Paltiing 4:6 - Ti Baro a Naimbag a Damag Biblia

⁶ Adda pay iti sangoanan ti trono ti kasla baybay a sarming, nalitnaw a kasla kristal. Iti aglikmut ti trono, adda uppat a sibibiag a parsua a mata amin ti sango ken likudda.

Ti Biblia (1973)

⁶ Ket iti sangoanan di trono adda idi maysa a baybay a sarming, nga umasping iti cristal; ket di trono, iti tengnga, ken iti aglicmut daydi trono, adda idi uppat a parsua a sibibiag a napno cadagiti matmata, iti sango ken iti licud.

Paltiing 4:6 Iomraidhean Croise

1 Ar-ari 7:23

Nanglunag ni Hiram iti bronse ket nangaramid iti nagtimbukel a tangke. Pito ket kagudua a kadapan ti kaunegna, 15 a kadapan ti ngarabna ket 45 a kadapan iti aglawlawna.

Ti Libro ni Job 28:17

Napatpateg nga adayo ngem ti balitok, napatpateg ngem ti alikamen a balitok ken kapintasan a baso.

Exodo 38:8

Inaramid ni Bezalel ti bronse a palanggana ken ti pagbatayanna manipud kadagiti bronse a pagsarmingan dagiti babbai nga agserserbi iti ruangan ti Tolda ti Dios.

Ezekiel 10:12

Pasig a mata ti nangbungon iti bagida agraman dagiti bukot, ima, payak ken dagiti pilid.

Ezekiel 10:14

Adda uppat a rupa ti tunggal parsua. Ti umuna, rupa ti baka; ti maikadua, rupa ti tao; ti maikatlo, rupa ti leon; ket ti maikapat, rupa ti agila.

Paltiing 14:3

Nakasango dagiti 144,000 iti trono, kadagiti uppat a sibibiag a parsua ken kadagiti panglakayen. Agkankantada iti baro a kanta nga awan ti makasursuro malaksid laeng kadakuada a nasubbot ditoy daga.

Paltiing 15:2

Ket nakitak ti kasla taaw a kristal a gumilgil-ayab. Nakitak pay dagiti nangparmek iti narungsot nga animal ken iti ladawanna, agraman iti animal a numero ti kaibatogan ti naganna. Agtatakderda iti igid ti taaw a kristal; ig-iggamanda dagiti arpa nga inted ti Dios kadakuada.

Paltiing 15:7

Maysa kadagiti uppat a sibibiag a parsua ti nangted kadagiti pito nga angheles iti pito a malukong a balitok. Napno dagitoy iti napalalo a pungtot ti Dios a sibibiag iti agnanayon nga awan inggana.

Paltiing 19:4

Nagpakleb dagiti duapulo ket uppat a panglakayen ken dagiti uppat a sibibiag a parsua, ket nagdaydayawda iti Dios nga agtugtugaw iti trono. Kinunada, “Amen! Madaydayaw ti Dios!”

Paltiing 21:11

Agranraniag daytoy gapu iti dayag ti Dios. Agrimatrimat a kas iti alahas a haspe ken aganninaw a kas iti kristal.

Paltiing 21:18

Haspe ti bakud, puro a balitok ti siudad, ket aganninaw a kas kristal.

Paltiing 21:21

Perlas dagiti sangapulo ket dua a ruangan; naaramid ti tunggal maysa iti sangkanayon a perlas. Paspasig a balitok dagiti kalsada ti siudad; aganninaw a kas kristal.

Paltiing 22:1

Impakita pay ti anghel ti karayan ti danum ti biag. Nalitnaw a kas kristal ti danumna nga agubbog manipud iti trono ti Dios ken ti Kordero.

Paltiing 4:4

Iti aglikmut ti trono, adda duapulo ket uppat a sabali a trono a pagtugtugawan ti duapulo ket uppat a panglakayen a nakakawes iti puraw ken nakakorona iti balitok.

Paltiing 5:11

Kimmitaak manen, ket nangngegko ti ragup a timek dagiti rinibu ken riniwriw nga angheles. Linawlawda ti trono, dagiti sibibiag a parsua ken dagiti panglakayen,

Paltiing 5:14

“Amen,” insungbat dagiti uppat a sibibiag a parsua. Ket nagparintumeng dagiti panglakayen sada nagdaydayaw.

Paltiing 5:6

Kalpasanna, nakitak ti maysa a Kordero nga agtaktakder iti tengnga ti trono a linikmut dagiti uppat a sibibiag a parsua ken dagiti panglakayen. Kasla napapatay ti Kordero. Pito ti sarana ken addaan iti pito a mata nga isu dagiti pito nga espiritu ti Dios nga imbaonna iti entero a lubong.

Paltiing 5:8

Bayat ti panangalana, nagruknoy dagiti uppat a sibibiag a parsua ken dagiti duapulo ket uppat a panglakayen iti sangoanan ti Kordero. Adda arpa ti tunggal maysa ken balitok a malukong a napno iti insenso nga isu dagiti karkararag dagiti tattao ti Dios.

Paltiing 6:1

Kalpasanna, nakitak nga inikkat ti Kordero ti umuna kadagiti pito a timbre ket nangngegko ti napigsa a timek a kas iti gurruod ti maysa kadagiti uppat a sibibiag a parsua a kunana, “Umayka!”

Paltiing 6:6

Nangngegko ti maysa a timek a kasla naggapu iti ayan dagiti uppat a sibibiag a parsua: “Sangkasukat a trigo ti pakaigatangan ti maysa a denario, ken tallo kasukat a sebada ti pakaigatangan ti maysa a denario. Ngem dimo dadaelen ti lana ti olibo ken ti arak!”

Paltiing 7:11

Linikmut dagiti amin nga angheles ti trono, dagiti panglakayen ken dagiti uppat a sibibiag a parsua. Nagpaklebda iti sangoanan ti trono ket nagdaydayawda iti Dios.

Paltiing 7:17

agsipud ta pastordanton ti Kordero nga adda iti tengnga ti trono. Iturongnanto ida kadagiti ubbog ti danum a sibibiag. Punasento ti Dios dagiti amin a luada.”