Paltiing 6:10 - Ti Baro a Naimbag a Damag Biblia

¹⁰ Impukkawda, “Kangatoan nga Apo, nasantoan ken napudno! Kasano pay kabayag ti panaguraymi? Kaano ti panangukom ken panangdusam kadagiti tattao a pimmatay kadakami?”

Ti Biblia (1973)

¹⁰ Ket agasasugda iti dackel a timec; Casano ti cabayagna, O Apo a santo ken napudno, a dica ocomen ken ibales ti darami cadagiti agnaed iti rabaw ti daga?

Paltiing 6:10 Iomraidhean Croise

Genesis 4:10

Ket kinuna ni Yahweh, “Apay a kasta ti inaramidmo? Um-umkis kaniak ti dara ti kabsatmo manipud iti daga ket dumawdawat iti panagibales.

Dagiti Salmo 119:84

Kasano pay kabayag nga agur-urayak? Kaanonto ti panangdusam kadagiti mangidadanes kaniak?

Dagiti Salmo 13:1

O Apo, kasano ti kabayag ti pananglipatmo kaniak? Agnanayon kadi? Kasano pay ti kabayag nga ilemmengannak?

Dagiti Salmo 35:17

Kasano pay ti kabayag, O Apo, a buybuyaennak lattan? Arayatennak kadi no darupendak. Isalakanmo ti biagko kadagitoy a leon!

Dagiti Salmo 79:10

Amangan ketdi no kuna dagiti pagilian, “Sadino ti ayan ti Diosda?” Kayatmi a makita ti panangdusam kadakuada gapu iti pannakapapatay dagiti adipenmo.

Dagiti Salmo 9:12

Silalagip ti Dios kadagiti agsagsagaba; wen, dina malipatan dagiti sangsangitda, ket dusaenna dagiti mangranggas kadakuada.

Isaias 61:2

Imbaonnak a mangipakaammo: dimtengen ti tiempo nga isalakan ti Apo dagiti tattaona, parmekenna dagiti kabusorda. Imbaonnak a mangliwliwa kadagiti agladladingit,

Dungdung-aw 3:64

“Dusaem ida, O Apo, gapu iti inaramidda;

Daniel 12:6

Maysa kadakuada ti nangsaludsod iti anghel nga adda iti surong ti karayan, “Kasano pay ti kabayag sakbay nga aggibus dagitoy nakaskasdaaw a banag?”

Daniel 8:13

Kalpasanna, nangngegko ti maysa nga anghel a nagsaludsod iti sabali nga anghel, “Kasano ti kabayag dagiti napasamak iti parmata? Kasano ti kabayag ti makarimon a basol a suno dagiti inaldaw a daton, ken ti pannakaibaddebaddek ti Templo ken ti armada ti langit?”

Zacarias 1:12

Kinuna ti anghel, “O Apo a Mannakabalin-amin, 70 a tawenen a kapungpungtotmo ti Jerusalem ken dagiti siudad ti Juda. Kaanonto a kaasiam ida?”

San Lucas 2:29

“Ita, ta tinungpalmon ti karim, O Apo, Palubosamon a pumusay a sitatalna toy adipenmo.

San Lucas 21:22

Ta dagitoy ‘Dagiti Aldaw ti Pannakadusa,’ tapno matungpal ti amin a kuna ti Nasantoan a Surat.

Taga-Roma 12:19

Ni kaanoman dikay agibales, gagayyemko. Bay-anyo a ti Dios ti agibales. Ta nailanad iti Nasantoan a Surat: “Siakto ti agibales, siakto ti mangsupapak, kuna ti Apo.”

Hebreo 12:24

Immasidegkayo ken ni Jesus a nangisayangkat iti baro a tulag ken iti naiparukpok a darana a mangipanamnama kadatayo kadagiti bambanag a nasaysayaat ngem ti dara ni Abel.

2 Pedro 2:1

Iti napalabas, timmaud dagiti sinan-profeta iti Israel. Kasta met nga addanto dagiti sinan-maestro nga umay kadakayo. Awanto ti makadkadlaw iti panangiserrekda kadagiti makadadael ken saan a pudno a pannursuro ket laksidendanto ti Apo a nangsubbot kadakuada. Iti kasta, kellaatto a dumteng ti pannakadadaelda.

Paltiing 11:18

Nakaunget dagiti pagano, Ta dimtengen ti tiempo ti pungtotmo, Ken ti pannakaukom dagiti natay. Tiempon a gunggonaam dagiti profeta nga adipenmo, Kadagiti amin a tattaom, ken amin nga agbuteng kenka, Natan-ok man ken nanumo, Tiempon a dadaelem dagiti nangparigat iti daga!”

Paltiing 18:20

Agragsakka, O langit, gapu iti pannakadadaelna; agragsakkayo, dakayo a tattao ti Dios, dakayo nga apostoles ken dakayo a profeta! Ta inukom ti Dios gapu iti inaramidna kadakayo!

Paltiing 18:24

Nadusa ti Babilonia gapu ta nasarakan kenkuana ti dara dagiti profeta, dagiti tattao ti Dios ken dagiti amin a napapatay iti sangalubongan.

Paltiing 19:2

Nalinteg ken rumbeng dagiti panangukomna. Dinusana ti agdindinamag nga immoral a babai a nangmulit iti daga babaen iti kinaderrepna. Dinusa ti Dios agsipud ta pinatayna dagiti adipen ti Apo.”

Paltiing 3:10

Agsipud ta tinungpalmo ti bilinko, nga anusam nga ibturan ti panagsagaba, aywanankanto met inton dumteng ti riribuk a pakasuotan ti amin a tao iti sangalubongan.

Paltiing 3:7

“Kastoy ti isuratmo iti anghel ti iglesia idiay Filadelfia: “Daytoy ti mensahe ti nasantoan ken napudno. Ig-iggamanna ti tulbek a kukua idi ni David. No adda ilukatna, awan ti makairikep, ket no adda rikpanna, awan ti makailukat. Kunana:

Uk-ukom 16:28

Nagkararag ni Samson: “Apo Dios, laglagipennak kadi. O Dios, ikkannak pay maminsan iti pigsak tapno mabalesko dagiti Filisteo gapu iti panangikkatda kadagiti matak.”

1 Samuel 24:12

Ikeddeng koma ti Apo no siasino kadata ti nagbiddut. Sapay koma ta dusaennaka gapu iti tignaymo a maibusor kaniak; ta pulos a dika dangran.