Paltiing 4:10 - Ti Baro a Naimbag a Damag Biblia

¹⁰ agrukbab dagiti duapulo ket uppat a panglakayen iti sangoanan ti trono ket agdaydayawda iti situtugaw sadiay, isu nga agbiag iti agnanayon nga awan inggana. Ipurruakda ti koronada iti sangoanan ti trono sada kuna:

Ti Biblia (1973)

¹⁰ Dagidi duapulo ket uppat a lallacay agparintumengda iti sangoanan daydi adda nga agtutugaw iti trono, ket agrucbabda iti daydiay agbiag iti agnanayon, ket ipurruacda dagiti balbalangatda iti sangoanan di trono, a cuncunada:

Paltiing 4:10 Iomraidhean Croise

1 Cronicas 29:20

Kalpasanna, binilin ni David dagiti tattao nga idaydayawda ni Yahweh a Diosda. Ket indaydayaw ti entero a gimong ni Yahweh a Dios dagiti kapuonanda. Nagdumog dagiti tattao ket nagdaydayawda ken ni Yahweh, ken nagkurnoda met iti ari.

2 Cronicas 7:3

Nagpakleb dagiti Israelita idi makitada ti apuy a nagtinnag manipud langit ket napno ti Templo iti lawag. Nagdaydayawda iti Dios ken intan-okda gapu iti kinaimbagna ken ti agnanayon nga ayatna.

Ti Libro ni Job 1:20

Timmakder ni Job ket rinay-abna ti pagan-anayna gapu iti ladingitna. Kinuskosanna ti ulona sa nagpakleb iti daga ket nagdaydayaw.

Dagiti Salmo 115:1

Sika laeng, O Apo, ti pakaitdan ti naindaklan a pammadayaw; dimi matagikua ta sika laeng ti pagpaayanna gapu iti di agbalbaliw nga ayatmo ken iti kinapudnom.

Dagiti Salmo 47:8

Iturayan ti Dios dagiti pagilian; agtugaw iti tronoda a nasantoan.

Dagiti Salmo 72:11

Agrukbabto dagiti amin nga ari kenkuana, agserbinto kenkuana dagiti amin a pagilian.

Dagiti Salmo 95:6

Umaykayo! Agparintumengtay iti sakaananna, ket agdaydayawtayo kenkuana. Agrukbabtayo iti Apo a namarsua kadatayo.

Isaias 6:1

Idi tawen a pannakatay ni Ari Uzzias, nakitak ti Apo. Situtugaw iti nangato a tronona. Agsaringgayad ti gayadan ti kagayna iti entero a Templo.

Daniel 12:7

Ingngato ti anghel dagiti imana sadi langit ket nagsapata iti nagan ti Agnanayon a Dios. Nangngegko a kinunana, “Tallo ket gudua a tawen. Inton agpatinggan ti pannakaidadanes dagiti tattao ti Dios, mapasamakto aminen dagitoy a bambanag.”

Daniel 4:34

Kinuna ti ari, “Kalpasan ti pito a tawen, timmangadak sadi langit ket nagsubli ti sigud a panunotko. Indaydayawko ti Kangatoan a Dios ket impaayko ti dayaw ken dayag iti agnanayon a sibibiag. Kinunak, “Agturay iti agnanayon, agpautto ti pagarianna iti amin a tiempo.

San Mateo 2:11

Simrekda iti balay ket nakitada ti ubing ken ni Maria nga inana. Nagparintumengda a nagrukbab kenkuana. Kalpasanna, inruarda dagiti sagsagutda a balitok, insenso ken mirra ket indatonda kenkuana.

San Lucas 24:52

Nagdaydayawda kenkuana ket nagsublida a siraragsak idiay Jerusalem.

1 Taga-Corinto 15:10

Ngem gapu iti parabur ti Dios, nagbalinak nga apostol ket natulongannak ti paraburna. Saan la a dayta, napingpingetak a nagtrabaho ngem dagiti amin nga apostoles, nupay iti kinapudnona, saan a siak ti akin-aramid no di ket ti parabur ti Dios nga adda kaniak.

Deuteronomio 32:40

Gapu ta siak ti sibibiag a Dios, ingatok ti imak ket isapatak

Paltiing 10:6

Nagsapata iti nagan ti Dios a sibibiag nga agnanayon nga awan inggana, isu a namarsua iti langit, daga, taaw ken amin a linaonda. “Saanen a maitantan,” kinunana.

Paltiing 11:16

Nagpakleb dagiti duapulo ket uppat a panglakayen a situtugaw iti tronoda iti sangoanan ti Dios ket nagdaydayawda kenkuana

Paltiing 15:4

Siasino ti saan nga agbuteng kenka, Apo? Siasino ti saan a mangitan-ok iti naganmo? Agsipud ta siksika laeng ti nasantoan. Umayto dagiti amin a pagilian Ket agdaydayawda iti sangoanam, Ta maimatangan ti amin dagiti nalinteg nga aramidmo.”

Paltiing 15:7

Maysa kadagiti uppat a sibibiag a parsua ti nangted kadagiti pito nga angheles iti pito a malukong a balitok. Napno dagitoy iti napalalo a pungtot ti Dios a sibibiag iti agnanayon nga awan inggana.

Paltiing 19:4

Nagpakleb dagiti duapulo ket uppat a panglakayen ken dagiti uppat a sibibiag a parsua, ket nagdaydayawda iti Dios nga agtugtugaw iti trono. Kinunada, “Amen! Madaydayaw ti Dios!”

Paltiing 4:2

Pagammoan, addaak iti pannakabalin ti Espiritu ket nakitak sadi langit ti maysa a trono. Adda nakatugaw iti trono.

Paltiing 4:4

Iti aglikmut ti trono, adda duapulo ket uppat a sabali a trono a pagtugtugawan ti duapulo ket uppat a panglakayen a nakakawes iti puraw ken nakakorona iti balitok.

Paltiing 4:9

Ikanta dagiti uppat a sibibiag a parsua dagiti kanta ti dayag, pagdayaw ken pagyaman iti situtugaw iti trono nga agbiag nga agnanayon nga awan inggana. Bayat ti panagkantada,

Paltiing 5:14

“Amen,” insungbat dagiti uppat a sibibiag a parsua. Ket nagparintumeng dagiti panglakayen sada nagdaydayaw.

Paltiing 5:8

Bayat ti panangalana, nagruknoy dagiti uppat a sibibiag a parsua ken dagiti duapulo ket uppat a panglakayen iti sangoanan ti Kordero. Adda arpa ti tunggal maysa ken balitok a malukong a napno iti insenso nga isu dagiti karkararag dagiti tattao ti Dios.

Paltiing 7:11

Linikmut dagiti amin nga angheles ti trono, dagiti panglakayen ken dagiti uppat a sibibiag a parsua. Nagpaklebda iti sangoanan ti trono ket nagdaydayawda iti Dios.