Paltiing 5:6 - Ti Baro a Naimbag a Damag Biblia

⁶ Kalpasanna, nakitak ti maysa a Kordero nga agtaktakder iti tengnga ti trono a linikmut dagiti uppat a sibibiag a parsua ken dagiti panglakayen. Kasla napapatay ti Kordero. Pito ti sarana ken addaan iti pito a mata nga isu dagiti pito nga espiritu ti Dios nga imbaonna iti entero a lubong.

Ti Biblia (1973)

⁶ Ket nakitac, nga agtatacder iti nagtengngaan di trono ken dagiti uppat a parsua a sibibiag, ken dagidi lallacay, ti maysa a Cordero, a cas la napapatay idi: isu nga adda pito a sarana, ken pito a matana, nga isuda dagiti pito nga Espiritu ti Dios, a naibaon iti isu-amin a daga.

Paltiing 5:6 Iomraidhean Croise

2 Cronicas 16:9

Sikikita ti Apo iti entero a daga tapno pakirdenna dagiti napudno kenkuana. Minamaag ti inaramidmo ket daytoy ti gapuna a manipud ita, kanayonton ti pannakigubatmo.”

Daniel 7:14

Inawatna sadiay ti pannakabalin, dayaw ken ti naarian a panagturay tapno agserbi kenkuana dagiti tattao iti amin a nasion, puli ken pagsasao. Agnanayonto ti pannakabalinna, ket dinto agpatingga ti pagarianna.

Daniel 8:3

ket nakitak sadiay ti maysa a kalakian a karnero. Adda dua a dadakkel a sarana ngem at-atiddog ti sara a naudi a timmubo.

Mikias 4:13

Kuna ti Apo, “Tattao ti Jerusalem, inkayo dusaen dagiti kabusoryo! Pagbalinenkayo a kas iti napigsa a toro a baka a limmandok ti sarana ken bimronze ti kukona. Ibaddebaddekyo dagiti adu a nasion agingga a marumrumekda. Idatagyonto kaniak dagiti inagawda a kinabaknang; wen, siak nga Apo ti entero a lubong.”

Habakuk 3:4

Umay a buyogen ti raniag ti kimat; tumpuar ti lawag iti imana, a nakailemmengan ti pannakabalinna.

Zacarias 3:9

Ikabilko iti sangoanan ni Josue ti maysa a bato a pito ti parupana. Addanto balikas nga ikitikitko iti bato ket iti las-ud ti maysa la nga aldaw, punasek ti basol daytoy a daga.

San Lucas 1:69

Inikkannatayo iti maingel a Mangisalakan a nagtaud iti kaputotan ni David nga adipenna.

San Juan 1:29

Iti sumuno nga aldaw, nakita ni Juan nga agturong ni Jesus iti yanna. “Daytoy ti Kordero ti Dios a mangikkat iti basol ti lubong!” kinuna ni Juan.

San Juan 1:36

Idi makitana a lumabas ni Jesus, kinunana, “Daytoy ti Kordero ti Dios!”

Dagiti Aramid 8:32

Daytoy a paset ti Nasantoan a Surat ti basbasaenna: “Kasla karnero a maipan iti pagpartian, Kasla urbon ti karnero a naulimek no mapukisan, Ket awan a pulos ti inyesngawna.

Paltiing 1:4

Siak, ni Juan: Kablaawak dagiti pito nga iglesia iti probinsia ti Asia. Adda koma kadakayo ti parabur ken talna nga aggapu iti Dios nga adda ita, adda idi ken umayto. Aggapu met daytoy kadagiti pito nga espiritu iti sangoanan ti tronona.

Paltiing 12:11

Pinarmek dagiti kakabsattayo babaen iti dara ti Kordero ken iti panangsaksida iti pudno. Siaayatda a mangipatli iti biagda gapu iti pammatida.

Paltiing 13:8

Agdaydayawto kenkuana dagiti amin a tattao iti rabaw ti daga, malaksid dagiti naisurat ti naganda iti libro ti biag sakbay a naparsua ti lubong. Daytoy a libro kukua ti napapatay a Kordero.

Paltiing 14:1

Nakitak ti Kordero nga agtaktakder idiay Bantay Sion. Kaduana ti 144,000 a tattao a nasuratan ti mugingda iti nagan ti Kordero ken iti nagan ti Amana.

Paltiing 17:14

Gubatendanto ti Kordero, ngem parmekento ida ti Kordero ken dagiti naayaban, napili ken mapagtalkan a pasurotna agsipud ta isu ti Apo dagiti appo ken Ari dagiti ar-ari.”

Paltiing 21:22

Nadlawko nga awan templo iti siudad agsipud ta ni Apo Dios a Mannakabalin-amin ken ti Kordero ti pannakatemplona.

Paltiing 21:23

Saanen a masapul ti init ken ti bulan a manglawag iti siudad agsipud ta ti dayag ti Dios ti mangranraniag ket ti Kordero ti pagsilawan.

Paltiing 22:1

Impakita pay ti anghel ti karayan ti danum ti biag. Nalitnaw a kas kristal ti danumna nga agubbog manipud iti trono ti Dios ken ti Kordero.

Paltiing 22:3

Awan sadiay ti aniaman nga inlunod ti Dios. Masarakan iti siudad ti trono ti Dios ken ti Kordero ket agdaydayawto kenkuana dagiti adipenna.

Paltiing 4:8

Innem ti payak ti tunggal maysa kadagiti sibibiag a parsua, ket mata amin iti uneg ken ruar ti payak. Aldaw-rabii nga awan sardengda a mangikankanta: “Santo, santo, santo, ni Apo Dios a Mannakabalin-amin, Isu nga adda idi, adda ita ken umayto.”

Paltiing 5:11

Kimmitaak manen, ket nangngegko ti ragup a timek dagiti rinibu ken riniwriw nga angheles. Linawlawda ti trono, dagiti sibibiag a parsua ken dagiti panglakayen,

Paltiing 5:12

ket inkantada iti napigsa: “Maikari ti napapatay a Kordero, Wen, maikari nga umawat iti pannakabalin, kinabaknang, kinasirib ken kinapigsa, Dayaw, dayag ken pannakaitan-ok!”

Paltiing 5:13

Ket nangngegko nga agkankanta dagiti amin a parsua sadi langit, dagiti adda ditoy daga, dagiti adda iti uneg ti daga, dagiti adda iti taaw—amin a parsua iti entero a lubong: “Iti situtugaw iti trono ken iti Kordero, Maited koma ti tan-ok ken dayaw, dayag ken pannakabalin Iti agnanayon nga awan inggana!”

Paltiing 5:14

“Amen,” insungbat dagiti uppat a sibibiag a parsua. Ket nagparintumeng dagiti panglakayen sada nagdaydayaw.

Paltiing 6:16

Kinunada kadagiti bato ken kadagiti bambantay: “Gaburandakami tapno saanmi a makita ti rupa ti nakatugaw iti trono ken marikna ti pungtot ti Kordero.

1 Samuel 2:10

Madadaelto dagiti kabusor ti Apo inton gurruodanna ida manipud langit. Ukomento ti Apo ti entero a lubong; ikkannanto ti arina iti pannakabalin, ket pagballigiennanto ti ari a pinilina.”