Paltiing 5:13 - Ti Baro a Naimbag a Damag Biblia

¹³ Ket nangngegko nga agkankanta dagiti amin a parsua sadi langit, dagiti adda ditoy daga, dagiti adda iti uneg ti daga, dagiti adda iti taaw—amin a parsua iti entero a lubong: “Iti situtugaw iti trono ken iti Kordero, Maited koma ti tan-ok ken dayaw, dayag ken pannakabalin Iti agnanayon nga awan inggana!”

Ti Biblia (1973)

¹³ Ket isu-amin a naparsua idiay langit, ken iti rabaw ti daga, ken iti uneg ti daga, ken iti baybay, ken dagiti isu-amin nga adda cadacuada, nangngegco ida nga agcuncuna; Bendicion, ken dayaw ken dayag ken pannacabalin ti adda coma iti daydiay agtutugaw iti trono, ken iti Cordero, iti awan inggana.

Paltiing 5:13 Iomraidhean Croise

1 Cronicas 29:11

Naindaklan ken mannakabalinka, nadaeg, nadayag ken natan-okka. Kukuam amin nga adda sadi langit ken ditoy daga. Sika ti ari ken kangatoan a mangituray iti amin.

Isaias 24:14

Agkantanto dagiti nakalasat gapu iti ragsakda. Manipud iti Laud, itan-okdanto ti Apo,

Isaias 42:10

Kantaanyo ti Apo iti baro a kanta; dakayo iti lubong, kantaenyo ti pagdaydayaw kenkuana! Idaydayawyo, dakayo nga aglayag iti baybay; idaydayawyo, dakayo amin a parsua iti taaw! Agkantakayo, dakayo nga adayo a daga, ken amin nga agnaed sadiay!

San Mateo 6:13

Dinakam iturong iti nakaro a pakasuotan; Ilisinakami ketdi iti Managdakdakes.’

San Lucas 2:14

“Gloria iti Dios iti kangatoan a langit! Ket ditoy daga, kappia ken talna kadagiti tattao a pakaragsakanna!”

San Juan 1:29

Iti sumuno nga aldaw, nakita ni Juan nga agturong ni Jesus iti yanna. “Daytoy ti Kordero ti Dios a mangikkat iti basol ti lubong!” kinuna ni Juan.

Taga-Roma 11:36

Ta isu ti namarsua kadagiti amin. Agbiagda amin babaen kenkuana ket agserbida kenkuana. Madaydayaw koma ti Dios iti agnanayon! Amen.

Taga-Roma 16:27

Madaydayaw koma iti agnanayon babaen ken Jesu-Cristo ti maymaysa a Dios, isu a kakaisuna a masirib iti amin! Amen.

Taga-Roma 9:5

Kaputotan ida dagiti amma, ket kadaraanda ni Cristo no maipapan iti lasag. Madaydayaw koma iti agnanayon ti Dios a mangituray iti amin! Amen.

Taga-Efeso 3:21

Maipaay koma kenkuana ti dayaw iti iglesia ken ti dayaw ni Cristo Jesus, iti amin a tiempo ken iti agnanayon nga awan inggana. Amen.

Taga-Filipos 2:10

Iti kasta, kas pammadayaw iti nagan ni Jesus, Agparintumeng dagiti amin a parsua sadi langit, ditoy daga ken iti uneg ti daga.

Taga-Colosas 1:23

Masapul ngarud nga agtalinaedkayo a natibker ken natalged iti pammati. Diyo itulok a magunggonkayo ket mapukawyo ti namnama a nagun-odyo idi nangngegyo ti ebanghelio. Daytoy ti ebanghelio a naikaskasaba kadagiti amin a tattao ditoy lubong. Daytoy ti gapuna a siak, ni Pablo, nagbalinak nga adipen.

1 Timoteo 4:16

Annadam ta bagim ken ti isursurom. Ipasnekmo nga aramiden dagitoy tapno maisalakanmonto ti mismo a bagim agraman dagiti dumngeg kenka.

1 Pedro 4:11

Siasinoman a mangasaba, masapul nga ikasabana ti sao ti Dios. Siasinoman nga agserbi, masapul nga agserbi babaen iti pigsa nga inted ti Dios kenkuana. Iti kasta, iti amin a banag, maidaydayaw koma ti Dios babaen ken ni Jesu-Cristo, nga addaan iti dayag ken pannakabalin iti agnanayon nga awan inggana. Amen.

1 Pedro 5:11

Sapay koma ta agturay iti agnanayon awan inggana! Amen.

Paltiing 1:6

Pinagbalinnatayo a pagarian, ken papadi nga agserbi iti Dios ken Amana. Ipaduyakyaktayo ti agnanayon a dayag ken pannakabalin ni Jesu-Cristo! Amen.

Paltiing 13:8

Agdaydayawto kenkuana dagiti amin a tattao iti rabaw ti daga, malaksid dagiti naisurat ti naganda iti libro ti biag sakbay a naparsua ti lubong. Daytoy a libro kukua ti napapatay a Kordero.

Paltiing 5:1

Iti kannawan nga ima ti nakatugaw iti trono, nakitak ti maysa a nalukot a pagbasaan a nasuratan iti agsumbangir ket naserraan iti pito a timbre.

Paltiing 5:12

ket inkantada iti napigsa: “Maikari ti napapatay a Kordero, Wen, maikari nga umawat iti pannakabalin, kinabaknang, kinasirib ken kinapigsa, Dayaw, dayag ken pannakaitan-ok!”

Paltiing 5:3

Ngem awan sadi langit wenno iti lubong iti baba wenno iti uneg ti daga ti makalukat ken mangkita iti linaon ti pagbasaan.

Paltiing 5:6

Kalpasanna, nakitak ti maysa a Kordero nga agtaktakder iti tengnga ti trono a linikmut dagiti uppat a sibibiag a parsua ken dagiti panglakayen. Kasla napapatay ti Kordero. Pito ti sarana ken addaan iti pito a mata nga isu dagiti pito nga espiritu ti Dios nga imbaonna iti entero a lubong.

Paltiing 5:9

Kinantada ti maysa a baro a kanta: “Maikarika a mangala iti nalukot a pagbasaan Ken mangikkat kadagiti timbre. Ta napapatayka ket babaen iti ipapataymo, sinubbotmo dagiti tattao a maipaay iti Dios, Manipud iti tunggal tribu, pagsasao, nasion ken puli,

Paltiing 6:16

Kinunada kadagiti bato ken kadagiti bambantay: “Gaburandakami tapno saanmi a makita ti rupa ti nakatugaw iti trono ken marikna ti pungtot ti Kordero.