Paltiing 6:12 - Ti Baro a Naimbag a Damag Biblia

¹² Inikkat ti Kordero ti maikanem a timbre. Nagginggined iti napigsa. Ngimmisit ti init a kasla iti nakersang a nangisit a lupot idinto a limmabbaga ti bulan a kas iti dara.

Ti Biblia (1973)

¹² Ket nakitac idi linuctanna daydi maicanem a sello ket immay ti maysa a dackel a gingined, ket daydi init ngimmisit a cas la maysa a panes a booc; ket daydi bulan nagbalin amin a cas la dara;

Paltiing 6:12 Iomraidhean Croise

Isaias 24:23

Agsipngetto ti bulan ket saanton nga aglawag ti init, agsipud ta agarinton ti Apo a Mannakabalin-amin. Agturayto idiay Jerusalem, iti Bantay Sion, ket makitanto dagiti pangulo dagiti tattao ti dayagna.

Isaias 29:6

nga ispalenkayo. Aramatekto dagiti nadawel nga allawig ken ginggined. Mangyegakto iti napipigsa nga angin ken gumilgil-ayab nga apuy.

Isaias 34:4

Tumapokto ti init, ti bulan ken dagiti bituen. Agpukawto ti langit a kas iti malukot a pagbasaan, ket agtinnagto dagiti bituen a kas iti panagtinnag dagiti bulong ti ubas wenno igos.

Isaias 50:3

Mapagsipngetko ti langit a kasla adda natay a dungdung-awanna.”

Joel 2:10

Agkintayeg ti daga iti isusungadda; agpigerger ti tangatang. Agsipnget ti init ken ti bulan; saanen nga agraniag dagiti bituen.

Joel 3:15

Agsipnget ti init ken ti bulan; saanen nga agraniag dagiti bituen.

Amos 1:1

Dagitoy dagiti sao ni Amos a maysa nga agpaspastor iti ili ti Tekoa. Impaltiing ti Dios kenkuana dagitoy a banag maipapan iti Israel dua a tawen sakbay daydi ginggined. Ni Uzzias idi ti ari ti Juda ket ni Jeroboam nga anak ni Joas ti ari ti Israel.

Amos 8:9

Iti dayta nga aldaw, palnekekto ti init iti agmatuon, ket agsipngetto ti daga iti aldaw. Siak, ti Apo a Dios, ti nangibaga iti daytoy.

Zacarias 14:5

Aglibaskayto ket magnakay iti daytoy a tanap a nanggudua iti bantay. Agtataraykayto a kas kadagidi kapuonanyo idi dimteng ti ginggined iti tiempo ni Uzzias nga ari ti Juda. Umayto ti Apo a Diosko ket ikuyogna dagiti amin nga angheles.

San Mateo 11:21

“Asikanto pay, Corazin! Asikanto met, Betsaida! No naaramid koma idiay Tiro ken Sidon dagiti milagro a naaramid kadakayo, nabayag koman nga impakita dagiti tattao sadiay ti panagbabawida babaen iti panagkawesda iti nakersang ken ti panangwarakiwakda iti dapu kadagiti bagbagida.

San Mateo 24:29

“Apaman a malpas dagita a rigrigat, agsipngetto ti init, dinto agraniag ti bulan, agtinnagto dagiti bituen, ket mawarawaranto dagiti pannakabalin iti tangatang.

San Mateo 24:7

Aggugubatto dagiti nasion; agririnnautto dagiti pagarian. Addanto bisin ken ginggined iti amin a lugar.

San Mateo 27:45

Iti tengnga ti aldaw, nagsipnget iti entero a daga ket nagpaut iti tallo nga oras.

San Mateo 27:54

Nagbuteng ti kapitan ken dagiti soldadona a mangbambantay ken ni Jesus idi mariknada ti ginggined ken makitada ti amin a napasamak. Kinunada, “Pudno gayam nga Anak ti Dios daytoy!”

San Mateo 28:2

Pagammoan, nagginggined iti napigsa. Bimmaba ti maysa nga anghel ti Apo manipud langit. Tinulidna ti bato a naiserra iti tanem sana nagtugawan.

San Marcos 15:33

Iti tengnga ti aldaw, nagsipnget iti entero a daga ket nagpaut iti tallo nga oras.

Paltiing 11:13

Iti dayta met la a kanito, nagginggined iti napigsa. Nadadael ti apagkapullo a paset ti siudad ket 7,000 a tattao ti natay. Nagbuteng dagiti tattao a nabati ket nagdaydayawda iti Dios sadi langit.

Paltiing 16:18

Nagkimatkimat, rimkuas dagiti dulluog ken gurruod ken nagginggined iti napigsa. Daytoy ti kapigsaan a ginggined manipud pannakaparsua ti tao. Wen, nakapigpigsa!

Paltiing 16:8

Kalpasanna, imbuyat ti maikapat nga anghel ti malukongna iti init, ket napalubosan a mangpuor kadagiti tattao.

Paltiing 8:12

Pinuyot ti maikapat nga anghel ti trumpetana. Nadadael ti apagkatlo a paset ti init, ti apagkatlo a paset ti bulan ken ti apagkatlo a bilang dagiti amin a bituen, isut' gapuna a napukaw ti apagkatlo a lawagda. Nagsipnget iti apagkatlo a paset ti aldaw ken iti apagkatlo a paset ti rabii.

Paltiing 8:5

Kalpasanna, innala ti anghel ti insensario, kinargaanna kadagiti beggang manipud iti altar sana impurruak iti daga. Naggurruod, rimsua ti napigsa nga arimbangaw, nagkimat ken nagginggined.