Paltiing 3:3 - Ti Baro a Naimbag a Damag Biblia

³ Ngarud, laglagipem dagiti nasursuro ken nangngegmo. Tungpalem ida ket agbabawika kadagiti basbasolmo. No dika agriing, umayakto kenka a kas iti mannanakaw—dimonto ammo no ania ti oras nga isasangpetko.

Ti Biblia (1973)

³ Lagipem ngarud no casano ti panangawat ken panagdengngegmo; ket aywanam, ket agbabawica. No saancanto ngarud nga agsalucag, umayacto a cas la mannanacaw, ket dicanto ammo no ania nga horas ti iyaayco kenca.

Paltiing 3:3 Iomraidhean Croise

Ezekiel 20:43

Malagipyonton ti amin a nakababain nga inar-aramidyo ken ti panangtulawyo kadagiti bagbagiyo. Karurodyonto dagiti bagbagiyo gapu kadagiti amin a kinadakes nga inaramidyo.

Ezekiel 36:31

Malagipyonto dagiti amin a dakes nga aramidyo ken dagiti biddutyo. Guraenyonto dagiti bagbagiyo gapu kadagiti basolyo ken dakes nga aramidyo.

San Mateo 25:13

Kamaudiananna, kinuna ni Jesus: “Agsaganakayo ngarud ta diyo ammo ti aldaw wenno ti oras.”

San Marcos 13:33

Agannadkayo. Agsaganakayo, ta diyo ammo no kaano a dumteng dayta a tiempo.

San Marcos 13:36

Wen, agsaganakayo amangan no sumangpet a kellaat ket madanonnakayo a matmaturog.

1 Taga-Tesalonica 5:2

Ammoyo unay a dumtengto ti Aldaw ti Apo, kas iti mannanakaw nga umay iti rabii.

1 Timoteo 6:20

Timoteo, aywanam a naimbag ti naitalek kenka. Adaywam dagiti saan a nadiosan a sarsarita ken minamaag a panagsusuppiat maipapan iti ibagbaga dagiti sumagmamano a tattao a “pannakaammo,” idinto a saan met a pannakaammo.

2 Timoteo 1:13

Surotem a kas pagwadan dagiti insurok kenka, ket agtaengka iti pammati ken ayat a kukuatayo iti pannakikaysatayo ken ni Cristo Jesus.

Hebreo 2:1

Rebbengtayo ngarud nga imutektekan a naimbag dagiti kinapudno a nangngegtayo tapno saantayo a mayaw-awan.

2 Pedro 1:13

Pagarupek a rebbengko nga ipalagip kadakayo dagitoy a bambanag bayat ti panagbiagko.

2 Pedro 3:1

Gagayyemko, maikaduan daytoy a suratko kadakayo. Kadagitoy dua a surat, pinanggepko a patibkeren dagiti pakinakemyo babaen iti panangipalpalagipko kadagitoy a bambanag kadakayo.

2 Pedro 3:10

Dumtengto ti Aldaw ti Apo a di mapakpakadaan, kas iti yaay ti mannanakaw. Iti dayta nga Aldaw, agpukawto dagiti langlangit a kagiddan ti napigsa a daranudor, ket matunaw iti apuy ti init, bulan ken dagiti bituen ket awanton ti daga ken amin a linaonna.

Paltiing 16:15

“Denggenyo, umayak a kasla mannanakaw! Nagasat ti tao a siririing ken di manguksob iti pagan-anayna tapno saan a lamolamo a magna ken saan a mabain kadagiti tattao.”

Paltiing 2:25

Ngem masapul a pagtalinaedenyo a natibker ti adda kadakayo agingga iti yaayko.

Paltiing 2:5

Laglagipem ti kasasaadmo idi sakbay ti pannakatnagmo. Agbabawika ket agbiagka a kas idi nangrugika a nagkristiano. Ta no saanka nga agbabawi, umaykonto ikkaten ti pagsilawam iti nakaisaadanna.

Paltiing 22:7

Umayakon! Nagasat dagiti agtungpal kadagiti padto a nailanad iti daytoy a libro!”

Paltiing 3:11

Umayak iti mabiit. Saluadam ngarud ti adda kenka tapno awan ti mangagaw iti gunggonam.

Paltiing 3:19

Babalawek ken dusaek ti amin nga ay-ayatek. Agregtaka ngarud ket agbabawika kadagiti basbasolmo.

Paltiing 3:2

Isut' gapuna nga agriingka ket papigsaem ti adda pay kenka sakbay a matayka a mamimpinsan. Ta masarakak nga adda pay la pagkurangan dagiti inar-aramidmo iti imatang ti Diosko.