Paltiing 6:15 - Ti Baro a Naimbag a Damag Biblia

¹⁵ Naglemmeng dagiti ari ditoy daga, dagiti agtuturay ken pangulo dagiti soldado, dagiti nabaknang ken nabileg, ken amin, adipen ken siwawaya. Napanda kadagiti rukib ken sirok dagiti bato kadagiti bambantay.

Ti Biblia (1973)

¹⁵ Ket dagiti ar-ari ti daga, ken dagiti annac ti ari, ken dagiti cocoronel ken dagiti babacnang, ken dagiti mannacabalin, ken isu-amin nga adipen ken agwayawaya, naglemmengda cadagiti rucrukib, ken cadagiti batbato cadagiti banbantay;

Paltiing 6:15 Iomraidhean Croise

Genesis 3:8

Iti dayta a sumipnget, nangngegda ti arimpadek ni Yahweh a Dios a magmagna iti minuyongan. Naglemmeng dagiti agassawa kadagiti kakaykaywan,

Dagiti Salmo 76:12

Pagpakumbabaenna dagiti natangsit a prinsipe, ket butbutngenna dagiti ari.

Isaias 2:10

Aglemmengdanto kadagiti rukib kadagiti kabatoan a turod wenno agkalida iti abut iti daga tapno maliklikanda ti pungtot ni Yahweh ken iti pannakabalin ken dayagna!

Isaias 2:19

Agkamangto dagiti tattao kadagiti rukib iti katurturodan wenno agkalida kadagiti abut iti daga tapno maliklikanda ti pungtot ni Yahweh wenno mailemmenganda ti pannakabalin ken dayagna inton umayna gunggonen ti daga.

Isaias 2:21

Inton umay gunggonen ni Yahweh ti daga, agkamangto dagiti tattao kadagiti abut ken rukib kadagiti katurturodan tapno maliklikanda ti pungtot ni Yahweh wenno mailemmenganda ti pannakabalin ken dayagna.

Isaias 42:22

Ngem nasamsam dagiti sanikuada, naipisokda kadagiti nasipnget a bartolina, ket naipupokda kadagiti pagbaludan. Natakaw ken naagaw dagiti sanikuada, ngem awan ti nangispal kadakuada.

Mikias 7:17

Kasladanto uleg nga aguyas iti tapok, kas kadagiti agkarkarayam a parsua nga agtigtigerger iti butengda a rummuar iti paglemlemmenganda. Dumatagdanto a sibubuteng iti Apo a Diostayo.

Hebreo 11:38

Saan a maikari ti lubong kadakuada! Nagalla-allada kadagiti let-ang ken bantay. Nagigianda kadagiti abut ken rukib ti daga.

Paltiing 18:23

Saannakanto metten a raniagan ti uray maysa a pagsilawan; saanto metten a mangngeg dagiti naragsak a timek ti agkasar. Dagiti komersiantem ti kabibilgan iti amin a lubong. Inallilawmo dagiti amin a nasion babaen iti salamangka.”

Uk-ukom 6:2

Saan a kabaelan dagiti Israelita a sarangten dagiti Midianita, isu a kapilitan a nagkamang dagiti Israelita kadagiti rukib ken kadagiti natalged a luglugar iti kabambantayan.

1 Samuel 13:6

Nakita dagiti Israelita ti napeggad a kasasaadda. Adda dagiti naglemmeng kadagiti rukib ken kadagiti abut, kadagiti kabatoan, kadagiti tanem ken kadagiti bubon.