Paltiing 4:11 - Ti Baro a Naimbag a Damag Biblia

¹¹ “Apo ken Diosmi! Maikarika nga umawat iti dayag, dayaw ken pannakabalin. Ta pinarsuam dagiti amin a bambanag, ket babaen iti pagayatam, naparsua ken naikkanda iti biag.”

Ti Biblia (1973)

¹¹ Sica ti maiparbeng, Apomi ken Diosmi, nga umawat iti dayag, iti dayaw ken iti pannacabalin; ta sica pinarsuam dagiti isu-amin nga adda, ket gapu iti nakemmo naaddada, ket naparsuada.

Paltiing 4:11 Iomraidhean Croise

Genesis 1:1

Idi punganay, pinarsua ti Dios ti lubong.

2 Samuel 22:4

Umawagak ken ni Yahweh, ket isalakannak kadagiti kabusorko. Madaydayaw ti Apo!

Nehemias 9:5

Dagitoy a Levita ti nangted iti pagilasinan iti panangrugi ti panagdaydayaw: Jesua, Kadmiel, Bani, Hasabneyas, Serebias, Hodias, Sebanias ken Petahias. Kinunada: “Tumakderkayo ket idaydayawyo ti Apo a Diosyo; idaydayawyo iti agnanayon nga awan inggana. O Apo, idaydayaw koma ti amin ti nagloriaan unay a naganmo; nupay no awan tao a makaited iti naan-anay a pagdaydayaw kenka.”

Ti Libro ni Job 36:3

Adu ti ammok, ket usarek a mangipakita a nalinteg ti Dios a namarsua kaniak.

Dagiti Salmo 18:3

Umawagak iti Apo, ket isalakannak kadagiti kabusorko. Madaydayaw ti Apo!

Dagiti Salmo 68:34

Ipakaammoyo ti pannakabalin ti Dios, ti dayagna a mangrimbaw iti Israel; rimbawan ti bilegna ti tangatang.

Exodo 20:11

Iti las-ud ti innem nga aldaw, siak, ni Yahweh, inaramidko ti langit, daga, dagiti baybay agraman dagiti amin a linaonda, ngem naginanaak iti maikapito nga aldaw. Isut' gapuna a siak, ni Yahweh, binendisionak ti Aldaw a Panaginana ket intuyangko nga aldaw a nasantoan.

Dagiti Proverbio 16:4

Adda panungpalan ti amin a pinarsua ti Apo. Ket pannakadadael ti panungpalan dagiti managdakdakes.

Isaias 40:26

Tumangadkayo iti tangatang! Siasino ti nangparsua kadagiti bituen a makitayo? Ti mangidalan kadakuada a kasla armada, ammona no mano ti bilangda, ket awaganna ti nagan ti tunggal maysa! Dakkel unay ti bileg ken pannakabalinna, awan ti mapukaw uray maysa kadakuada!

Isaias 40:28

Diyo kadi ammo? Diyo aya nadamag? Ti Apo ti agnanayon a Dios; pinarsuana ti entero a lubong. Pulos a di mabannog wenno kumapsut; awan makatukod iti pampanunotenna.

Jeremias 10:11

Dakayo a tattao, ibagayo kadagiti didiosen a madadaeldanto ket awandanton iti uray ania a paset ti lubong. Saanda nga inaramid ti daga ken ti langit.)

Jeremias 32:17

“Apo Dios, pinarsuam ti daga ken ti langit babaen iti dakkel a pannakabalin ken bilegmo. Kabaelam nga aramiden dagiti amin a banag.

Dagiti Aramid 14:15

“Kakabsat,” impukkawda, “apay nga aramidenyo daytoy? Tattaokami laeng a kas kadakayo. Addakami ditoy a mangipakaammo iti Naimbag a Damag tapno panawanyo dagitoy a kinaubbaw ket agturongkayo iti sibibiag a Dios a namarsua iti langit, daga, taaw ken amin nga adda kadakuada.

Dagiti Aramid 17:24

Ti Dios a namarsua iti lubong ken kadagiti amin a linaonna, isu ti Apo ti langit ken daga. Saan nga agnaed kadagiti templo nga aramid ti tao.

Taga-Roma 11:36

Ta isu ti namarsua kadagiti amin. Agbiagda amin babaen kenkuana ket agserbida kenkuana. Madaydayaw koma ti Dios iti agnanayon! Amen.

Taga-Efeso 3:9

ken mangipakita kadagiti amin a tattao iti pannakaibanag daytoy nalimed a plano ti Dios. Iti amin a tiempo iti napalabas, inlemmeng ti Dios, isu a namarsua iti amin, daytoy nalimed a planona.

Deuteronomio 32:4

“Ti Apo ti nabileg a mangsalaknib kadakayo, naan-anay ken nalinteg amin nga aramidna. Mapagtalkan ken napudno ti Diosyo, nalinteg ken naimbag ti aramidna.

Hebreo 1:10

Kunana pay, “Sika, Apo, ti nangparsua iti daga idi punganay, Ket dagiti langit aramid dagiti imam.

Hebreo 1:2

Ngem kadagitoy maudi nga aldaw, nagsao kadatayo babaen iti Anakna. Pinarsua ti Dios ti amin a lubong babaen kenkuana, ket isu ti pinilina nga agtagikua kadagiti amin a banag.

Paltiing 1:6

Pinagbalinnatayo a pagarian, ken papadi nga agserbi iti Dios ken Amana. Ipaduyakyaktayo ti agnanayon a dayag ken pannakabalin ni Jesu-Cristo! Amen.

Paltiing 10:6

Nagsapata iti nagan ti Dios a sibibiag nga agnanayon nga awan inggana, isu a namarsua iti langit, daga, taaw ken amin a linaonda. “Saanen a maitantan,” kinunana.

Paltiing 14:7

“Agbutengkay iti Dios,” impukkawna, “ket agdaydayawkayo iti kinatan-okna! Ta dimtengen ti tiempo a panangukomna. Agdaydayawkayo iti Dios a namarsua iti langit, daga, taaw ken kadagiti ubbog.”

Paltiing 19:1

Kalpasan daytoy, nangngegko ti kasla nagtitipon a timek ti adu a tattao sadi langit. Ikankantada: “Madaydayaw ti Dios! Ti pannakaisalakan, dayaw ken pannakabalin kukua ti Diostayo!

Paltiing 5:12

ket inkantada iti napigsa: “Maikari ti napapatay a Kordero, Wen, maikari nga umawat iti pannakabalin, kinabaknang, kinasirib ken kinapigsa, Dayaw, dayag ken pannakaitan-ok!”

Paltiing 5:2

Ket nakitak ti maysa a mannakabalin nga anghel a nangipakaammo iti napigsa a timek: “Siasino ti maikari a mangikkat kadagiti timbre ken mangukrad iti nalukot a pagbasaan?”

Paltiing 5:9

Kinantada ti maysa a baro a kanta: “Maikarika a mangala iti nalukot a pagbasaan Ken mangikkat kadagiti timbre. Ta napapatayka ket babaen iti ipapataymo, sinubbotmo dagiti tattao a maipaay iti Dios, Manipud iti tunggal tribu, pagsasao, nasion ken puli,