Paltiing 3:9 - Ti Baro a Naimbag a Damag Biblia

⁹ Denggem, no maipanggep iti bunggoy nga agdaydayaw ken ni Satanas, dagita nga ulbod ken agpamarang a Judioda, ibaonko ida kenka tapno agrukbabda iti sakaanam ket maammoandanto amin nga ay-ayatenka.

Ti Biblia (1973)

⁹ Adtoy, siac itdec manipud iti sinagoga ni Satanas, dagidiay mangnagan iti bagida Judio, ket saan met no di ket agulbodda: Adtoy, aramidecto nga umayda ken agrucbabda cadagiti sacsacam, ket maammoanda a dinungdongngoca.

Paltiing 3:9 Iomraidhean Croise

Ester 8:17

Iti tunggal probinsia ken siudad a nakaiwaragawagan ti bilin ti ari, nagrambak dagiti Judio. Ket iti entero a pagarian, adu ti nangipakaammo a Judioda gapu ta kabutengdan dagiti Judio.

Exodo 11:8

Inggibus ni Moises, “Umayto kaniak dagitoy ofisialesmo ket agrukbabdanto iti sangoanak. ‘Pumanawkayo, sika ken dagiti amin a tattaom!’ ipukkawdanto. Kalpasan dayta, pumanawakto.” Ket sipupungtot ni Moises a nangpanaw iti ari.

Isaias 43:4

Yawatkonto dagiti nasion tapno maisalakan ti biagmo. Napategka ngamin kaniak gapu ta itan-okka ken ay-ayatenka.

Isaias 45:14

Kuna ni Yahweh iti Israel, “Kukuamto ti kinabaknang ti Egipto ken Etiopia, tagabuemto dagiti natatayag a tattao ti Seba; sikakawardanto a sumursurot kenka. Agrukbabdanto kenka ket kunada, ‘Adda ti Dios kenka, is-isu laeng ti Dios.

Isaias 49:23

Dagitinto ar-ari ti pannakaamam; ket dagitinto reyna ti pannakainam. Agrukbabdanto iti sangoanam, sipapakumbabadanto nga agraem kenka. Iti kasta, maammoanyonto a siak ni Yahweh; awanto ti mapaay a dumawat iti tulongko.”

Isaias 60:14

Umayto dagiti annak dagiti namarparigat kenka, ket agruknoydanto a mangipakita iti panagraemda. Agdaydayawto iti sakaanam dagidi amin a nanglalais kenka. Awagandakanto iti ‘Ti siudad ti Apo,’ ‘Sion, ti Siudad ti Nasantoan a Dios ti Israel.’

San Juan 17:23

Addaak kadakuada ket addaka kaniak tapno naan-anay ti panagmaymaysada. Iti kasta, maammoan ti lubong nga imbaonnak ken kasta met nga ay-ayatem ida a kas iti panagayatmo kaniak.

Paltiing 2:9

Ammok dagiti pakariribukam. Ammok met a napanglawka, ngem iti kinapudnona, nabaknangka! Ammok pay dagiti pammadpadakes kenka dagiti agkunkuna a Judioda uray no saan met. Maysada a bunggoy nga agdaydayaw ken ni Satanas.

1 Samuel 2:36

Kasapulan a dumatagto iti pinilik ti amin a makalasat a kaputotam ket dumawatdanto kenkuana iti kuarta ken makan. Agpakpakaasidanto kenkuana a mapalubosanda koma a tumulong kadagiti papadi tapno adda kanenda.”