Paltiing 3:15 - Ti Baro a Naimbag a Damag Biblia

¹⁵ Ammok ti ar-aramidem. Ammok a saanka a nalamiis wenno napudot. Tarigagayak unay a nalamiis wenno napudotka koma.

Ti Biblia (1973)

¹⁵ Siac ammoc dagiti ar-aramidmo, a saanca a nalamiis ket saanca met a napudot. Siac cayatco coma a nalamiisca wenno napudotca.

Paltiing 3:15 Iomraidhean Croise

1 Ar-ari 18:21

Immasideg ni Elias kadagiti tattao ket kinunana, “Kaano nga ikkatenyo ti panagduaduayo? No ti Apo ti Dios, agdaydayawkayo kenkuana; ngem no ni Baal isu ti Dios, agdaydayawkayo kenkuana!” Ngem pulos nga awan ti nasao dagiti tattao.

Dagiti Proverbio 23:26

Anakko, tantandaanam ti saok ket pagulidanam ti panagbiagko.

Oseas 10:2

Ngem manangallilaw dagiti Israelita, ket ita, masapul nga agsagabada gapu kadagiti basbasolda. Rebbaento ti Apo dagiti altarda; dadaelennanto dagiti baton-lagip nga adigida.

Oseas 7:8

Kuna ti Apo, “Arig dagiti tattao ti Israel iti kankanen a nakusel. Agpannurayda kadagiti pagilian iti lawlawda

San Mateo 10:37

“Ti dakdakkel ti panagayatna iti amana wenno iti inana ngem ti panagayatna kaniak, saan a maikari nga agbalin nga adalak; ti dakdakkel ti panagayatna kadagiti annakna ngem ti panagayatna kaniak, saan a maikari nga agbalin nga adalak.

San Mateo 24:12

Kastanto ti panagsaknap ti kinadakes, ket ti ayat dagiti adu a tattao lumamiisto.

San Mateo 6:24

“Awan ti makapagserbi iti dua nga appo: ta guraenna ti maysa ket ayatenna ti sabali, wenno agserbi a sipupudno iti maysa ket umsienna ti sabali. Diyo mapaggiddan a pagserbian ti Dios ken ti sanikua.”

Taga-Roma 12:11

Ipasnekyo ti agtrabaho, ket dikay agsadsadut. Ipapusoyo ti agserbi iti Apo.

1 Taga-Corinto 16:22

Mailunod koma ti siasinoman a di agayat iti Apo! Maranatha—Umayka, Apomi!

2 Taga-Corinto 12:20

Agamakak amangan no inton sumangpetak dita, masangpetankayo a maisupadi iti kayatko a pagbalinanyo ket masarakandak met a maigiddiat iti kayatyo a pagbalinak. Agamakak amangan no masangpetak nga agaapa ken agiinnimonkayo; agpipinnudot; agiinnimut; agiinninsulto ken agpipinnadakeskayo; agtitinnangsit ken kanayon nga awan urnosyo.

Deuteronomio 5:29

No kasta la koma a kanayon ti panagpampanunotda! Kanayon la koma nga agbutengda kaniak ken agtulnogda kadagiti amin a bilinko tapno nasayaatto latta ti kasasaadda ken dagiti kaputotanda.

Taga-Filipos 1:9

Ikararagko a dumakkel koma a dumakkel ti ayatyo agraman pudno a pannakaammo ken naan-anay a pannakaawat

2 Taga-Tesalonica 1:3

Kakabsat, masapul a kanayon nga agyamankam iti Dios gapu kadakayo. Tumutop a kastoy ti aramidenmi agsipud ta rumangrang-ay ti pammatiyo ken dumakdakkel ti panagayatyo iti tunggal maysa.

1 Pedro 1:22

Babaen iti panagtungpalyo iti kinapudno, napakawan dagiti basbasolyo ket nadalusankayo. Gapu ta addan pudno a panagayatyo kadagiti kakabsatyo iti pammati, agiinnayatkayo ngarud iti amin a pusoyo.

Paltiing 2:2

Ammok dagiti aramidmo, dagiti panagbannog ken ti naanus a panagibturmo. Ammok a dimo maanusan dagiti dakes a tattao. Sinuotmo dagiti agpampamarang nga apostoles, ket natakkuatam nga ulbodda.

Paltiing 2:4

Ngem daytoy ti diak kayat kenka: saannakon nga ay-ayaten a kas idi damo.

Paltiing 3:1

Ket kinunana kaniak, “Kastoy ti isuratmo iti anghel ti iglesia idiay Sardis: “Daytoy ti mensahe nga aggapu iti addaan kadagiti pito nga espiritu ti Dios ken kadagiti pito a bituen: Ammok dagiti aramidmo. Ammok nga agdindinamag a sibibiagka, ngem ti kinapudnona, nataykan!

Paltiing 3:16

Ngem agsipud ta saanka a napudot ket saanka met a nalamiis, ituprakanto!