Paltiing 4:5 - Ti Baro a Naimbag a Damag Biblia

⁵ Manipud iti trono, agkimatkimat a kagiddan ti agkakapigsa nga uni ken gurruod. Iti sango ti trono, adda pito a pagsilawan a sumsumged; dagitoy dagiti pito nga espiritu ti Dios.

Ti Biblia (1973)

⁵ Ket iti trono rumrummuar idi dagiti kimkimat, ken timtimec ken gurgurruod; ket adda idi pito a pagsilawan nga apuy a sumsumged iti sangoanan ti trono, nga isuda dagiti pito nga Espiritu ti Dios;

Paltiing 4:5 Iomraidhean Croise

Genesis 15:7

Kalpasanna, kinuna ni Yahweh kenkuana, “Siak ni Yahweh a nangiruar kenka iti Ur idiay Caldea tapno ipatagikuak kenka daytoy a daga.”

2 Cronicas 4:20

dagiti kandelero ken dagiti pagsilawan a naaramid iti kasayaatan a balitok a mapasgedan iti sangoanan ti Kasantoan a Disso, kas naituding a maaramid;

Dagiti Salmo 68:35

Anian a nakaskasdaaw ti Dios a rummuar iti santuariona! Anian a nakaskasdaaw ti Dios ti Israel! Ikkanna ti pigsa ken bileg dagiti tattaona. Madaydayaw ti Dios!

Exodo 19:16

Iti agsapa iti maikatlo nga aldaw, naggurruod ken nagkimat iti bantay. Nagparang ti napuskol nga ulep. Immaweng ti nakapigpigsa nga uni ti trumpeta. Nagpigerger dagiti amin a tattao iti kampo gapu iti buteng.

Exodo 20:18

Idi mangngeg dagiti tattao ti gurruod ken ti tangguyob, idi makitada ti kimat ken ti umas-asuk a bantay, nagpigergerda iti buteng ket immadayoda.

Exodo 25:37

Mangaramidka iti pito a pagsilawan a maikabil iti kandelero ket isaadmo tapno agpasango ti lawagda.

Exodo 37:23

Nangaramid iti pito a pagsilawan para iti kandelero, agraman dagiti puro a balitok a pagarsang ken pagyarsangan.

Ezekiel 1:13

Iti baet dagiti parsua, adda kasla gumilgil-ayab nga aluten nga agalis-alis. Gumil-ayab ti apuy ket agipugso iti kasla kimat.

Joel 3:16

Agpukkaw ni Yahweh manipud Bantay Sion; manipud Jerusalem, agallangogan ti timekna. Agkintayeg ti daga ken ti tangatang, ngem salaknibannanto dagiti tattaona.

Zacarias 4:2

“Ania ti makitam?” sinaludsodna. “Makitak ti maysa a kandelero a pasig a balitok,” insungbatko. “Iti rabawna, adda malukong a pagyanan ti lana. Adda pito a pagsilawan ti kandelero, tunggal maysa adda pagsaadan ti pito a pabelo.

San Mateo 25:1

“Inton dumteng dayta nga aldaw, mayarigto ti Pagarian ti Langit iti kastoy: Adda idi sangapulo a babbalasang a nangala kadagiti pagsilawanda tapno mapanda sabten ti nobio.

San Mateo 3:11

Buniagankayo iti danum kas pakakitaan ti panagbalbaliwyo. Ngem ti umay a sumarsaruno kaniak buniagannakayto iti Espiritu Santo ken iti apuy. Dakdakkel ti pannakabalinna ngem siak; diak pay maikari a mangbitbit iti sandaliasna.

Dagiti Aramid 2:3

Nakakitada kadagiti sinan-dila nga apuy a nagwaras ken saggaysa a nagdisso iti tunggal maysa kadagiti adda sadiay.

Paltiing 1:4

Siak, ni Juan: Kablaawak dagiti pito nga iglesia iti probinsia ti Asia. Adda koma kadakayo ti parabur ken talna nga aggapu iti Dios nga adda ita, adda idi ken umayto. Aggapu met daytoy kadagiti pito nga espiritu iti sangoanan ti tronona.

Paltiing 10:3

Nagpukkaw ket kasla ungor ti adu a leon ti timekna. Nasungbatan iti dulluog dagiti pito a gurruod.

Paltiing 11:19

Nalukatan ti templo ti Dios sadi langit, ket nakitak ti Lakasa ti Tulagna iti uneg. Kalpasanna, nagkimat, adda napigsa nga arimbangaw, naggurruod, nagginggined ken nagtudo iti nakaad-adu nga yelo.

Paltiing 3:1

Ket kinunana kaniak, “Kastoy ti isuratmo iti anghel ti iglesia idiay Sardis: “Daytoy ti mensahe nga aggapu iti addaan kadagiti pito nga espiritu ti Dios ken kadagiti pito a bituen: Ammok dagiti aramidmo. Ammok nga agdindinamag a sibibiagka, ngem ti kinapudnona, nataykan!

Paltiing 5:6

Kalpasanna, nakitak ti maysa a Kordero nga agtaktakder iti tengnga ti trono a linikmut dagiti uppat a sibibiag a parsua ken dagiti panglakayen. Kasla napapatay ti Kordero. Pito ti sarana ken addaan iti pito a mata nga isu dagiti pito nga espiritu ti Dios nga imbaonna iti entero a lubong.

Paltiing 8:5

Kalpasanna, innala ti anghel ti insensario, kinargaanna kadagiti beggang manipud iti altar sana impurruak iti daga. Naggurruod, rimsua ti napigsa nga arimbangaw, nagkimat ken nagginggined.