Paltiing 6:4 - Ti Baro a Naimbag a Damag Biblia

⁴ Rimmuar ti sabali a kabalio a nalabaga ti kolorna. Naikkan ti nakasakay iti pannakabalin a mangyeg iti gubat ditoy daga tapno agpipinnatay dagiti tattao. Adda dakkel a kampilan ti naited kenkuana.

Ti Biblia (1973)

⁴ Ket rimmuar ti sabali a cabayo, a nalabaga: ket iti daydi nagsacay itoy, naited kencuana ti panangiccat ditoy daga ti talna, ken tapno agpipinnatayda ket naited kencuana ti maysa a dackel a campilan.

Paltiing 6:4 Iomraidhean Croise

Dagiti Salmo 17:13

Umayka, O Apo, ket parmekem dagiti kabusorko! Isalakannak kadagiti managdakdakes babaen iti kampilanmo.

Daniel 5:19

Gapu iti nagpaiduma a pannakabalinna, nagbuteng ken nagtigerger iti sangoananna dagiti amin a tattao ti nadumaduma a puli ken pagsasao. Pinapatayna dagiti kayatna a mapapatay ket inispalna dagiti kayatna a maispal. Intan-okna dagiti kayatna nga itan-ok ket impababana dagiti kayatna nga ipababa.

Zacarias 1:8

Nakitak ti maysa nga anghel ti Apo a nagsakay iti nalabaga a kabalio. Nagsardeng iti ummong dagiti nasamek a kayo iti maysa a tanap. Iti likudanna, adda dagiti sabali pay a kabalio—nalabaga, puraw ken garitgaritan.

Zacarias 6:2

Guyguyoden dagiti nalabaga a kabalio ti umuna a lugan. Nangingisit a kabalio ti mangguyguyod iti maikadua.

San Mateo 10:34

“Diyo ipagarup nga immayak mangyeg iti kappia ditoy lubong. Diak immay mangyeg iti kappia no di ket kampilan.

San Mateo 24:6

Mangngegyonto ti arimbangaw dagiti agdadangadang ken damdamag maipapan kadagiti dadduma pay a gubgubat. Ngem dikay agdanag. Masapul a mapasamak dagitoy ngem dina kayat a sawen a dimtengen ti panungpalan.

San Juan 19:11

“Awan koma ti pannakabalinmo kaniak no saan nga inted kenka ti Dios,” insungbat ni Jesus. “Isut' gapuna a nakarkaro ti basol ti tao a nangyawat kaniak.”

Paltiing 12:3

Sabali pay a nakaskasdaaw a pagilasinan ti nagparang iti langit: Adda dakkel a dragon a nalabaga a pito ti ulona ken sangapulo ti sarana. Adda korona ti tunggal ulo.

Paltiing 13:10

Siasinoman a nairanta a matiliw, matiliwto. Ti nairanta a mapapatay iti kampilan, mapapatayto iti kampilan. Daytoy ti pakasapulan iti panagibtur ken pammati iti biang dagiti tattao ti Dios.”

Paltiing 17:3

Nariknak nga addaak iti pannakabalin ti Espiritu ket impannak ti anghel iti let-ang. Nakitak sadiay ti maysa a babai a nakasakay iti narungsot nga animal a nalabaga a nasuratan ti entero a bagina kadagiti agkakadakes a nagan a maibusor iti Dios. Adda pito nga ulo ken sangapulo a sarana.

Paltiing 17:6

Ket nakitak a nabartek ti babai iti dara dagiti tattao ti Dios ken iti dara dagiti martir—dagiti napapatay idi gapu iti kinapudnoda ken ni Jesus. Kasta unay siddaawko a nakakita iti babai.