Paltiing 6:16 - Ti Baro a Naimbag a Damag Biblia

¹⁶ Kinunada kadagiti bato ken kadagiti bambantay: “Gaburandakami tapno saanmi a makita ti rupa ti nakatugaw iti trono ken marikna ti pungtot ti Kordero.

Ti Biblia (1973)

¹⁶ Ket kinunada cadagiti banbantay ken cadagiti batbato: Agtinnagcayo cadacami, ket ilemmengdacami iti imatang daydiay agtutugaw iti trono, ken iti pungtot daydiay Cordero.

Paltiing 6:16 Iomraidhean Croise

Dagiti Salmo 14:5

Ngem napalalonto ti panagbutengda ta adda ti Dios kadagiti agtulnog kenkuana.

Isaias 2:10

Aglemmengdanto kadagiti rukib kadagiti kabatoan a turod wenno agkalida iti abut iti daga tapno maliklikanda ti pungtot ni Yahweh ken iti pannakabalin ken dayagna!

Jeremias 8:3

Dagiti tattao iti daytoy dakes a kaputotan a nakalasat nga agnaed kadagiti disso a nangibellengak kadakuada, kaykayatdanto ti matay ngem ti agbiag. Daytoy ti saok, siak ni Yahweh a Mannakabalin-amin.”

Oseas 10:8

Madadaelto dagiti santuario kadagiti tapaw ti Aven. Wen, ti disso a pagdaydayawan dagiti Israelita kadagiti didiosen. Agtubonto dagiti sisiitan a mula ken kalkalunay kadagiti altarda. Ngarud, kunadanto kadagiti bantay, “Ilemmengdakami!” ken kadagiti turod, “Gaburandakami!”

San Mateo 26:64

“Nasaomon!” insungbat ni Jesus. “Ngem kunak kadakayo amin: Makitayonto ti Anak ti Tao a situtugaw iti makannawan ti Mannakabalin-amin. Makitayonto nga umay kadagiti ulep ti langit.”

San Marcos 3:5

Sipupungtot ni Jesus a kimmita kadakuada. Nupay kasta, inay-ayna ida gapu iti kinatangken ti uloda. “Unnatem ta imam,” kinunana iti lalaki. Inunnat ti lalaki ti imana ket immimbag.

San Lucas 23:30

Daytanto ti tiempo a panagkuna dagiti tattao kadagiti bambantay, ‘Tupakandakami!’ ken kadagiti turturod, ‘Gaburandakami!’

Paltiing 10:6

Nagsapata iti nagan ti Dios a sibibiag nga agnanayon nga awan inggana, isu a namarsua iti langit, daga, taaw ken amin a linaonda. “Saanen a maitantan,” kinunana.

Paltiing 19:15

Manipud iti ngiwatna, rimmuar ti maysa a natadem a kampilan a pangparmekna kadagiti pagilian. Iturayannanto ida babaen iti baston a landok, ket manipud iti pagpespesan iti ubas, pagayusennanto ti arak ti napalalo a pungtot ti Mannakabalin-amin a Dios.

Paltiing 20:11

Kalpasanna, nakitak ti maysa a dakkel a trono a puraw agraman ti nakatugaw. Nagpukaw ti langit ken daga iti sangoananna ket awanen pakakitaan kadakuada.

Paltiing 4:2

Pagammoan, addaak iti pannakabalin ti Espiritu ket nakitak sadi langit ti maysa a trono. Adda nakatugaw iti trono.

Paltiing 4:5

Manipud iti trono, agkimatkimat a kagiddan ti agkakapigsa nga uni ken gurruod. Iti sango ti trono, adda pito a pagsilawan a sumsumged; dagitoy dagiti pito nga espiritu ti Dios.

Paltiing 4:9

Ikanta dagiti uppat a sibibiag a parsua dagiti kanta ti dayag, pagdayaw ken pagyaman iti situtugaw iti trono nga agbiag nga agnanayon nga awan inggana. Bayat ti panagkantada,

Paltiing 5:1

Iti kannawan nga ima ti nakatugaw iti trono, nakitak ti maysa a nalukot a pagbasaan a nasuratan iti agsumbangir ket naserraan iti pito a timbre.

Paltiing 6:10

Impukkawda, “Kangatoan nga Apo, nasantoan ken napudno! Kasano pay kabayag ti panaguraymi? Kaano ti panangukom ken panangdusam kadagiti tattao a pimmatay kadakami?”

Paltiing 9:6

Kabayatan dagita nga aldaw, sapulento dagiti tattao ti patay ngem didanto masarakan. Kayatdanto ti matay ngem itarayanto ida ni patay.