Paltiing 5:2 - Ti Baro a Naimbag a Damag Biblia

² Ket nakitak ti maysa a mannakabalin nga anghel a nangipakaammo iti napigsa a timek: “Siasino ti maikari a mangikkat kadagiti timbre ken mangukrad iti nalukot a pagbasaan?”

Ti Biblia (1973)

² Ket nacakitaac iti maysa nga angel a mannacabalin nga iyawawagna iti dackel a timec: Siasino ti maicari a mangbistrad iti pagbasaan, ken mangwarwar cadagiti sellona?

Paltiing 5:2 Iomraidhean Croise

Ti Libro ni Job 41:15

Dagiti siksikna ti pagtangsitna; nairut ti panagkakamangda, ket kas iti bato ti tangkenda.

Dagiti Salmo 103:20

Idaydayawyo ti Apo, dakayo a mannakabalin ken napipigsa nga anghelesna, dakayo a dumngeg ken agtulnog iti bilinna.

Paltiing 10:1

Kalpasanna, nakitak ti sabali a mannakabalin nga anghel a bumabbaba manipud langit. Nabungon iti ulep ket adda bullalayaw iti ngatoen ti ulona. Naraniag ti rupana a kas iti karaniag ti init ket kasla adigi nga apuy dagiti sakana.

Paltiing 18:21

Kalpasanna, nangala ti maysa a mannakabalin nga anghel iti bato a kas iti kadakkel ti gilingan ket impurruakna iti baybay a kunkunana: “Kastoyto ti nakaam-amak a pannakatnag ti Babilonia nga agdindinamag a siudad, ket saanton a makita uray kaanoman.

Paltiing 5:1

Iti kannawan nga ima ti nakatugaw iti trono, nakitak ti maysa a nalukot a pagbasaan a nasuratan iti agsumbangir ket naserraan iti pito a timbre.

Paltiing 5:5

Iti kasta, kinuna kaniak ti maysa kadagiti panglakayen: “Dika agsangit. Kitaem, nagballigi ti Leon a nagtaud iti tribu ti Juda, ti naindaklan a kaputotan ni David, ket naikkan iti kalintegan a mangikkat kadagiti pito a timbre ken mangukrad iti nalukot a pagbasaan.”