Paltiing 6:14 - Ti Baro a Naimbag a Damag Biblia

¹⁴ Nagpukaw ti langit a kas iti pagbasaan a kellaat a nalukot ket nayalis iti ayanda dagiti amin a bambantay ken purpuro.

Ti Biblia (1973)

¹⁴ Ket ti langit nailisi a cas la maysa a pagbasaan no malucot; ket isu-amin a bantay ken puro mayalisda cadagiti dissoda.

Paltiing 6:14 Iomraidhean Croise

Isaias 34:4

Tumapokto ti init, ti bulan ken dagiti bituen. Agpukawto ti langit a kas iti malukot a pagbasaan, ket agtinnagto dagiti bituen a kas iti panagtinnag dagiti bulong ti ubas wenno igos.

Paltiing 16:20

Limned amin a purpuro ken bambantay.

2 Pedro 3:10

Dumtengto ti Aldaw ti Apo a di mapakpakadaan, kas iti yaay ti mannanakaw. Iti dayta nga Aldaw, agpukawto dagiti langlangit a kagiddan ti napigsa a daranudor, ket matunaw iti apuy ti init, bulan ken dagiti bituen ket awanton ti daga ken amin a linaonna.

Dagiti Salmo 102:26

Mapukawda man amin, agnanayonto latta nga addaka; marunotdanto amin a kas iti pagan-anay. Ibellengmonto ida a kas iti kawes, ket mapukawdanto.

Paltiing 20:11

Kalpasanna, nakitak ti maysa a dakkel a trono a puraw agraman ti nakatugaw. Nagpukaw ti langit ken daga iti sangoananna ket awanen pakakitaan kadakuada.

Ezekiel 38:20

Mabutengto kaniak dagiti amin nga ikan, tumatayab, animal, babassit man wenno dadakkel ken amin a tao iti rabaw ti daga ket agtigergerda. Margaayto dagiti bantay ken turod, ket matuangto dagiti amin a bakud.

Isaias 54:10

Mabalin a margaay dagiti turod ken bantay, ngem dinto agpatingga ti panagayatko kenka. Salluadakto iti agnanayon ti tulagko iti pannakikappia.” Kastoy ti sao ti Apo a mangipatpateg kenka.

Paltiing 21:1

Kalpasanna, nakitak ti baro a langit ken ti baro a daga. Awanen ti immuna a langit ken ti immuna a daga. Awan metten ti taaw.

Habakuk 3:6

Agginggined ti daga no agsardeng; agkintayeg dagiti nasion no tumalliaw. Margaay dagiti agnanayon a bantay; lumned dagiti agnanayon a turod, dagiti turod a nagnaanna idi un-unana.

Nahum 1:5

Agkintayeg dagiti bantay iti imatang ni Yahweh; marunaw dagiti turod iti sangoananna. Agginggined ti daga no agparang ni Yahweh; agtigerger ti lubong ken dagiti amin a tattao.

Jeremias 51:25

Babilonia, mayarigka iti bantay a mangdadael iti sangalubongan, ngem siak, ni Yahweh, ti kabusormo. Kabilen ket rumrumekenkanto iti daga. Padapuenkanto.

Habakuk 3:10

Nakitadaka dagiti bantay ket nadayyegda; nagtinnag ti napigsa a tudo. Nagdaranudor dagiti danum iti uneg ti daga, ket dimmakkel dagiti dalluyonda.

Jeremias 3:23

Awan ti naitulong ti panagdaydayaw kadagiti didiosen kadagiti tapaw dagiti turod. Aggapu laeng iti Apo a Diostayo ti pannakaisalakan ti Israel.