Paltiing 5:5 - Ti Baro a Naimbag a Damag Biblia

⁵ Iti kasta, kinuna kaniak ti maysa kadagiti panglakayen: “Dika agsangit. Kitaem, nagballigi ti Leon a nagtaud iti tribu ti Juda, ti naindaklan a kaputotan ni David, ket naikkan iti kalintegan a mangikkat kadagiti pito a timbre ken mangukrad iti nalukot a pagbasaan.”

Ti Biblia (1973)

⁵ Ket maysa cadagidi lallacay kinunana caniac: Saanca nga agsangit; adtoy ti Leon iti tribu ni Juda, iti ramut ni David, nagbal-laigi tapno bistradenna ti pagbasaan, ken tapno warwarenna dagiti pito a sellona.

Paltiing 5:5 Iomraidhean Croise

2 Cronicas 9:18

Adda innem a pangal a mapan iti trono ket adda pagbatayan a nakalupkopan iti balitok iti sango ti trono. Adda pagsadagan ti ima ti trono ket adda sinan-leon a nakatakder iti tunggal sikigan.

Ti Libro ni Job 41:15

Dagiti siksikna ti pagtangsitna; nairut ti panagkakamangda, ket kas iti bato ti tangkenda.

Isaias 11:1

Addanto saringit a tumaud iti puon ni Jesse. Manipud iti ramutna, addanto sanga nga agbunga.

Isaias 11:10

Iti dayta nga aldaw, maibayogto ti ramut ni Jesse ket maibilangto a pagilasinan dagiti nasion. Aguummongdanto iti naarian a siudadna ket ipaaydanto ti pammadayaw kenkuana.

Jeremias 31:16

Isardengyon ti agsangsangit, ket punasenyo dagiti luayo. Magunggonaanto ti amin nga impaayyo kadagiti annakyo, agsublidanto manipud iti daga dagiti kabusor.

Daniel 7:16

Immasidegak iti maysa kadagiti nakatakder sadiay ket dinawatko nga ibagana ti kaipapanan dagiti nakitak. Impalawagna ngarud kaniak ti kaipapananda.

Numero 24:9

Mayarig ti nasion iti nabileg a leon a no matmaturog awan makaitured a mangriing kenkuana. Mabendisionan ti mangbendision iti Israel ket mailunod ti mangilunod kenkuana.”

San Lucas 23:28

Tinaliawna ida ket kinunana, “Babbai a taga-Jerusalem, didak sangsangitan! Dagiti bagbagiyo ken dagiti annakyo ketdi ti sangitanyo!

San Lucas 7:13

Naasian ti Apo idi makitana ti ina. “Dika agsangsangit,” kinunana kenkuana.

San Lucas 8:52

Amin nga adda sadiay sangsangitan ken dungdung-awanda ti ubing. “Dikay agsangsangit,” kinuna ni Jesus. “Saan a natay ti ubing—matmaturog laeng!”

San Juan 20:13

“Babai,” sinaludsodda, “apay nga agsangsangitka?” “Impanawda ti Apok, ket diak ammo ti nangikabilanda kenkuana!” insungbatna.

Taga-Roma 1:3

Daytoy Naimbag a Damag isu ti maipapan iti Anakna, ni Apotayo a Jesu-Cristo. No maipa-pan iti kinataona, nagtaud iti kaputotan ni David;

Taga-Roma 15:12

Kuna pay ni Isaias, “Addanto umay nga agtaud iti kaputotan ni Jesse; Mapadakkelto a mangituray kadagiti Hentil, Ket isunto ti pangnamnamaanda.”

Hebreo 7:14

Nalawag a nagtaud ti Apotayo iti tribu ti Juda, ket awan ti nadakamat ni Moises maipapan iti daytoy a tribu idi nagsao maipapan kadagiti papadi.

Paltiing 1:1

Nailanad iti daytoy a libro dagiti impaltiing ti Dios ken ni Jesu-Cristo. Naipaltiing dagitoy kenkuana tapno ipakitana kadagiti adipen ti Dios dagiti masapul a mapasamak iti mabiit. Impakaammo ni Cristo dagitoy ken ni adipenna a Juan babaen iti panangibaonna iti anghelna,

Paltiing 22:16

“Siak ni Jesus a nangibaon iti anghelko tapno saksianna dagitoy kadakayo nga adda kadagiti iglesia. Nagtaudak iti ramut ken kaputotan ni David. Siak ti naraniag a bituen ti agsapa.”

Paltiing 3:21

“Ti agballigi, ikkakto iti kalintegan nga agtugaw iti dennak iti tronok, kas kaniak a nagballigi, ket ita, agtugtugawak iti abay ni Amak iti tronona.

Paltiing 4:10

agrukbab dagiti duapulo ket uppat a panglakayen iti sangoanan ti trono ket agdaydayawda iti situtugaw sadiay, isu nga agbiag iti agnanayon nga awan inggana. Ipurruakda ti koronada iti sangoanan ti trono sada kuna:

Paltiing 4:4

Iti aglikmut ti trono, adda duapulo ket uppat a sabali a trono a pagtugtugawan ti duapulo ket uppat a panglakayen a nakakawes iti puraw ken nakakorona iti balitok.

Paltiing 5:4

Nagsangitak iti nasaem agsipud ta awan ti nasarakan a maikari a manglukat wenno mangkita iti pagbasaan.

Paltiing 6:1

Kalpasanna, nakitak nga inikkat ti Kordero ti umuna kadagiti pito a timbre ket nangngegko ti napigsa a timek a kas iti gurruod ti maysa kadagiti uppat a sibibiag a parsua a kunana, “Umayka!”

Paltiing 7:13

Sinaludsod kaniak ti maysa kadagiti panglakayen, “Siasino dagitoy a tattao a nakakawes iti puraw? Sadino ti naggapuanda?”