Paltiing 3:7 - Ti Baro a Naimbag a Damag Biblia

⁷ “Kastoy ti isuratmo iti anghel ti iglesia idiay Filadelfia: “Daytoy ti mensahe ti nasantoan ken napudno. Ig-iggamanna ti tulbek a kukua idi ni David. No adda ilukatna, awan ti makairikep, ket no adda rikpanna, awan ti makailukat. Kunana:

Ti Biblia (1973)

⁷ Ket isuratmo iti angel ti Iglesia sadi Filadelfia: Dagitoy a banbanag cuna ti santo, ti napudno, ti addaan ti tulbec ni David, ti manglucat, ket awan ti macapunit, ken ti mangpunit ket awan ti macalucat:

Paltiing 3:7 Iomraidhean Croise

Ti Libro ni Job 11:10

No tiliwennaka ti Dios ket isaklangnaka, siasino ti makalapped kenkuana?

Ti Libro ni Job 12:14

No agrakrak ti Dios, siasino ti makaipatakder iti rinakrakna? siasino ti makawayawaya iti tao nga ibaludna?

Dagiti Salmo 145:17

Nalinteg ti Apo iti amin a dalanna ken naasi iti amin nga aramidna.

Dagiti Salmo 16:10

Ngamin, iti bileg ni patay salaknibannak, ket iti lubong dagiti natay, dimo bay-an nga agrupsa ti ay-ayatem.

Dagiti Salmo 89:18

Sika ti nangpili iti mangsalaknib kadakami; sika a Santo ti Israel ti nangted iti arimi.

Isaias 22:22

Itedkonto kenkuana ti naan-anay a turay iti babaen ti ari a kaputotan ni David. Addanto kenkuana dagiti tulbek ti ofisina. Aniaman a luktanna, awan ti makaiserra. Aniaman a serraanna, awan ti makalukat.

Isaias 30:11

Aglisikayo ket didakami bibiangan. Dimi kayat a denggen ti sasaoyo maipapan iti ‘Nasantoan a Dios ti Israel.’”

Isaias 41:14

Kuna ni Yahweh, “Israel, uray no bassit ken nakapuyka, saanka nga agbuteng ta tulonganka. Siak a Nasantoan a Dios ti Israel, siak ti mannubbotmo.

Isaias 41:16

Ipurruakmonto ida iti ngato ket mayanginda; ti bagio ti mangiwarwara kadakuada. Ngem naragsakkanto ta siak ti Diosmo; siak a Nasantoan a Dios ti Israel, idaydayawnakto.

Isaias 41:20

Makitanto daytoy dagiti tattao ket maammoanda a siak, ni Yahweh, ti akin-aramid. Maawatanda a ti Nasantoan a Dios ti Israel ti nangaramid iti daytoy.”

Isaias 47:4

Wayawayaannatayo ti Nasantoan a Dios ti Israel— Yahweh a Mannakabalin-amin ti naganna!

Isaias 48:17

Ti Nasantoan a Dios ti Israel, ni Yahweh a nangisalakan kadakayo, kunana: “Siak ni Yahweh a Diosyo, ti mangisuro kadakayo iti pagimbaganyo ken mangidalan iti rumbeng a papananyo.

Isaias 49:7

Kuna ti Nasantoan a Dios ken mangisalakan iti Israel iti tao a mauy-uyaw unay, gurguraen dagiti nasion ken adipen dagiti agtuturay: “Makitadakanto dagiti ar-ari ket tumakderda a mangipakita iti panagraemda kenka. Makitanto met daytoy dagiti prinsipe, ket agtameddanto a mangpadayaw kenka.” Matungpalto daytoy gapu ta pinili ti Apo ti adipenna; tungpalen ti nasantoan a Dios ti Israel dagiti karina.

Isaias 54:5

Kaslanto maysa nga asawa ti pannakilangen kenka ti Namarsua— Apo a Mannakabalin-amin ti naganna. Isalakannakanto ti Nasantoan a Dios ti Israel— isu ti agturay iti entero a lubong.

Isaias 55:5

Ayabamto dagiti ganggannaet a nasion; saandaka idi nga am-ammo, ngem ita, agtataraydan nga umay tumipon kenka. Siak, ni Yahweh a Diosmo, ti Nasantoan a Dios ti Israel, ti mangaramidto kadagitoy, ket ikkankanto iti dayaw ken dayag.”

Isaias 6:3

Ipukpukkawda iti tunggal maysa: “Santo, santo, santo! Nasantoan ti Apo a Mannakabalin-amin! Napno ti lubong iti dayagna.”

San Mateo 16:19

Itedkonto kenka dagiti tulbek ti Pagarian ti Langit. Ti aniaman nga iparitmo ditoy daga, maiparitto met sadi langit. Ket ti aniaman nga ipalubosmo ditoy daga, maipalubosto met sadi langit.”

San Mateo 24:35

Mapukawto ti langit ken ti daga, ngem pulos a dinto mapukaw dagiti saok.”

San Marcos 1:24

“Ania ti gagaram kadakami, Jesus a taga-Nazaret?” inyikkisna. “Immayka kadi a mangdadael kadakami? Am-ammoka: sika ti nasantoan nga imbaon ti Dios!”

San Lucas 1:32

Naindaklanto. Maawaganto iti Anak ti Kangatoan. Pagbalinento ni Apo Dios nga ari, a kas ken ni David a kapuonanna.

San Lucas 4:34

“Ania ti kayatmo kadakami, Jesus a taga-Nazaret?” kinunana. “Umaynakami kadi dadaelen? Am-ammoka! Sika ti Nasantoan nga imbaon ti Dios.”

San Juan 14:6

“Siak ti dalan, ken ti pudno, ken ti biag; awan ti makapan iti Ama no di magna kaniak,” insungbat ni Jesus.

Dagiti Aramid 3:14

Wen, linaksidyo ti Nasantoan ken Nalinteg. Dinawatyo ketdi a wayawayaan ni Pilato ti maysa a mammapatay.

1 Juan 5:20

Ammotayo nga immayen ti Anak ti Dios, ket inikkannatayo iti pannakaawat tapno maammoantayo daydiay a pudno. Addatayo kenkuana a pudno, wen, addatayo ken ni Jesu-Cristo nga Anakna. Isu ti pudno a Dios ken ti biag nga agnanayon.

Paltiing 1:11

“Isuratmo ti maipapan kadagiti makitam,” kinunana, “ket ipaw-itmo ti nakaisuratanda kadagiti pito nga iglesia: idiay Efeso, Esmirna, Pergamo, Tiatira, Sardis, Filadelfia ken Laodicea.”

Paltiing 1:18

Siak ti sibibiag! Natayak idi, ngem kitaem, sibibiagak iti agnanayon nga awan inggana. Adda kaniak dagiti tulbek ni Patay ken ti Hades.

Paltiing 1:5

Aggapu pay ken ni Jesu-Cristo a mapagtalkan a saksi, inauna nga Anak a nagungar ken kangatoan kadagiti agtuturay iti lubong. Ay-ayatennatayo ni Jesu-Cristo, ket winayawayaannatayo kadagiti basbasoltayo babaen iti ipapatayna.

Paltiing 15:3

Ket kankantaenda ti kanta ni Moises nga adipen ti Dios, ken ti kanta ti Kordero: “Apo Dios a Mannakabalin-amin Natan-ok ken nakaskasdaaw dagiti aramidmo! Ari dagiti pagilian. Nalinteg ken napudno dagiti dalanmo!

Paltiing 16:7

Nangngegko ti timek a naggapu iti altar: “Apo Dios a Mannakabalin-amin, awan duadua a napudno ken nalinteg dagiti panangukommo!”

Paltiing 19:11

Naglukat ti langit ket nakitak ti maysa a puraw a kabalio. Adda nakasakay. Maaw-awagan iti Matalek ken Napudno agsipud ta nalinteg ti panangukom ken pannakigubatna.

Paltiing 19:2

Nalinteg ken rumbeng dagiti panangukomna. Dinusana ti agdindinamag nga immoral a babai a nangmulit iti daga babaen iti kinaderrepna. Dinusa ti Dios agsipud ta pinatayna dagiti adipen ti Apo.”

Paltiing 2:1

“Kastoy ti isuratmo iti anghel ti iglesia idiay Efeso: “Daytoy ti mensahe nga aggapu iti mangig-iggem kadagiti pito a bituen iti makannawan nga imana ken agpagnapagna iti nagbabaetan dagiti pito a pagsilawan a balitok:

Paltiing 21:5

Kinuna ti nakatugaw iti trono, “Pabaroekon ti amin a banag!” Kinunana pay kaniak, “Isuratmo daytoy: Mapangnamnamaan ken pudno dagitoy a sao.”

Paltiing 3:14

“Kastoy ti isuratmo iti anghel ti iglesia idiay Laodicea: “Daytoy ti mensahe nga aggapu ken ni Amen, ti matalek ken napudno a saksi, ti pangrugian ti amin a pinarsua ti Dios:

Paltiing 4:8

Innem ti payak ti tunggal maysa kadagiti sibibiag a parsua, ket mata amin iti uneg ken ruar ti payak. Aldaw-rabii nga awan sardengda a mangikankanta: “Santo, santo, santo, ni Apo Dios a Mannakabalin-amin, Isu nga adda idi, adda ita ken umayto.”

Paltiing 5:9

Kinantada ti maysa a baro a kanta: “Maikarika a mangala iti nalukot a pagbasaan Ken mangikkat kadagiti timbre. Ta napapatayka ket babaen iti ipapataymo, sinubbotmo dagiti tattao a maipaay iti Dios, Manipud iti tunggal tribu, pagsasao, nasion ken puli,

Paltiing 6:10

Impukkawda, “Kangatoan nga Apo, nasantoan ken napudno! Kasano pay kabayag ti panaguraymi? Kaano ti panangukom ken panangdusam kadagiti tattao a pimmatay kadakami?”