Paltiing 6:9 - Ti Baro a Naimbag a Damag Biblia

⁹ Inikkat ti Kordero ti maikalima a timbre. Nakitak iti sirok ti altar dagiti kararua dagiti napapatay gapu ta impakaammoda ti sao ti Dios ken napudnoda idi iti panagsaksida.

Ti Biblia (1973)

⁹ Ket idi linuctanna ti maicalima a sello, nakitac iti siroc ti altar dagiti carcararua dagiti napapatay idi gapu iti sao ti Dios, ken gapu iti pammanecnec a tinaginayonda:

Paltiing 6:9 Iomraidhean Croise

Genesis 4:10

Ket kinuna ni Yahweh, “Apay a kasta ti inaramidmo? Um-umkis kaniak ti dara ti kabsatmo manipud iti daga ket dumawdawat iti panagibales.

Exodo 29:12

Mangalaka iti darana, ket isawsawmo ta tammudom samo ipulagid kadagiti sinan-sara ti altar. Kalpasanna, ibuyatmo ti natda a dara iti puon ti altar.

Levitico 4:7

Pulagidanna iti dara dagiti sinan-sara ti altar a pagpuoran iti insenso iti Tolda. Ibuyatna ti natda a dara iti puon ti altar a pagidatagan iti daton a mapuoran nga adda iti ruangan ti Tolda.

San Juan 16:2

Pagtalawendakayto kadagiti sinagogada. Umayto ti tiempo nga ipagarup ti pumatay kadakayo nga aramidenna daytoy a kas pagrebbenganna iti Dios.

2 Taga-Corinto 5:8

Natalgedkam unay ket adayo a kaykayatmi ti pumanaw iti balaymi tapno makipagnaedkami iti Apo.

Taga-Filipos 1:23

ta agin-innagaw kaniak dagitoy dua. Tarigagayak unay ti sumina iti daytoy a biag ket tumiponak ken ni Cristo—nasaysayaat daytoy para kaniak.

Taga-Filipos 2:17

Agragsakak uray no masapul a maibuyat ti darak a mainayon iti sakrifisio nga idaton ti pammatiyo iti Dios.

2 Timoteo 1:8

Ngarud, dika agbain a mangsaksi iti Apotayo. Saannak met nga ibain a sibabalud ita gapu ken ni Cristo. Makipagsagabaka ketdi gapu iti Naimbag a Damag, kas mayannurot iti pigsa nga ited ti Dios.

2 Timoteo 4:6

No maipapan kaniak, dimtengen ti oras a pannakaidatonko. Adtoyen ti tiempo nga isisinak iti daytoy a biag.

Hebreo 12:23

Immasidegkayo iti naragsak a taripnong dagiti inauna nga annak ti Dios, isuda a naisurat ti naganda sadi langit. Immasidegkayo iti Dios a mangukom iti sangkataoan ken kadagiti espiritu dagiti nalinteg a tattao a naaramid nga awan pagkuranganna.

Paltiing 1:2

ket impakaammo ni Juan ti amin a nakitana. Daytoy ti pammaneknekna maipapan iti mensahe a naggapu iti Dios ken iti kinapudno nga impakaammo ni Jesu-Cristo.

Paltiing 1:9

Siak ni Juan a kabsatyo. Kas pasurot ni Jesus, kaduakayo iti panagsagaba, iti pagarian ni Cristo ken iti naanus a panagibtur. Naipanak iti puro a managan Patmos gapu ta impakaammok ti sao ti Dios ken ti kinapudno nga impakaammo ni Jesus.

Paltiing 14:18

Adda pay sabali nga anghel a nakitak a rimmuar iti altar. Isu ti agay-aywan iti apuy. “Aramatem ti kumpaymo,” impukkawna iti anghel a nakaiggem iti kumpay. “Burasem dagiti ubas iti daga, ta naluomdan!”

Paltiing 16:7

Nangngegko ti timek a naggapu iti altar: “Apo Dios a Mannakabalin-amin, awan duadua a napudno ken nalinteg dagiti panangukommo!”

Paltiing 19:10

Nagpaklebak iti sakaananna tapno agdaydayawak kenkuana, ngem kinunana, “Dimo aramiden ti kasta! Adipenak met a kas kenka ken kas kadagiti kakabsatmo a nangpaneknek iti pudno maipapan ken ni Jesus. Ti Dios laeng ti pagdaydayawam!” Ta ti pammaneknek maipapan ken ni Jesus isu ti mangtignay kadagiti profeta.

Paltiing 2:13

Ammok ti pagnaedam—ti lugar a yan ti trono ni Satanas. Nupay kasta, nagtalinaedka a napudno kaniak. Dimo tinallikudan ti pammatim kaniak uray idi tiempo ni Antipas a mapagtalkan a saksik a napapatay iti daydiay a pagtaengan ni Satanas.

Paltiing 20:4

Ket nakakitaak kadagiti trono. Naikkan dagiti nakatugaw sadiay iti pannakabalin a mangukom. Nakitak met dagiti kararua dagiti napapatay gapu iti panangpaneknekda ken ni Jesus ken iti panangipakaammoda iti sao ti Dios. Saanda a nagrukbab iti narungsot nga animal wenno iti ladawanna. Saanda a pinaikkan dagiti muging ken imada iti marka ti narungsot nga animal. Nagungarda ket nakipagturayda ken ni Cristo iti unos ti 1,000 a tawen.

Paltiing 8:3

Simmangpet ti sabali nga anghel nga addaan iti insensario a balitok, ket napan nagtakder iti sango ti altar. Naikkan iti nawadwad nga insenso nga inayonna kadagiti kararag dagiti tattao ti Dios ken idatonna iti balitok nga altar iti sangoanan ti trono.

Paltiing 9:13

Pinuyot ti maikanem nga anghel ti trumpetana. Nakangngegak iti timek a naggapu kadagiti suli ti altar a balitok iti sangoanan ti Dios.