Paltiing 3:12 - Ti Baro a Naimbag a Damag Biblia

¹² “Ti agballigi, pagbalinekto a maysa kadagiti adigi iti templo ti Diosko, ket agyanto sadiay iti agnanayon. Ikitikitkonto kenkuana ti nagan ti Diosko ken ti nagan ti siudad ti Diosko, ti baro a Jerusalem a bumabanto manipud langit ken aggapu iti Diosko. Ikitikitkonto met kenkuana ti baro a naganko.

Ti Biblia (1973)

¹² Daydiay agbal-ligi aramidento nga isu ti maysa nga adigi iti templo ti Diosco, ket saanto a rummuaren sadiay; ket isuratconto kencuana ti nagan ti Diosco, ken ti nagan ti ciudad ti Diosco, ti baro a Jerusalem, isu a bumaba manipud langit, nga aggapu iti Diosco: ket isuratconto met kencuana ti baro a naganco.

Paltiing 3:12 Iomraidhean Croise

1 Ar-ari 7:21

Impatakder ni Hiram dagiti dua a bronse nga adigi iti sango ti pagserkan ti Templo. Napanaganan iti Jakin ti akin-abagatan nga adigi ket Boaz met ti akin-amianan.

Dagiti Salmo 46:4

Adda karayan a mangted rag-o iti siudad ti Dios, iti nasantoan a pagtaengan ti Kangatoan.

Dagiti Salmo 48:8

Nadamagmi dagiti aramid ti Dios, ket ita, nakitamin ida iti siudad ti Diostayo, ti Apo a Mannakabalin-amin; salaknibanna nga agnanayon ti siudad.

Dagiti Salmo 87:3

Denggem, O Siudad ti Dios, dagiti nakaskasdaaw nga ibagana maipapan kenka:

Isaias 62:2

Jerusalem, makitanto dagiti nasion ti panagballigim! Makitanto dagiti arida ti dayagmo. Addanto baro a naganmo, nagan nga ited a mismo ti Apo.

Isaias 65:15

Aramatento dagiti pinilik a tattao a pagilunod iti naganyo. Siak nga Apo Dios ti mangpapatayto kadakayo. Ngem ikkakto iti baro a nagan dagiti agtulnog kaniak.

Jeremias 1:18

Denggem, Jeremias: Busorendakanto dagiti amin a tattao ditoy daga, kasta met dagiti ari ti Juda, dagiti agtuturay, dagiti papadi ken dagiti tattao. Ngem parmekemto ida. Mayarigkanto iti nasarikedkedan a siudad. Kaskanto iti landok nga adigi ken bakud a bronse. Didakanto maparmek agsipud ta addaakto a mangsalaknib kenka. Daytoy ti sao ni Yahweh.”

Ezekiel 40:49

Uppat ket uppat a kadapan ti kaakaba ti kuarto a pagserkan ket 20 a pulgada ti kaunegna. Adda dagiti tukad nga umuli iti kuarto. Adda dua nga adigi nga agsumbangir iti pagserkan.

Ezekiel 48:35

Agdagup iti 9,000 a metro ti kaatiddog ti bakud a nanglikmut iti siudad. “Adda-Ditoy-ti-Apo” ti nagan ti siudad manipud idin.

San Marcos 12:16

Inikkanda iti bagi ti pirak. “Siasino ti akinladawan ken akinnagan iti daytoy?” sinaludsod ni Jesus. “Ti Emperador,” insungbatda.

Taga-Galacia 2:9

Binigbig da Santiago, Pedro ken Juan a maibilang a papangulo nga intalek ti Dios kaniak daytoy naisangsangayan a trabaho. Daytoy ti gapuna a linamanodakami ken ni Bernabe kas pakakitaan iti panagkakaduami. Nagaanamonganmi nga agtrabahokami kadagiti Hentil ket agtrabahoda met kadagiti Judio.

Hebreo 12:22

Immasidegkayo ketdi iti Bantay Sion ken iti siudad ti sibibiag a Dios, ti nailangitan a Jerusalem a yan dagiti rinibribu nga angheles.

Hebreo 13:14

Ta awan ti permanente a siudadtayo ditoy daga. Birbirokentayo ti maysa a siudad nga umayto iti masakbayan.

1 Juan 4:4

Ngem kukuanakayo ti Dios, annakko, ket naparmekyon dagiti sinan-profeta, agsipud ta nabilbileg ti Espiritu nga adda kadakayo ngem ti espiritu nga adda kadagiti taga-lubong.

Paltiing 14:1

Nakitak ti Kordero nga agtaktakder idiay Bantay Sion. Kaduana ti 144,000 a tattao a nasuratan ti mugingda iti nagan ti Kordero ken iti nagan ti Amana.

Paltiing 17:14

Gubatendanto ti Kordero, ngem parmekento ida ti Kordero ken dagiti naayaban, napili ken mapagtalkan a pasurotna agsipud ta isu ti Apo dagiti appo ken Ari dagiti ar-ari.”

Paltiing 2:11

“No adda pannakaawatyo, denggenyo ngarud ti sao ti Espiritu kadagiti iglesia: “Ti agballigi, malisiannanto ti maikadua nga ipapatay.”

Paltiing 2:17

“No adda pannakaawatyo, denggenyo ngarud ti kuna ti Espiritu kadagiti iglesia: “Ti agballigi, ikkakto iti naidulin a taraon. Ikkakto pay ti tunggal maysa iti puraw a bato a nakaimalditan ti baro a nagan nga awan ti makaammo malaksid ti umawat.”

Paltiing 2:7

“No adda pannakaawatyo, denggenyo ngarud ti sao ti Espiritu kadagiti iglesia: “Ti agballigi, ikkakto iti kalintegan a mangan iti bunga ti kayo ti biag nga adda iti minuyongan ti Dios.”

Paltiing 21:2

Ket nakitak ti Nasantoan a Siudad, ti baro a Jerusalem, a bumabbaba manipud langit nga aggapu iti Dios, a kas iti babai a nakawesan nga agkasar ken mangpadpadaan iti lalaki a mangikallaysa kenkuana.

Paltiing 22:4

Makitadanto ti rupana ket maisuratto ti naganna iti mugingda.

Paltiing 3:5

Kastoyto ti pannakakawes ti agballigi, ket diakto punasen ti naganna iti libro ti biag. Ipaduyakyakkonto ti naganna iti sangoanan ni Amak ken dagiti anghelesna nga isu ket kukuak.