Paltiing 4:8 - Ti Baro a Naimbag a Damag Biblia

⁸ Innem ti payak ti tunggal maysa kadagiti sibibiag a parsua, ket mata amin iti uneg ken ruar ti payak. Aldaw-rabii nga awan sardengda a mangikankanta: “Santo, santo, santo, ni Apo Dios a Mannakabalin-amin, Isu nga adda idi, adda ita ken umayto.”

Ti Biblia (1973)

⁸ Ket dagidi uppat a parsua a sibibiag, tunggal maysa cadacuada adda innem a payacna ket napnoda cadagiti matmata iti aglawlaw ken iti uneg; ket dida umingga iti aldaw ken rabii a cuncunada: Santo, santo, ni Apo Dios, ti Mannacabalin-amin, isu nga adda idi, ken adda ita, ken umayto.

Paltiing 4:8 Iomraidhean Croise

Genesis 17:1

Idi agtawen ni Abram iti 99, nagparang ni Yahweh kenkuana. Kinunana, “Siak ti Dios a Mannakabalin-amin. Agtulnogka kaniak ket aramidem a kanayon ti naimbag.

Dagiti Salmo 91:1

Ti agnaed iti salinong ti Kangatoan ken iti pannalaknib ti Mannakabalin-amin,

Exodo 15:11

“Siasino, O Apo, kadagiti didiosen ti kas kenka? Siasino ti umasping kenka iti nakaskasdaaw a kinasantom? Siasino ti pumada kenka nga agar-aramid iti milagro ken pagbutngan gapu kadagiti nakaskasdaaw nga aramidmo?

Exodo 3:14

Kinuna ti Dios, “Siak ti siak. Daytoy ti ibagamto kadagiti Israelita, ‘Imbaonnak ti mangawag iti bagina iti SIAK.’

Isaias 13:6

Agdung-awkayo! Asidegen ti aldaw ti Apo, aldaw a panangidissuor ti Mannakabalin-amin iti pannakadadael!

Isaias 62:1

Agsaoak tapno pumigsa ti pakinakem ti Jerusalem; diak agulimek agingga a di maisalakan ti siudad, ket agraniag ti balligina a kas silaw iti rabii.

Ezekiel 1:18

Pasig a mata ti nangabbong kadagiti rueda ti pilid.

Ezekiel 1:5

Iti tengnga ti alipugpog, nakitak dagiti kasla sibibiag a parsua nga umasping iti tao,

Ezekiel 1:6

ket adda uppat a rupa ken uppat a payak ti tunggal maysa kadakuada.

Ezekiel 10:12

Pasig a mata ti nangbungon iti bagida agraman dagiti bukot, ima, payak ken dagiti pilid.

Joel 1:15

Asidegen ti aldaw ti Apo; ti aldaw a panangyeg ti Mannakabalin-amin iti didigra. Nakabutbutengto dayta nga aldaw!

Dagiti Aramid 20:31

Ngarud, agannadkayo ket laglagipenyo nga aldaw ken rabii, iti baet ti adu a panagsagabak, a sinursuroankay amin iti las-ud ti tallo a tawen.

2 Taga-Corinto 6:18

Siakto ti amayo, Ket dakayto ti annakko, Kuna ti Mannakabalin-amin nga Apo.”

1 Taga-Tesalonica 2:9

Diak agduadua, kakabsat, a malagipyo no kasano ti panagtrabaho ken panagbannogmi. Aldaw-rabii a nagtrabahokami tapno dikam agbalin a pakadagsenanyo bayat ti panangikasabami kadakayo iti Naimbag a Damag nga aggapu iti Dios.

1 Timoteo 4:16

Annadam ta bagim ken ti isursurom. Ipasnekmo nga aramiden dagitoy tapno maisalakanmonto ti mismo a bagim agraman dagiti dumngeg kenka.

2 Timoteo 4:2

nga ikasabam ti mensahe. Wen, agawaam nga ipakaammo, nasayaat man wenno dakes ti tiempo. Mangallukoy, mangtubngar ken mangbalakadka. Mangisuroka a siaanus.

Hebreo 13:8

Saan nga agbalbaliw ni Jesu-Cristo. Isu met laeng idi, ita ken iti agnanayon.

Paltiing 1:4

Siak, ni Juan: Kablaawak dagiti pito nga iglesia iti probinsia ti Asia. Adda koma kadakayo ti parabur ken talna nga aggapu iti Dios nga adda ita, adda idi ken umayto. Aggapu met daytoy kadagiti pito nga espiritu iti sangoanan ti tronona.

Paltiing 1:8

“Siak ti Alfa ken ti Omega,” kuna ni Apo Dios a Mannakabalin-amin, isu nga adda ita, adda idi ken umayto.

Paltiing 11:17

a kunkunada: “Apo Dios a Mannakabalin-amin, Dioska ita ken Dioska idi: Agyamankami ta inaramatmo ti dakkel a pannakabalinmo Ket inrugimon ti agturay!

Paltiing 14:11

Agnanayon nga awan inggana ti panagpangato ti apuy a mangparparigat kadakuada. Aldaw ken rabii nga awan inana dagiti nagdaydayaw iti narungsot nga animal ken iti ladawanna, ken dagiti namarkaan iti naganna.”

Paltiing 14:3

Nakasango dagiti 144,000 iti trono, kadagiti uppat a sibibiag a parsua ken kadagiti panglakayen. Agkankantada iti baro a kanta nga awan ti makasursuro malaksid laeng kadakuada a nasubbot ditoy daga.

Paltiing 15:3

Ket kankantaenda ti kanta ni Moises nga adipen ti Dios, ken ti kanta ti Kordero: “Apo Dios a Mannakabalin-amin Natan-ok ken nakaskasdaaw dagiti aramidmo! Ari dagiti pagilian. Nalinteg ken napudno dagiti dalanmo!

Paltiing 15:7

Maysa kadagiti uppat a sibibiag a parsua ti nangted kadagiti pito nga angheles iti pito a malukong a balitok. Napno dagitoy iti napalalo a pungtot ti Dios a sibibiag iti agnanayon nga awan inggana.

Paltiing 16:14

Isuda dagiti espiritu ti demonio nga agiparparang iti pagilasinan. Mapan dagiti tallo nga espiritu kadagiti ari iti sangalubongan tapno ummongenda ida a makigubat inton dumteng ti naindaklan nga aldaw ti Mannakabalin-amin a Dios.

Paltiing 16:7

Nangngegko ti timek a naggapu iti altar: “Apo Dios a Mannakabalin-amin, awan duadua a napudno ken nalinteg dagiti panangukommo!”

Paltiing 19:15

Manipud iti ngiwatna, rimmuar ti maysa a natadem a kampilan a pangparmekna kadagiti pagilian. Iturayannanto ida babaen iti baston a landok, ket manipud iti pagpespesan iti ubas, pagayusennanto ti arak ti napalalo a pungtot ti Mannakabalin-amin a Dios.

Paltiing 19:4

Nagpakleb dagiti duapulo ket uppat a panglakayen ken dagiti uppat a sibibiag a parsua, ket nagdaydayawda iti Dios nga agtugtugaw iti trono. Kinunada, “Amen! Madaydayaw ti Dios!”

Paltiing 21:22

Nadlawko nga awan templo iti siudad agsipud ta ni Apo Dios a Mannakabalin-amin ken ti Kordero ti pannakatemplona.

Paltiing 3:7

“Kastoy ti isuratmo iti anghel ti iglesia idiay Filadelfia: “Daytoy ti mensahe ti nasantoan ken napudno. Ig-iggamanna ti tulbek a kukua idi ni David. No adda ilukatna, awan ti makairikep, ket no adda rikpanna, awan ti makailukat. Kunana:

Paltiing 4:4

Iti aglikmut ti trono, adda duapulo ket uppat a sabali a trono a pagtugtugawan ti duapulo ket uppat a panglakayen a nakakawes iti puraw ken nakakorona iti balitok.

Paltiing 4:6

Adda pay iti sangoanan ti trono ti kasla baybay a sarming, nalitnaw a kasla kristal. Iti aglikmut ti trono, adda uppat a sibibiag a parsua a mata amin ti sango ken likudda.

Paltiing 4:9

Ikanta dagiti uppat a sibibiag a parsua dagiti kanta ti dayag, pagdayaw ken pagyaman iti situtugaw iti trono nga agbiag nga agnanayon nga awan inggana. Bayat ti panagkantada,

Paltiing 5:6

Kalpasanna, nakitak ti maysa a Kordero nga agtaktakder iti tengnga ti trono a linikmut dagiti uppat a sibibiag a parsua ken dagiti panglakayen. Kasla napapatay ti Kordero. Pito ti sarana ken addaan iti pito a mata nga isu dagiti pito nga espiritu ti Dios nga imbaonna iti entero a lubong.

Paltiing 6:1

Kalpasanna, nakitak nga inikkat ti Kordero ti umuna kadagiti pito a timbre ket nangngegko ti napigsa a timek a kas iti gurruod ti maysa kadagiti uppat a sibibiag a parsua a kunana, “Umayka!”

Paltiing 6:6

Nangngegko ti maysa a timek a kasla naggapu iti ayan dagiti uppat a sibibiag a parsua: “Sangkasukat a trigo ti pakaigatangan ti maysa a denario, ken tallo kasukat a sebada ti pakaigatangan ti maysa a denario. Ngem dimo dadaelen ti lana ti olibo ken ti arak!”

Paltiing 7:11

Linikmut dagiti amin nga angheles ti trono, dagiti panglakayen ken dagiti uppat a sibibiag a parsua. Nagpaklebda iti sangoanan ti trono ket nagdaydayawda iti Dios.

Paltiing 7:15

Dayta ti gapuna nga addada iti sangoanan ti trono ti Dios ket aldaw-rabii nga agserserbida kenkuana iti templona. Aywananto ida ti agtugtugaw iti trono.