Paltiing 3:10 - Ti Baro a Naimbag a Damag Biblia

¹⁰ Agsipud ta tinungpalmo ti bilinko, nga anusam nga ibturan ti panagsagaba, aywanankanto met inton dumteng ti riribuk a pakasuotan ti amin a tao iti sangalubongan.

Ti Biblia (1973)

¹⁰ Gapu ta sinalimetmetam ti saoc a kinaanos, siac igagacanto met iti horas ti pannacasuut isu nga umayto iti isu-amin a lubong a natao-an, tapno masuut dagiti agnaed iti rabaw ti daga.

Paltiing 3:10 Iomraidhean Croise

Isaias 24:17

Dumngegkayo, dakayo nga agnaed ditoy daga. Adda dagiti pagbutngan, palab-og, abut ken bateng nga agur-uray kadakayo.

Daniel 12:10

Adunto a tattao ti magugoran ken madalusan. Saanto a makaawat dagiti managdakdakes, ngem itultuloyda ti kinadakesda. Dagitinto la masirib ti makaawat.

Zacarias 13:9

Paglasatekto iti apuy dagiti nakalasat nga apagkatlo. Gugorakto ida a kas iti pannakagugor ti pirak iti apuy. Gugorakto ida a kas iti pannakagugor ti balitok. Kalpasanna, agkararagdanto kaniak ket ipangagkonto ida. Ibagakto kadakuada nga isuda dagiti tattaok ket ipudnodanto a siak ti Diosda.”

San Mateo 24:14

Maikaskasabanto iti entero a lubong daytoy Naimbag a Damag maipapan iti Pagarian kas pammaneknek iti sangkataoan. Kalpasanna, umayton ti panungpalan.”

San Mateo 26:41

Agridam ken agkararagkayo tapno saankay a matnag iti sulisog. Sisasagana ti espiritu, ngem nakapuy ti lasag.”

San Mateo 6:13

Dinakam iturong iti nakaro a pakasuotan; Ilisinakami ketdi iti Managdakdakes.’

San Marcos 14:9

Kinapudnona, kunak kadakayo: Sadinoman iti entero a lubong a pakaikaskasabaanto ti Naimbag a Damag, masarsaritanto ti inaramid daytoy a babai a pakalaglagipan kenkuana.”

San Lucas 2:1

Kadagidi nga aldaw, impaulog ni Emperador Augusto ti bilin a mailista ti amin nga umili iti Imperio ti Roma.

San Juan 17:6

“Impakaammoka kadagiti tattao nga intedmo kaniak ditoy lubong. Kukuam ida, ket intedmo ida kaniak. Tinungpalda ti saom,

Taga-Roma 1:8

Umuna unay, agyamanak iti Diosko babaen ken ni Jesu-Cristo para kadakayo amin. Agdindinamag ngamin ti maipapan iti pammatiyo iti entero a lubong.

1 Taga-Corinto 10:13

Tunggal sulisog nga umay kadakayo, gagangay a dumteng iti tao. Ngem tungpalen ti Dios ti karina; dina ipalubos a masulisogkayo iti nalabes a diyo kabaelan a sarangten. No masulisogkayo, ikkannakayo iti pigsa a mangibtur, ket iti kasta, makalisikayo.

Taga-Efeso 6:13

Ngarud, ikabilyo ti salaknib nga inted kadakayo ti Dios! Iti kasta, inton dumteng ti dakes nga aldaw, mabalinyonto a sarangten ti kabusor, ket kalpasan ti pannakigubatyo, addakayto pay laeng a nakatakder a sisasagana iti irarautna ma-nen.

2 Timoteo 2:12

No makaibturtayo, makipagturaytayto met kenkuana. No kunatayo a saantayo nga am-ammo, kunananto met a dinatay am-ammo.

Santiago 3:12

Kakabsatko, saan nga agbunga ti igos iti olibo wenno ti ubas iti igos. Di met mabalin ti naapgad nga ubbog ti mangted iti danum a mabalin nga inumen.

1 Pedro 4:12

Gagayyemko, diyo pagsiddaawan ti nasaem a pannakasuot a sagabaenyo a kasla adda karkarna a mapaspasamak kadakayo.

2 Pedro 2:9

Kas ipaneknek dagitoy, ammo ti Apo nga isalakan dagiti nasingpet a tattao iti pakasuotanda. Ammona met a guardiaan dagiti managdakdakes agingga a dumteng ti Aldaw ti Panangukom a panagsagabada,

Paltiing 1:9

Siak ni Juan a kabsatyo. Kas pasurot ni Jesus, kaduakayo iti panagsagaba, iti pagarian ni Cristo ken iti naanus a panagibtur. Naipanak iti puro a managan Patmos gapu ta impakaammok ti sao ti Dios ken ti kinapudno nga impakaammo ni Jesus.

Paltiing 11:10

Maragsakanto dagiti tattao ditoy daga gapu iti ipapatay dagitoy dua. Agrarambak ken agririnnegalodanto agsipud ta natayen dagiti dua a profeta a nangyeg iti adu a panagsagaba iti sangkataoan.

Paltiing 13:10

Siasinoman a nairanta a matiliw, matiliwto. Ti nairanta a mapapatay iti kampilan, mapapatayto iti kampilan. Daytoy ti pakasapulan iti panagibtur ken pammati iti biang dagiti tattao ti Dios.”

Paltiing 13:14

Inallilawna amin a tattao nga agnanaed ditoy daga babaen kadagiti pagilasinan a naipalubos nga iparangna iti imatang ti umuna a narungsot nga animal. Imbaga ti narungsot nga animal kadagiti tattao ditoy lubong a mangaramidda iti ladawan a pammadayaw iti narungsot nga animal a nasugat iti kampilan ngem nagbiag.

Paltiing 13:8

Agdaydayawto kenkuana dagiti amin a tattao iti rabaw ti daga, malaksid dagiti naisurat ti naganda iti libro ti biag sakbay a naparsua ti lubong. Daytoy a libro kukua ti napapatay a Kordero.

Paltiing 14:12

Daytoy ti pakasapulan iti panagibtur dagiti tattao ti Dios, dagiti agtulnog kadagiti bilin ti Dios ken dagiti agtalinaed iti pammati ken ni Jesus.

Paltiing 14:6

Kalpasanna, nakitak ti sabali nga anghel nga agtaytayab iti tangatang. Adda kenkuana ti agnanayon a mensahe ti Naimbag a Damag nga ipakaammona kadagiti agnaed ditoy rabaw ti daga, iti amin a puli, tribu, pagsasao ken pagilian.

Paltiing 16:14

Isuda dagiti espiritu ti demonio nga agiparparang iti pagilasinan. Mapan dagiti tallo nga espiritu kadagiti ari iti sangalubongan tapno ummongenda ida a makigubat inton dumteng ti naindaklan nga aldaw ti Mannakabalin-amin a Dios.

Paltiing 17:2

Nakikamalala kenkuana dagiti ari iti daga, ket nabartek dagiti tattao iti sangalubongan iti arak ti kinaderrepna.”

Paltiing 17:8

Sibibiag idi ti nakitam nga animal ngem ita, natayen. Dandani rummuaren iti nakaun-uneg a yuyeng ket agturong iti pannakadadael. Dagiti tattao nga agbibiag iti daga a saan a naisurat ti naganda iti libro ti biag sakbay ti pannakaparsua ti lubong, masdaawdanto a makakita iti narungsot nga animal. Sibibiag idi ket ita, natayen, ngem agparangto manen.

Paltiing 2:10

Dika agbuteng kadagiti panagsagaba a dumtengto kenka. Denggem, suotennaka ti Diablo babaen iti panangipisokna iti sumagmamano kadakayo iti pagbaludan. Agrigatkayto iti uneg ti sangapulo nga aldaw. Agtalinaedka ngarud a mapagtalkan uray pay no isut' pakatayam ket itedkonto kenka ti biag a kas gunggona ti balligim.

Paltiing 3:8

Ammok dagiti aramidmo. Kitaem, nangikabilak iti sangom iti silulukat a ruangan nga awan ti makairikep. Ammok a bassit ti pannakabalinmo. Nupay kasta, tinungpalmo ti pannursurok ket nagtalinaedka a napudno kaniak.

Paltiing 6:10

Impukkawda, “Kangatoan nga Apo, nasantoan ken napudno! Kasano pay kabayag ti panaguraymi? Kaano ti panangukom ken panangdusam kadagiti tattao a pimmatay kadakami?”

Paltiing 8:13

Kalpasanna, nakitak ti maysa nga agila nga agtaytayab iti langit ket nangngegko nga impukkawna: “Nakaal-alingget! Nakaal-alingget! Nakaal-alinggetto ti pagbanagan dagiti amin a tattao ditoy rabaw ti daga inton pagunien dagiti tallo nga angheles ti trumpetada.”