Paltiing 3:5 - Ti Baro a Naimbag a Damag Biblia

⁵ Kastoyto ti pannakakawes ti agballigi, ket diakto punasen ti naganna iti libro ti biag. Ipaduyakyakkonto ti naganna iti sangoanan ni Amak ken dagiti anghelesna nga isu ket kukuak.

Ti Biblia (1973)

⁵ Ti agbal-liginto castoyto a macawesan cadagiti pagananay a puraw; ket uray caano diacto punasen ti naganna iti libro ti biag, no di ket ipaduyacyacconto ti naganna iti sangoanan ni Amac ken dagiti angelna.

Paltiing 3:5 Iomraidhean Croise

Dagiti Salmo 109:13

Matay koma amin a kaputotanna, ket malipatan ti naganna iti sumaruno a kaputotan.

Dagiti Salmo 69:28

Iti libro dagiti sibibiag mapunas koma ti naganda; iti listaan dagiti tattaom, mailaksidda koma.

Malakias 3:17

“Agbalindanto a tattaok,” kuna ni Yahweh a Mannakabalin-amin. “Inton aldaw nga aggunayak, kukuakto ida. Kaasiakto ida a kas iti panangngaasi ti ama iti anak nga agserserbi kenkuana.

San Mateo 10:32

“Siasinoman a mangipaduyakyakto kaniak, ipaduyakyakkonto met iti imatang ni Amak sadi langit.

San Lucas 10:20

Ngem saankayo koma nga agragsak gapu ta agtulnog dagiti dakes nga espiritu kadakayo. Agragsakkayo ketdi ta naisurat dagiti nagnaganyo sadi langit.”

San Lucas 12:8

“Ibagak kadakayo: Ti mangipakaammo kadagiti tattao iti pannakikaduana kaniak, kastanto met ti aramiden ti Anak ti Tao iti imatang dagiti angheles ti Dios.

Deuteronomio 9:14

Dinak lapdan. Panggepko a dadaelen ida tapno awanen ti makalagip kadakuada. Kalpasanna, pagbalinenkanto nga ama ti maysa a nasion a dakdakkel ken nabibileg ngem isuda.’

Taga-Filipos 4:3

Kasta met kenka a mapagtalkan a katulongak, kayatko a tulongam dagitoy dua a babbai. Impasnekda ti timmulong kaniak iti pannakaisaknap ti ebanghelio, agraman ni Clemente ken dagiti amin a katrabahoak a nailanad ti naganda iti libro ti biag.

San Judas 1:24

Madaydayaw koma ti Dios a mangaywan kadakayo tapno saankayo a matnag. Isu met ti mangidatag kadakayo a sidadalus ken siraragsak iti sangoananna. Iti maymaysa a Dios a Mangisalakan kadatayo babaen ken ni Apotayo a Jesu-Cristo, maited koma ti dayag, tan-ok, pannakabalin ken turay, manipud idi ugma, ita, ken iti agnanayon! Amen.

Paltiing 13:8

Agdaydayawto kenkuana dagiti amin a tattao iti rabaw ti daga, malaksid dagiti naisurat ti naganda iti libro ti biag sakbay a naparsua ti lubong. Daytoy a libro kukua ti napapatay a Kordero.

Paltiing 17:8

Sibibiag idi ti nakitam nga animal ngem ita, natayen. Dandani rummuaren iti nakaun-uneg a yuyeng ket agturong iti pannakadadael. Dagiti tattao nga agbibiag iti daga a saan a naisurat ti naganda iti libro ti biag sakbay ti pannakaparsua ti lubong, masdaawdanto a makakita iti narungsot nga animal. Sibibiag idi ket ita, natayen, ngem agparangto manen.

Paltiing 19:8

nakawesan iti nadalus ken nasileng a de lana.” (Ti de lana isu dagiti nalinteg nga aramid dagiti tattao ti Dios.)

Paltiing 2:11

“No adda pannakaawatyo, denggenyo ngarud ti sao ti Espiritu kadagiti iglesia: “Ti agballigi, malisiannanto ti maikadua nga ipapatay.”

Paltiing 2:7

“No adda pannakaawatyo, denggenyo ngarud ti sao ti Espiritu kadagiti iglesia: “Ti agballigi, ikkakto iti kalintegan a mangan iti bunga ti kayo ti biag nga adda iti minuyongan ti Dios.”

Paltiing 20:12

Nakitak dagiti natay, natan-ok ken nanumo, nga agtatakder iti sangoanan ti trono. Naluktan dagiti libro ken ti sabali a libro, ti libro ti biag. Naukom dagiti natay segun ti inaramidda a kas naisurat kadagiti libro.

Paltiing 20:15

Ditoy a dan-aw ti apuy ti nakaitappuakan dagiti awan naganna iti libro ti biag.

Paltiing 21:27

Ngem saanto a makastrek sadiay ti uray ania a saan a nadalus iti imatang ti Dios, ti siasinoman nga agar-aramid iti nakababain ken dagiti naulbod. Dagitinto laeng naisurat ti naganna iti libro ti biag nga adda iti ikut ti Kordero ti makastrek iti siudad.

Paltiing 22:19

Ket no adda mangikkat iti aniaman kadagiti padto a naisurat iti daytoy, ikkatento met ti Dios ti kalinteganna a mairanud iti kayo ti biag. Ikkatento pay ti Dios ti kalinteganna a mairaman iti Nasantoan a Siudad kas nailanad iti daytoy a libro.

Paltiing 3:12

“Ti agballigi, pagbalinekto a maysa kadagiti adigi iti templo ti Diosko, ket agyanto sadiay iti agnanayon. Ikitikitkonto kenkuana ti nagan ti Diosko ken ti nagan ti siudad ti Diosko, ti baro a Jerusalem a bumabanto manipud langit ken aggapu iti Diosko. Ikitikitkonto met kenkuana ti baro a naganko.

Paltiing 3:4

“Ngem ti sumagmamano kadakayo dita Sardis, pinagtalinaedyo a nadalus ti pagan-anayyo. Makipagnakayto kaniak a sikakawes iti puraw ta maikarikayo.

Paltiing 6:11

Naikkan ti tunggal maysa iti puraw a kagay. Naibaga kadakuada nga aginanada pay bassit agingga a madanon ti naikeddeng a bilang dagiti padada nga adipen ken kakabsat a mapapatay a kas kadakuada.

1 Samuel 17:25

“Kitaenyo!” kinunada iti tunggal maysa. “Denggenyo ti karitna. Gunggonaan ti ari ti siasinoman a makapatay iti dayta a tao. Yasawana ti anakna kenkuana ket dina pagbuisen ti familia ni tatangna.”