Paltiing 6:5 - Ti Baro a Naimbag a Damag Biblia

⁵ Inikkat ti Kordero ti maikatlo a timbre, ket nangngegko a kinuna ti maikatlo a sibibiag a parsua, “Umayka!” Maysa a nangisit a kabalio ti nakitak. Adda pagtimbangan nga iggem ti nagsakay.

Ti Biblia (1973)

⁵ Ket idi linuctanna daydi maicatlo a sello, nangngegco daydi maicatlo a parsua a sibibiag a nagcuna: Umayca. Ket kimmitaac, ket adtoy, ti maysa a cabayo a nangisit; ket daydi adda a nagsacay kencuana, adda maysa a pagtimbengan iti imana.

Paltiing 6:5 Iomraidhean Croise

Dungdung-aw 5:10

Uraykami la aggurigor iti bisinmi, makasinit a kas iti urno ti kudilmi.

Ezekiel 4:10

Walo nga onsa ti tinapay ti maipalubos a kanem iti tunggal aldaw, ket masapul a mayanay agingga iti sumuno nga aldaw.

Ezekiel 4:16

Kinunana pay, “Anak ti tao, isardengkonto ti pannakaited ti taraon dagiti agnanaed idiay Jerusalem. Madanagan ken mariribukanto dagiti tattao sadiay bayat ti panangsukatda iti taraon ken inumenda.

Levitico 26:26

Kissayakto ti taraonyo agingga a maymaysanto la nga urno ti paglutoan ti sangapulo a babbai iti amin a tinapay nga adda kadakuada; in-inutendanto nga ited ti kanenyo, ngem saankayonto a mabsog.

Zacarias 6:2

Guyguyoden dagiti nalabaga a kabalio ti umuna a lugan. Nangingisit a kabalio ti mangguyguyod iti maikadua.

Zacarias 6:6

Agpa-amianan a mapan Babilonia ti lugan a guyguyoden dagiti nangisit a kabalio. Agpa-laud dagiti puraw a kabalio, ket agpa-abagatan dagiti labang nga agturong iti maysa a pagilian.

San Mateo 24:7

Aggugubatto dagiti nasion; agririnnautto dagiti pagarian. Addanto bisin ken ginggined iti amin a lugar.

Paltiing 5:5

Iti kasta, kinuna kaniak ti maysa kadagiti panglakayen: “Dika agsangit. Kitaem, nagballigi ti Leon a nagtaud iti tribu ti Juda, ti naindaklan a kaputotan ni David, ket naikkan iti kalintegan a mangikkat kadagiti pito a timbre ken mangukrad iti nalukot a pagbasaan.”

Paltiing 5:9

Kinantada ti maysa a baro a kanta: “Maikarika a mangala iti nalukot a pagbasaan Ken mangikkat kadagiti timbre. Ta napapatayka ket babaen iti ipapataymo, sinubbotmo dagiti tattao a maipaay iti Dios, Manipud iti tunggal tribu, pagsasao, nasion ken puli,

Paltiing 6:1

Kalpasanna, nakitak nga inikkat ti Kordero ti umuna kadagiti pito a timbre ket nangngegko ti napigsa a timek a kas iti gurruod ti maysa kadagiti uppat a sibibiag a parsua a kunana, “Umayka!”