Paltiing 3:11 - Ti Baro a Naimbag a Damag Biblia

¹¹ Umayak iti mabiit. Saluadam ngarud ti adda kenka tapno awan ti mangagaw iti gunggonam.

Ti Biblia (1973)

¹¹ Siac umayac iti madaras; salimetmetam a sititibker ti adda kenca, tapno awan ti mangala iti balangatmo.

Paltiing 3:11 Iomraidhean Croise

Sofonias 1:14

Asidegen ti naindaklan nga aldaw ni Yahweh—asideg unayen ket sipapardas nga umay! Nasaemto dayta nga aldaw, ta uray dagiti katurdan a soldado agsangitdanto iti kaawanen namnamada.

1 Taga-Corinto 9:25

Nainget ti disiplina ti tunggal makisalisal a mangsansanay iti bagina. Aramidenna daytoy tapno umawat iti korona a di agpaut. Ngem agtaraytayo tapno magun-odtayo ti korona nga agpaut iti agnanayon.

Taga-Filipos 4:5

Ipakitayo ti kinaanusyo kadagiti amin a tattao. Asidegen ti yaay ti Apo.

2 Timoteo 2:5

Ti makilumba saanna a magun-od ti premio no dina suroten amin a pagannurotan ti salisal.

2 Timoteo 4:8

Ita, agur-urayen kaniak ti gunggona ti balligi, ti korona ti kinalinteg nga ited ti Apo, ti nalinteg nga Ukom, iti dayta nga Aldaw—ket saan la nga agpaay kaniak no di ket kadagiti amin a siaayat nga agur-uray iti yaayna.

Santiago 1:12

Nagasat ti tao nga agtalinaed a natibker bayat ti pannakasuotna. Ngamin, no agballigi, awatennanto ti balangat ti biag nga inkari ti Dios kadagiti agayat kenkuana.

Santiago 5:9

Kakabsat, dikay agdidinnayamudom tapno dinakayto ukomen ti Dios. Asidegen ti Ukom ket sisasaganan a sumrek.

Paltiing 1:3

Nagasat ti mangbasa iti daytoy a libro. Nagasat met dagiti dumngeg kadagitoy naipadto a mensahe ken mangtungpal iti nailanad iti daytoy a libro! Asidegen ti tiempo a mapasamak dagitoy.

Paltiing 16:15

“Denggenyo, umayak a kasla mannanakaw! Nagasat ti tao a siririing ken di manguksob iti pagan-anayna tapno saan a lamolamo a magna ken saan a mabain kadagiti tattao.”

Paltiing 2:10

Dika agbuteng kadagiti panagsagaba a dumtengto kenka. Denggem, suotennaka ti Diablo babaen iti panangipisokna iti sumagmamano kadakayo iti pagbaludan. Agrigatkayto iti uneg ti sangapulo nga aldaw. Agtalinaedka ngarud a mapagtalkan uray pay no isut' pakatayam ket itedkonto kenka ti biag a kas gunggona ti balligim.

Paltiing 2:13

Ammok ti pagnaedam—ti lugar a yan ti trono ni Satanas. Nupay kasta, nagtalinaedka a napudno kaniak. Dimo tinallikudan ti pammatim kaniak uray idi tiempo ni Antipas a mapagtalkan a saksik a napapatay iti daydiay a pagtaengan ni Satanas.

Paltiing 2:25

Ngem masapul a pagtalinaedenyo a natibker ti adda kadakayo agingga iti yaayko.

Paltiing 22:12

Naibaga kaniak: “Dumngegkayo, umayakon! Itugotko dagiti gunggona nga itedko iti tunggal maysa kas mayannurot iti inaramidna.

Paltiing 22:20

Kuna ti mangpaneknek iti daytoy, “Agpayso nga umayakon!” Amen! Umaykan, Apo Jesus!

Paltiing 22:7

Umayakon! Nagasat dagiti agtungpal kadagiti padto a nailanad iti daytoy a libro!”

Paltiing 3:3

Ngarud, laglagipem dagiti nasursuro ken nangngegmo. Tungpalem ida ket agbabawika kadagiti basbasolmo. No dika agriing, umayakto kenka a kas iti mannanakaw—dimonto ammo no ania ti oras nga isasangpetko.

Paltiing 4:10

agrukbab dagiti duapulo ket uppat a panglakayen iti sangoanan ti trono ket agdaydayawda iti situtugaw sadiay, isu nga agbiag iti agnanayon nga awan inggana. Ipurruakda ti koronada iti sangoanan ti trono sada kuna:

Paltiing 4:4

Iti aglikmut ti trono, adda duapulo ket uppat a sabali a trono a pagtugtugawan ti duapulo ket uppat a panglakayen a nakakawes iti puraw ken nakakorona iti balitok.