Paltiing 3:14 - Ti Baro a Naimbag a Damag Biblia

¹⁴ “Kastoy ti isuratmo iti anghel ti iglesia idiay Laodicea: “Daytoy ti mensahe nga aggapu ken ni Amen, ti matalek ken napudno a saksi, ti pangrugian ti amin a pinarsua ti Dios:

Ti Biblia (1973)

¹⁴ Ket isuratmo iti angel ti Iglesia sadi Laodicea: Dagitoy a banbanag cuna ni Amen, ti mamanecnec a matalec ken napudno, ti poon ti pinarsua ti Dios:

Paltiing 3:14 Iomraidhean Croise

Genesis 49:3

“Ruben nga inauna, sika ti pigsak; wen, sika ti inauna a bungak, sika ti katangsitan ken kapigsaan kadagiti amin nga annakko.

Dagiti Proverbio 14:5

Ti mapagtalkan a saksi ibagana ti pudno, ngem ti natiri, pasig nga ulbod ti sawenna.

Dagiti Proverbio 8:22

“Siak ti immuna kadagiti pinarsua ti Apo; idi un-unana, addaakon a pinarsuana.

Isaias 55:4

Pinagbalinko a pangulo ken agturay kadagiti nasion; inaramatko a mangipakita kadakuada ti bilegko.

Isaias 65:16

Siasinoman nga agnaed iti daga nga agkiddaw a mabendisionan, agdawatto iti napudno a Dios. Siasinoman nga agsapata, pagsapatananto ti nagan ti napudno a Dios. Awanton dagiti riribuk iti napalabas ket malipatandanton.”

Jeremias 42:5

Kinunada kaniak, “Ti Apo a Diostayo ti agbalin a pudno ken matalek a saksi a maibusor kadakami no dimi tungpalen dagiti amin nga ibagana kenka nga aramidenmi.

San Juan 1:3

Pinarsua ti Dios dagiti isuamin babaen kenkuana. Ket awan ti naparsua no saan a gapu kenkuana.

San Juan 8:14

“Uray no saksiak ti bukodko a bagi,” insungbat ni Jesus, “pudno ti ibagbagak ta ammok ti naggapuak ken ti papanak. Diyo ammo ti naggapuak ken ti papanak.

2 Taga-Corinto 1:20

ta isu ti pakatungpalan ti amin a kari ti Dios. Daytoy ti gapuna a no idaydayawtayo ti Dios, kunatayo iti “Amen” iti nagan ni Jesu-Cristo.

Deuteronomio 21:17

Masapul a doble ti bingay ti inauna uray no saan nga anak ti idumdumana nga asawa. Masapul a bigbigenna ti inauna nga anakna ket itedna ti bingayna kas ituyang ti linteg.

Taga-Colosas 1:15

Ni Cristo ti pudno a ladawan ti saan a makita a Dios. Isu ti inauna nga Anak, kayatna a sawen, katatan-okan kadagiti amin a parsua.

Taga-Colosas 1:18

Isu ti ulo ti bagina, kayatna a sawen, ti iglesia. Isu ti paggapuan ti biag ti bagi. Isu ti inauna nga Anak ti Dios. Napagungar tapno agbalin a kangatoan kadagiti amin.

Taga-Colosas 2:1

Kayatko a maammoanyo ti rigatko a nagtrabaho a tumulong kadakayo kasta met kadagiti taga-Laodicea ken amin a saan pay a nakakita kaniak.

Taga-Colosas 4:16

Kalpasan ti panangbasayo iti daytoy a surat, kitaenyo ta maibasa met iti iglesia idiay Laodicea. Kasta met a basaenyo ti surat nga aggapu kadagiti kakabsat iti Laodicea.

Paltiing 1:11

“Isuratmo ti maipapan kadagiti makitam,” kinunana, “ket ipaw-itmo ti nakaisuratanda kadagiti pito nga iglesia: idiay Efeso, Esmirna, Pergamo, Tiatira, Sardis, Filadelfia ken Laodicea.”

Paltiing 1:5

Aggapu pay ken ni Jesu-Cristo a mapagtalkan a saksi, inauna nga Anak a nagungar ken kangatoan kadagiti agtuturay iti lubong. Ay-ayatennatayo ni Jesu-Cristo, ket winayawayaannatayo kadagiti basbasoltayo babaen iti ipapatayna.

Paltiing 19:11

Naglukat ti langit ket nakitak ti maysa a puraw a kabalio. Adda nakasakay. Maaw-awagan iti Matalek ken Napudno agsipud ta nalinteg ti panangukom ken pannakigubatna.

Paltiing 2:1

“Kastoy ti isuratmo iti anghel ti iglesia idiay Efeso: “Daytoy ti mensahe nga aggapu iti mangig-iggem kadagiti pito a bituen iti makannawan nga imana ken agpagnapagna iti nagbabaetan dagiti pito a pagsilawan a balitok:

Paltiing 21:6

Kinunana pay, “Natungpalen! Siak ti Alfa ken ti Omega, ti pangrugian ken ti panungpalan. Siasinoman a mawaw, ikkakto iti kalintegan nga uminum iti ubbog ti danum ti biag.

Paltiing 22:13

Siak ti Alfa ken ti Omega, ti umuna ken ti maudi, ti pangrugian ken ti panungpalan.”

Paltiing 22:6

Kalpasanna, kinunana, “Napudno ken mapangnamnamaan dagitoy a sao. Ni Apo Dios a nangted iti Espirituna kadagiti profeta, isu ti nangibaon iti anghelna tapno ipakitana kadagiti adipenna met laeng ti masapul a mapasamak iti mabiit.

Paltiing 3:7

“Kastoy ti isuratmo iti anghel ti iglesia idiay Filadelfia: “Daytoy ti mensahe ti nasantoan ken napudno. Ig-iggamanna ti tulbek a kukua idi ni David. No adda ilukatna, awan ti makairikep, ket no adda rikpanna, awan ti makailukat. Kunana: