Paltiing 3:1 - Ti Baro a Naimbag a Damag Biblia

¹ Ket kinunana kaniak, “Kastoy ti isuratmo iti anghel ti iglesia idiay Sardis: “Daytoy ti mensahe nga aggapu iti addaan kadagiti pito nga espiritu ti Dios ken kadagiti pito a bituen: Ammok dagiti aramidmo. Ammok nga agdindinamag a sibibiagka, ngem ti kinapudnona, nataykan!

Ti Biblia (1973)

¹ Ket isuratmo iti angel ti Iglesia sadi Sardis Dagitoy: a banbanag cuna ti addaan cadagiti pito nga Espiritu ti Dios ken dagiti pito a bituen: Siac ammoc dagiti ar-aramidmo, a managananca sibibiag, ket natayca.

Paltiing 3:1 Iomraidhean Croise

San Lucas 15:24

Ta natay daytoy nga anakko, ngem nagungar. Napukaw ngem nasapulan met laeng.’ Ket nangrugin ti ramrambak.

San Lucas 15:32

Ngem masapul nga agrambak ken agragsaktayo, ta natay ti kabsatmo ngem nagungar. Napukaw ngem nasapulan met laeng.’”

San Juan 1:16

Gapu ta nabuslon ti paraburna, inawattayo amin ti bendisionna. Wen, nawadwad a bendision ti impaayna kadatayo.

San Juan 1:33

Diak pay am-ammo idi no siasino, ngem ti Dios a nangibaon kaniak a mamuniag iti danum, kinunana kaniak, ‘Makitamto ti Espiritu a bumaba ken agdisso iti maysa a tao. Daytoy ti mamuniag iti Espiritu Santo.’

San Juan 20:22

Idi masaonan daytoy, sinang-awanna ida ket kinunana, “Awatenyo ti Espiritu Santo.

San Juan 3:34

Ta ti imbaon ti Dios sawenna dagiti sao ti Dios, agsipud ta inted ti Dios kenkuana ti Espirituna.

Dagiti Aramid 2:33

Naitan-ok iti makannawan ti Dios nga Amana ket inawatna kenkuana ti Espiritu Santo kas inkarina. Daytoy ti imbuyatna kas makitkita ken mangmangngegyo ita.

Taga-Efeso 2:1

Adda idi tiempo a naibilangkayo a natay iti espiritu gapu ta sinukiryo ti Dios ket nagbasolkayo.

Taga-Efeso 2:5

isu nga uray nataytayo iti espiritu gapu iti kinasukirtayo, pinagbiagnatayo a mairaman ken Cristo. Insalakannakayo ti Dios gapu iti paraburna.

Taga-Colosas 2:13

Adda idi panawen a naibilangkayo a natay iti espiritu gapu ta managbasolkayo ken gapu ta saankayo a Judio, kayatna a sawen, awan ti linteg ni Moises kadakayo. Ngem ita, pinagungarnakayo ti Dios kas iti pinangpagungarna ken ni Cristo. Pinakawan ti Dios ti amin a basoltayo.

1 Timoteo 5:6

Ngem ti balo nga agbibiag iti nailubongan a ragsak, maibilang a natayen, uray no sibibiag.

Santiago 2:26

Ngarud, kas ti bagi a makuna a bangkay no awan espirituna, maibilang met a natay ti pammati a di mabuyogan iti aramid.

1 Pedro 1:11

Inkagumaanda idi nga ammoen no kaano ken kasano ti pannakapasamakna. Daytoy ti tiempo nga imbagbaga ti Espiritu ni Cristo nga adda kadakuada, idi impakaammoda dagiti panagsagaba a lak-amen ni Cristo ken ti dayag nga umay kalpasanna.

San Judas 1:12

Isuda ti mangikkat iti ganas ti panagsasangoyo iti panganan gapu iti kinarawet ken nakababain a panagbartekda. Dagiti la bagbagida ti as-asikasoenda. Kasda la ulep nga itayab ti angin a di makaited iti tudo. Kasda la kayo a di agbunga uray iti tiempo ti panagbubunga, kayo a naparut ket natayen a namimpinsan.

Paltiing 1:11

“Isuratmo ti maipapan kadagiti makitam,” kinunana, “ket ipaw-itmo ti nakaisuratanda kadagiti pito nga iglesia: idiay Efeso, Esmirna, Pergamo, Tiatira, Sardis, Filadelfia ken Laodicea.”

Paltiing 1:16

Ig-iggaman ti makannawan nga imana ti pito a bituen. Rimmuar iti ngiwatna ti maysa a kampilan a natadem ken dua ti tademna. Makasisirap ti rupana kas iti raniag ti init iti agmatuon.

Paltiing 1:20

“Daytoy ti nalimed a kaipapanan dagiti pito a bituen nga ig-iggamak ken dagiti pito a pagsilawan a balitok: Dagiti pito a bituen isuda dagiti angheles iti pito nga iglesia, ket dagiti pito a pagsilawan a balitok isuda dagiti pito nga iglesia.”

Paltiing 1:4

Siak, ni Juan: Kablaawak dagiti pito nga iglesia iti probinsia ti Asia. Adda koma kadakayo ti parabur ken talna nga aggapu iti Dios nga adda ita, adda idi ken umayto. Aggapu met daytoy kadagiti pito nga espiritu iti sangoanan ti tronona.

Paltiing 2:13

Ammok ti pagnaedam—ti lugar a yan ti trono ni Satanas. Nupay kasta, nagtalinaedka a napudno kaniak. Dimo tinallikudan ti pammatim kaniak uray idi tiempo ni Antipas a mapagtalkan a saksik a napapatay iti daydiay a pagtaengan ni Satanas.

Paltiing 2:19

Ammok dagiti aramidmo, ti ayat ken pammatim, ti panagserbim ken ti naanus a panagibturmo. Ammok nga ad-adu ti ar-aramidem ita ngem idi damo.

Paltiing 2:2

Ammok dagiti aramidmo, dagiti panagbannog ken ti naanus a panagibturmo. Ammok a dimo maanusan dagiti dakes a tattao. Sinuotmo dagiti agpampamarang nga apostoles, ket natakkuatam nga ulbodda.

Paltiing 2:9

Ammok dagiti pakariribukam. Ammok met a napanglawka, ngem iti kinapudnona, nabaknangka! Ammok pay dagiti pammadpadakes kenka dagiti agkunkuna a Judioda uray no saan met. Maysada a bunggoy nga agdaydayaw ken ni Satanas.

Paltiing 3:15

Ammok ti ar-aramidem. Ammok a saanka a nalamiis wenno napudot. Tarigagayak unay a nalamiis wenno napudotka koma.

Paltiing 3:2

Isut' gapuna nga agriingka ket papigsaem ti adda pay kenka sakbay a matayka a mamimpinsan. Ta masarakak nga adda pay la pagkurangan dagiti inar-aramidmo iti imatang ti Diosko.

Paltiing 3:8

Ammok dagiti aramidmo. Kitaem, nangikabilak iti sangom iti silulukat a ruangan nga awan ti makairikep. Ammok a bassit ti pannakabalinmo. Nupay kasta, tinungpalmo ti pannursurok ket nagtalinaedka a napudno kaniak.

Paltiing 4:5

Manipud iti trono, agkimatkimat a kagiddan ti agkakapigsa nga uni ken gurruod. Iti sango ti trono, adda pito a pagsilawan a sumsumged; dagitoy dagiti pito nga espiritu ti Dios.

Paltiing 5:6

Kalpasanna, nakitak ti maysa a Kordero nga agtaktakder iti tengnga ti trono a linikmut dagiti uppat a sibibiag a parsua ken dagiti panglakayen. Kasla napapatay ti Kordero. Pito ti sarana ken addaan iti pito a mata nga isu dagiti pito nga espiritu ti Dios nga imbaonna iti entero a lubong.