Paltiing 5:9 - Ti Baro a Naimbag a Damag Biblia

⁹ Kinantada ti maysa a baro a kanta: “Maikarika a mangala iti nalukot a pagbasaan Ken mangikkat kadagiti timbre. Ta napapatayka ket babaen iti ipapataymo, sinubbotmo dagiti tattao a maipaay iti Dios, Manipud iti tunggal tribu, pagsasao, nasion ken puli,

Ti Biblia (1973)

⁹ Ket icancantada ti maysa a canta a baro, a cuncunada: Maicarica a mangala iti libro, ken manglucat cadagiti sellona; ta napapatayca idi, ket nagatangmo a maipaay iti Dios babaen ti daram met laeng, dagiti tattao ti amin a capututan, ken pagsasao, ken ili ken pagarian.

Paltiing 5:9 Iomraidhean Croise

Dagiti Salmo 144:9

O Dios, kantaanka, iti baro a kanta agtokarak iti arpa ket kantaanka.

Dagiti Salmo 149:1

Madaydayaw ti Apo! Kantaanyo ti Apo iti baro a kanta; idaydayawyo iti taripnong dagiti napudno a tattaona!

Dagiti Salmo 33:3

Baro a kanta ti ikantayo kenkuana; tokarenyo a silalaing ti arpa, ket agriawkayo iti rag-o.

Dagiti Salmo 40:3

Insuronak nga agkanta iti baro a himno, maysa a kanta a pagdaydayaw iti Diostayo. Agbutengto ti adu a makakita, ket iti Apo agtalekda.

Dagiti Salmo 96:1

Kantaanyo ti Apo iti baro a kanta! Kantaanyo ti Apo, dakayo amin a tattao iti daga.

Dagiti Salmo 98:1

Kantaanyo ti Apo iti baro a kanta gapu kadagiti nakaskasdaaw nga inaramidna. Nagun-odna ti balligi babaen iti bileg ken ti nasantoan a pannakabalinna.

Isaias 42:10

Kantaanyo ti Apo iti baro a kanta; dakayo iti lubong, kantaenyo ti pagdaydayaw kenkuana! Idaydayawyo, dakayo nga aglayag iti baybay; idaydayawyo, dakayo amin a parsua iti taaw! Agkantakayo, dakayo nga adayo a daga, ken amin nga agnaed sadiay!

Daniel 3:4

Impukkaw ti agipakpakdaar, “Tattao iti amin a nasion, puli ken pagsasao!

Daniel 4:1

Impatulod ni Ari Nebucadnesar daytoy a mensahena kadagiti amin a tattao ti amin a nasion ken puli iti lubong: “Patpatgek a kailiak:

Daniel 5:19

Gapu iti nagpaiduma a pannakabalinna, nagbuteng ken nagtigerger iti sangoananna dagiti amin a tattao ti nadumaduma a puli ken pagsasao. Pinapatayna dagiti kayatna a mapapatay ket inispalna dagiti kayatna a maispal. Intan-okna dagiti kayatna nga itan-ok ket impababana dagiti kayatna nga ipababa.

Daniel 6:25

Nagsurat ni Ari Dario kadagiti tattao ti nadumaduma a puli ken pagsasao iti entero a daga. Kinunana: “Napateg a kailiak.

San Mateo 20:28

a kas iti Anak ti Tao a saan nga immay a paserbian no di ket tapno agserbi ken yawatna ti biagna a pangsubbot kadagiti adu a tattao.”

San Mateo 26:28

daytoy ti darak a mamatalged iti tulag ti Dios, ti darak a naibuyat nga agpaay iti adu a tao, tapno mapakawan dagiti basbasol.

Dagiti Aramid 20:28

Annadanyo ngarud ti bagbagiyo ken ti amin nga arban nga impaaywan ti Espiritu Santo kadakayo. Wen, aywananyo ti iglesia ti Dios a ginatangna babaen iti dara ti Anakna.

1 Taga-Corinto 6:20

Nangina ti inggatangna kadakayo. Ngarud, aramatenyo ti bagiyo a pakaidayawan ti Dios.

1 Taga-Corinto 7:23

Ginatangnakayo ti Apo iti nangina. Ngarud, dikayo patagabu kadagiti tattao.

Taga-Efeso 1:7

Babaen iti ipapatay ni Cristo, nagun-od ti wayawaya ket napakawan dagiti basbasoltayo. Anian a nagdakkel ti parabur ti Dios

Taga-Efeso 5:19

Iti panagsasaritayo, usarenyo dagiti balikas dagiti salmo, himno ken naespirituan a kankanta. Kantaanyo ti Apo kadagiti himno ken salmo a buyogan ti naimpusoan a panagdaydayaw.

Taga-Colosas 1:14

Babaen kenkuana nawayawayaantayo, kayatna a sawen, pinakawan ti Dios dagiti basoltayo.

Taga-Colosas 1:23

Masapul ngarud nga agtalinaedkayo a natibker ken natalged iti pammati. Diyo itulok a magunggonkayo ket mapukawyo ti namnama a nagun-odyo idi nangngegyo ti ebanghelio. Daytoy ti ebanghelio a naikaskasaba kadagiti amin a tattao ditoy lubong. Daytoy ti gapuna a siak, ni Pablo, nagbalinak nga adipen.

Tito 2:14

Inyawatna ti biagna gapu kadatayo tapno isalakannatay iti amin a kinadakes ket pagbalinennatayo a nadalus a tattao nga agpaay kenkuana ken napasnek nga agaramid iti naimbag.

Hebreo 11:14

Ta iparangarang dagiti agkuna iti kasta nga agbirbirokda iti bukodda a daga.

2 Pedro 2:1

Iti napalabas, timmaud dagiti sinan-profeta iti Israel. Kasta met nga addanto dagiti sinan-maestro nga umay kadakayo. Awanto ti makadkadlaw iti panangiserrekda kadagiti makadadael ken saan a pudno a pannursuro ket laksidendanto ti Apo a nangsubbot kadakuada. Iti kasta, kellaatto a dumteng ti pannakadadaelda.

1 Juan 1:7

Ngem no agbiagtayo iti lawag, a kas iti kaaddana iti lawag, agkakaduatayo ngarud, ket ti dara ni Jesus nga Anakna ugasannatayo iti amin a basol.

1 Juan 2:2

Ni Cristo met laeng ti pakapakawanan dagiti basoltayo, ket saan laeng a dagiti basoltayo, no di pay ket dagiti basol ti amin a tao.

Paltiing 10:11

Ket naibaga kaniak, “Masapul nga ipakaammom manen ti mensahe ti Dios maipapan kadagiti tattao iti adu a pagilian, puli, pagsasao ken ar-ari.”

Paltiing 11:9

Iti uneg ti tallo ket gudua nga aldaw, buybuyaento dagiti tattao iti amin a nasion, tribu, pagsasao ken puli dagiti bangkayda, ket didanto ipalubos a maitanemda.

Paltiing 13:7

Napalubosan a manggubat ken mangparmek kadagiti tattao ti Dios, ket naikkan iti kalintegan a mangituray kadagiti tattao iti amin a tribu, pagilian, pagsasao ken puli.

Paltiing 13:8

Agdaydayawto kenkuana dagiti amin a tattao iti rabaw ti daga, malaksid dagiti naisurat ti naganda iti libro ti biag sakbay a naparsua ti lubong. Daytoy a libro kukua ti napapatay a Kordero.

Paltiing 14:6

Kalpasanna, nakitak ti sabali nga anghel nga agtaytayab iti tangatang. Adda kenkuana ti agnanayon a mensahe ti Naimbag a Damag nga ipakaammona kadagiti agnaed ditoy rabaw ti daga, iti amin a puli, tribu, pagsasao ken pagilian.

Paltiing 15:3

Ket kankantaenda ti kanta ni Moises nga adipen ti Dios, ken ti kanta ti Kordero: “Apo Dios a Mannakabalin-amin Natan-ok ken nakaskasdaaw dagiti aramidmo! Ari dagiti pagilian. Nalinteg ken napudno dagiti dalanmo!

Paltiing 17:15

Kinuna pay ti anghel kaniak: “Dagiti nakitam a danum a pagtugtugawan ti immoral a babai, isuda dagiti adu a tattao iti amin a puli ken pagilian.

Paltiing 4:11

“Apo ken Diosmi! Maikarika nga umawat iti dayag, dayaw ken pannakabalin. Ta pinarsuam dagiti amin a bambanag, ket babaen iti pagayatam, naparsua ken naikkanda iti biag.”

Paltiing 5:12

ket inkantada iti napigsa: “Maikari ti napapatay a Kordero, Wen, maikari nga umawat iti pannakabalin, kinabaknang, kinasirib ken kinapigsa, Dayaw, dayag ken pannakaitan-ok!”

Paltiing 5:6

Kalpasanna, nakitak ti maysa a Kordero nga agtaktakder iti tengnga ti trono a linikmut dagiti uppat a sibibiag a parsua ken dagiti panglakayen. Kasla napapatay ti Kordero. Pito ti sarana ken addaan iti pito a mata nga isu dagiti pito nga espiritu ti Dios nga imbaonna iti entero a lubong.