Paltiing 3:8 - Ti Baro a Naimbag a Damag Biblia

⁸ Ammok dagiti aramidmo. Kitaem, nangikabilak iti sangom iti silulukat a ruangan nga awan ti makairikep. Ammok a bassit ti pannakabalinmo. Nupay kasta, tinungpalmo ti pannursurok ket nagtalinaedka a napudno kaniak.

Ti Biblia (1973)

⁸ Siac ammoc dagiti ar-aramidmo: (adtoy, incabilco iti sangoanam ti maysa a ruangan a silulucat, isu nga awan ti macairikepto; ta adda bassit a pannacabalinmo, ket sinalimetmetam ti saoc, ket dica naglibacan ti naganco.

Paltiing 3:8 Iomraidhean Croise

Dagiti Proverbio 30:9

No adu ti sanikuak, amangan no ibagak a saankan a masapul. Ngem no napanglawak, amangan no agtakawak ket ibabainko ti nagan ti Diosko.

Daniel 11:34

Addanto tumulong kadakuada bayat ti panagpapatay, nupay dakes ti panggep ti kaaduan a timmipon kadakuada.

San Lucas 12:9

Ngem ti mangilibak kadagiti tattao iti pannakikaduana kaniak, ilibakto met ti Anak ti Tao kadagiti angheles ti Dios.

San Juan 15:20

Laglagipenyo ti imbagak kadakayo: ‘Saan a natantan-ok ti adipen ngem ti apona.’ No indadanesdak, idadanesdakayto met. No tinungpalda ti saok, tungpalendanto met ti saoyo.

San Juan 17:6

“Impakaammoka kadagiti tattao nga intedmo kaniak ditoy lubong. Kukuam ida, ket intedmo ida kaniak. Tinungpalda ti saom,

Dagiti Aramid 14:27

Idi sumangpetda idiay Antiokia, inurnongda dagiti kamkameng ti iglesia. Sinaritada ti amin nga inaramid ti Dios babaen kadakuada ken no kasano ti pananglukat ti Dios iti dalan tapno mamati dagiti Hentil.

1 Taga-Corinto 16:9

Nupay adu ti kabusor, adda napudpudno a gundaway nga agpaay iti naindaklan ken nabunga a trabaho.

2 Taga-Corinto 2:12

Idi dumtengak idiay Troas tapno ikasabak ti Naimbag a Damag maipapan ken ni Cristo, natakuatak a linuktan ti Apo ti dalan nga agpaay iti trabaho sadiay.

Taga-Filipos 4:13

Kabaelak a sarangten ti aniaman a banag babaen iti pannakabalin nga ited kaniak ni Cristo.

Taga-Colosas 4:3

Ikarkararagandakami met tapno ikkannakami ti Dios iti nasayaat a gundaway a mangasaba ken mangipakaammo iti palimed maipapan ken ni Cristo. Ta daytoy ti gapuna nga addaak ita iti pagbaludan.

1 Timoteo 5:8

Ngem no adda saan a mangasikaso kadagiti kabagianna, nangruna dagiti kameng ti familiana, tinallikudannan ti pammati, ket dakdakes pay ngem ti saan a mamati.

2 Timoteo 4:7

Inaramidko ti amin a kabaelak iti salisal. Nadanonkon ti pagpatinggaan ti lumba. Nagtalinaedak iti pammati.

San Judas 1:4

Ta nakastrek a ditay nadnadlaw ti sumagmamano a tattao nga awanan Dios. Balballikugenda ti mensahe maipapan iti parabur ti Diostayo. Aramatenda ti sao ti Dios a panglinged kadagiti kinaderrepda. Dida bigbigen ni Jesu-Cristo a kakaisuna a Maestro ken Apotayo. Nabayagen nga impakaammo ti Nasantoan a Surat daytoy a pannakailunodda.

Paltiing 2:13

Ammok ti pagnaedam—ti lugar a yan ti trono ni Satanas. Nupay kasta, nagtalinaedka a napudno kaniak. Dimo tinallikudan ti pammatim kaniak uray idi tiempo ni Antipas a mapagtalkan a saksik a napapatay iti daydiay a pagtaengan ni Satanas.

Paltiing 2:2

Ammok dagiti aramidmo, dagiti panagbannog ken ti naanus a panagibturmo. Ammok a dimo maanusan dagiti dakes a tattao. Sinuotmo dagiti agpampamarang nga apostoles, ket natakkuatam nga ulbodda.

Paltiing 22:7

Umayakon! Nagasat dagiti agtungpal kadagiti padto a nailanad iti daytoy a libro!”

Paltiing 3:1

Ket kinunana kaniak, “Kastoy ti isuratmo iti anghel ti iglesia idiay Sardis: “Daytoy ti mensahe nga aggapu iti addaan kadagiti pito nga espiritu ti Dios ken kadagiti pito a bituen: Ammok dagiti aramidmo. Ammok nga agdindinamag a sibibiagka, ngem ti kinapudnona, nataykan!

Paltiing 3:10

Agsipud ta tinungpalmo ti bilinko, nga anusam nga ibturan ti panagsagaba, aywanankanto met inton dumteng ti riribuk a pakasuotan ti amin a tao iti sangalubongan.

Paltiing 3:15

Ammok ti ar-aramidem. Ammok a saanka a nalamiis wenno napudot. Tarigagayak unay a nalamiis wenno napudotka koma.

Paltiing 3:7

“Kastoy ti isuratmo iti anghel ti iglesia idiay Filadelfia: “Daytoy ti mensahe ti nasantoan ken napudno. Ig-iggamanna ti tulbek a kukua idi ni David. No adda ilukatna, awan ti makairikep, ket no adda rikpanna, awan ti makailukat. Kunana: