Paltiing 6:8 - Ti Baro a Naimbag a Damag Biblia

⁸ Adda nakitak a kabalio a nabessag ti kolorna. Patay ti nagan ti nakasakay, ket sumursurot kenkuana ti Hades. Naikkanda iti pannakabalin a mangituray iti apagkapat a paset ti daga, a pumatay babaen iti gubat, bisin, sakit ken kadagiti atap nga animal ti daga.

Ti Biblia (1973)

⁸ Ket kimmitaac, ket adtoy, ti maysa a cabayo a nabessag, ket daydi adda a nagsacay kencuana managan idi ti Patay; ket ti Hades sumursurot kencuana. Ket naited cadagitoy ti panagturay iti apagcapat ti daga, tapno agpapatayda babaen ti campilan, ken ti bisin, ti angel ken cadagiti narungsot nga animal ditoy daga.

Paltiing 6:8 Iomraidhean Croise

Dagiti Proverbio 5:5

Ipannakanto iti lubong dagiti natay. Magna iti dalan nga agturong ken patay.

Isaias 25:8

Pukawennanto ti Apo a Dios ni patay iti agnanayon! Punasennanto amin a lua ti tunggal maysa ket ikkatennanto ti pakaibabainan a sinagaba dagiti tattaona iti sangalubongan. Ti Apo a mismo ti nagsao.

Jeremias 14:12

Uray no agayunarda, diakto ipangag ti dawatda. Uray no mangidatagda iti daton a mapuoran ken daton a makan, diakto awaten ida. Papatayekto ketdi ida iti gubat, bisin ken angol.”

Jeremias 16:16

Kuna ti Apo, “Mangibaonakto iti adu a mangngalap a mangtiliw kadagitoy a tattao. Kalpasanna, mangibaonakto iti adu a mangnganup a mangsapul kadakuada kadagiti bambantay, turturod ken rukrukib.

Jeremias 16:4

Mataydanto kadagiti nakabutbuteng a sakit, ket awanto ti mangdung-aw wenno mangitanem kadakuada. Maiwalangto dagiti bangkayda a kasla nabunton a rugit iti daga. Mataydanto iti paggugubatan, wenno iti bisin ket kanento dagiti tumatayab ken atap nga animal dagiti bangkayda.

Jeremias 24:10

Mangyegakto iti gubat, bisin ken sakit kadakuada, agingga nga awan a pulos ti matda kadakuada iti daga nga intedko kadakuada ken kadagiti kapuonanda.”

Jeremias 29:17

Kuna ti Apo a Mannakabalin-amin, ‘Yegko ti gubat, bisin ken angol kadakuada, ket pagbalinek ida a kas igos a nalungsot a di mabalin a kanen.

Jeremias 43:11

Umaynanto parmeken ti Egipto. Patayennanto iti angol dagiti nairanta a matay iti angol. Ipanawnanto a kas balud dagiti nairanta a mabalud. Patayennanto iti gubat dagiti naikeddeng a matay iti gubat.

Ezekiel 29:5

Ipurruakkayto iti let-ang, sika ken dagiti amin a lames. Agdissokanto iti daga, ket saankanto a maikali. Bay-akto ti bangkaymo a kanen dagiti tumatayab ken dagiti animal.

Ezekiel 5:12

Apagkatlo dagiti tattaom ti matay iti sakit ken bisin iti uneg ti siudad. Matayto met ti apagkatlo iti gubat iti ruar ti siudad; iwarawarakto ti sabali nga apagkatlo iti amin a lugar ket kamatekto ida iti kampilan.

Oseas 13:14

Diak ispalen dagitoy a tattao manipud iti lubong dagiti natay wenno isalakan ida manipud iti bileg ni Patay? O Patay, yegmo dagiti angolmo! Lubong dagiti natay, yegmo ti panniludmo! Saankon a kaasian dagitoy a tattao.

Habakuk 2:5

Mangallilaw ti kinabaknang. Napalangguad dagiti naagum ken darasudosda a tattao. Kasda la iti patay a pulos a di mapnek. Isut' gapuna nga agsasaruno dagiti nasion a parmekenda nga agpaay kadakuada.

Zacarias 6:3

Guyguyoden dagiti puraw a kabalio ti maikatlo, ket ti maikapat, guyguyoden dagiti labang a kabalio.

San Mateo 11:23

“Ket sika met, Capernaum, kayatmo kadi ti maitan-ok sadi langit? Saan a mabalin! Maitappuakkanto idiay infierno! No idiay koma Sodoma ti nakaaramidan dagiti milagro a naaramid iti yanmo, adda koma pay laeng ita ti Sodoma.

San Mateo 24:7

Aggugubatto dagiti nasion; agririnnautto dagiti pagarian. Addanto bisin ken ginggined iti amin a lugar.

1 Taga-Corinto 15:55

“O Patay, sadino ti yan ti balligim? O Patay, sadino ti yan ti panniludmo?”

Paltiing 1:18

Siak ti sibibiag! Natayak idi, ngem kitaem, sibibiagak iti agnanayon nga awan inggana. Adda kaniak dagiti tulbek ni Patay ken ti Hades.

Paltiing 12:4

Babaen iti ipusna, inaprasna ti apagkatlo dagiti bituen iti langit sana intappuak ida iti daga. Nagtakder ti dragon iti sangoanan ti babai nga agpaspasikal tapno alun-onenna ti ubing apaman a mayanak.

Paltiing 9:15

Naruk-atan dagiti uppat nga angheles. Naisaganada a mangpatay iti apagkatlo a bilang ti amin a tattao iti daytoy met la nga oras, aldaw, bulan ken tawen.

Paltiing 9:18

Natay ti apagkatlo dagiti amin a tattao babaen kadagitoy a didigra: ti apuy, ti asuk ken ti asufre nga aggapu iti ngiwat dagiti kabalio.