sabali a parmatak. Naimatangak ti uppat a lugan a pakigubat a rumrummuar iti nagbaetan ti dua a bronse a bantay.

Zacarias 6:5

Kinunana, “Dagitoy dagiti uppat nga angin. Kagapgapuda iti saklang ti Apo ti entero a daga.”

San Mateo 24:31

Aguninto ti dakkel a trumpeta, ket ibaonto ti Anak ti Tao dagiti anghelesna kadagiti uppat a suli ti lubong sadanto urnongen dagiti tattao a pinili ti Dios, manipud iti maysa a pungto ti daga agingga iti sabali.”

San Marcos 13:27

Ibaonnanto dagiti angheles a mapan kadagiti uppat a suli ti daga tapno ummongendanto dagiti tattao a pinili ti Dios manipud iti amin a paset ti lubong.”

Paltiing 20:8

Rummuarto a mangallilaw kadagiti nasion iti entero a lubong, kayatna a sawen, da Gog ken Magog. Ummongento ida ni Satanas a kaduana a makigubat. Adunto ti armadada kas iti kaadu ti darat iti igid ti baybay.

Paltiing 6:6

Nangngegko ti maysa a timek a kasla naggapu iti ayan dagiti uppat a sibibiag a parsua: “Sangkasukat a trigo ti pakaigatangan ti maysa a denario, ken tallo kasukat a sebada ti pakaigatangan ti maysa a denario. Ngem dimo dadaelen ti lana ti olibo ken ti arak!”

Paltiing 7:3

“Saanyo pay a dadaelen ti daga, ti taaw wenno dagiti kayo; urayenyo a malpas ti panangmarkami kadagiti muging dagiti adipen ti Diostayo.”

Paltiing 8:7

Pinuyot ti umuna nga anghel ti trumpetana. Nagtudo iti yelo ken apuy a nalaokan iti dara. Napuoran ti apagkatlo a paset ti daga, ti apagkatlo dagiti amin a kaykayo ken dagiti amin a nalangto a ruot.

Paltiing 9:14

Kinunana iti maikanem nga anghel nga adda trumpetana: “Ruk-atam dagiti uppat nga angheles a nakagalut iti dakkel a karayan Eufrates.”

Paltiing 9:4

Nabilinda a dida dadaelen dagiti ruot wenno dagiti kayo wenno uray ania a mula. Dagiti laeng tattao nga awan marka ti timbre ti Dios iti mugingda ti ranggasanda.