Paltiing 3:18 - Ti Baro a Naimbag a Damag Biblia

¹⁸ Ngarud, ibalakadko kenka a gumatangka kaniak iti balitok a nagugoran iti apuy tapno bumaknangka. Gumatangka met iti puraw a pagan-anay a pagkawesmo tapno saan a makita ti nakababain a kinalamolamom. Gumatangka pay iti agas ta matam tapno makakitaka.

Ti Biblia (1973)

¹⁸ Ibalacadco kenca a gumatangca caniac iti balitoc a napasudi iti apuy, tapno bumacnangca coma; ken dagiti pagananay a puraw, tapno agcawesca, ket saan a maiparang ti nacababain a kinalamolamom; ken ti agas ti mata, tapno sapsapoam dagiti matam tapno macakitaca.

Paltiing 3:18 Iomraidhean Croise

Dagiti Salmo 107:11

gapu ta sinukirda dagiti bilin ti Dios, ket linaksidda ti pannursuro ti Kangatoan.

Dagiti Salmo 16:7

Idaydayawko ti Apo ta idaldalannak; iti rabii patigmaanannak ti konsensiak.

Dagiti Salmo 32:8

Kuna ni Yahweh, “Idalanka iti rumbeng a pagnaam; isuroka ken inka balakadan.

Dagiti Salmo 73:24

Idaldalannak, babaen kadagiti pamagbagam ket iti kamaudiananna, awatennak babaen iti pammadayaw.

Dagiti Proverbio 1:25

Diyo intaltalek dagiti pammagbagak ket diyo impalubos nga aturenkayo.

Dagiti Proverbio 1:30

Diyo inawat ti pammagbagak ket dikay nangikaskaso idi binabalawkayo.

Dagiti Proverbio 19:20

No dumngegka iti pammagbaga ket siaayatka nga umawat iti pannursuro, addanto aldaw a sumiribka.

Dagiti Proverbio 23:23

Kinapudno, kinasirib, sursuro ken naimbag a nakem—maikarida a paggastoan ngem napategda unay ket dimo kayat nga ilako.

Eclesiastes 8:2

Tungpalem ti ibaga ti ari ket amirisem nga umuna ti ikarim iti Dios.

Isaias 47:3

Makitadanto ti kinalamolamom a kas babai a tagabu, maimatangandanto ti pannakaipababa ken pannakaibabainmo. Agibalesakto ket awan ti makaatipa.”

Isaias 55:1

Kuna ti Apo, “Umaykayo, dakay amin a mawaw— adtoy ti danum! Umaykayo, dakayo nga awan kuartana— gumatangkay iti taraon ket mangankayo! Umaykayo gumatang iti arak ken gatas— gumatangkay ngem awan ti bayadanyo.

Jeremias 13:26

Uksobento ti Apo ti pagan-anayyo, ket ibabainnakayto.

Daniel 12:2

Adunto kadagiti natay ti agbiagto manen. Agbiagto iti agnanayon ti dadduma kadakuada, ket dagiti dadduma, iti agnanayon a pannakaibabain.

Mikias 1:11

Tattao ti Safir, inkayo iti sabali a daga. Inkayo a silalamolamo ket nakababain ti kasasaadyo. Awan ti makaruar a sibibiag kadagiti umili ti Zaanan. Inton mangngegyo ti panagdung-aw dagiti tattao ti Bet-ezel, maammoanyo nga awan pagkamangan sadiay.

Nahum 3:5

Kuna ni Yahweh a Mannakabalin-amin, “Dusaenkanto, Nineve! Labusankanto tapno makitadaka dagiti pagilian ket maimatanganda ti amin a pakaibabainam.

Malakias 3:3

Umayto a mangukom, ket dalusannanto dagiti papadi a kas iti pannakagugor ti pirak ken ti balitok tapno idatagda iti Apo ti umisu a daton.

San Mateo 13:44

“Mayarig ti Pagarian ti Langit iti kastoy: Adda tao a nakasarak iti gameng a naikali iti maysa a talon. Gaburanna met laeng ket iti ragsakna, mapanna ilako amin a sanikuana sa agsubli tapno gatangenna dayta a talon.”

San Mateo 25:9

“‘Saan!’ insungbat dagiti masirib. ‘Amangan no awan ti umanay a para kadatayo amin. Inkay la gumatangen iti para kadakayo.’

San Lucas 12:21

Ket inggibus ni Jesus, “Kastanto ti pagbanagan dagiti agurnong iti adu a sanikua nga agpaay kadakuada, ngem napanglawda iti imatang ti Dios.”

2 Taga-Corinto 5:3

Iti kasta a pannakakawestayo, saantayton a lamolamo.

2 Taga-Corinto 8:9

Ammoyo ti parabur ni Apotayo a Jesu-Cristo: Idinto a nabaknang, nagbalin a napanglaw gapu kadakayo tapno pabaknangennakayo babaen iti kinapanglawna.

1 Timoteo 6:18

Ibagam nga agaramidda iti naimbag, a bumaknangda kadagiti nasayaat nga aramid, a managparaburda ken siaayatda a mangted kadagiti sabali.

Santiago 2:5

Dumngegkayo, ingungotek a kakabsat! Dagiti napanglaw ditoy lubong ti pinili ti Dios tapno mapabaknang ti pammatida ken agbalinda a kameng ti Pagarian nga inkarina kadagiti agayat kenkuana.

1 Pedro 1:7

Nairanta dagitoy a pangpaneknek iti kinapudno ti pammatiyo. Uray pay ti balitok a madadael, magugoran iti apuy. Ket ti pammatiyo a napatpateg ngem balitok, masapul met a masuot tapno mataginayon. Iti kasta, awatenyonto ti dayaw, dayag ken tan-ok inton maiparangarang ni Jesu-Cristo.

Paltiing 16:15

“Denggenyo, umayak a kasla mannanakaw! Nagasat ti tao a siririing ken di manguksob iti pagan-anayna tapno saan a lamolamo a magna ken saan a mabain kadagiti tattao.”

Paltiing 19:8

nakawesan iti nadalus ken nasileng a de lana.” (Ti de lana isu dagiti nalinteg nga aramid dagiti tattao ti Dios.)

Paltiing 2:9

Ammok dagiti pakariribukam. Ammok met a napanglawka, ngem iti kinapudnona, nabaknangka! Ammok pay dagiti pammadpadakes kenka dagiti agkunkuna a Judioda uray no saan met. Maysada a bunggoy nga agdaydayaw ken ni Satanas.

Paltiing 3:17

“Kunam a nabaknang ken narang-ayka ket adda amin a masapulmo. Ngem dimo ammo a daksanggasat ken kakaasika. Napanglawka. Lamolamoka. Bulsekka.

Paltiing 4:4

Iti aglikmut ti trono, adda duapulo ket uppat a sabali a trono a pagtugtugawan ti duapulo ket uppat a panglakayen a nakakawes iti puraw ken nakakorona iti balitok.

Paltiing 7:13

Sinaludsod kaniak ti maysa kadagiti panglakayen, “Siasino dagitoy a tattao a nakakawes iti puraw? Sadino ti naggapuanda?”