Paltiing 22:9 - Ti Baro a Naimbag a Damag Biblia

⁹ Ngem kinunana kaniak: “Saanmo nga aramiden ti kasta! Adipenak met a kas kenka, kas kadagiti kakabsatmo a profeta ken kas kadagiti amin nga agtulnog kadagiti sao iti daytoy a libro. Ti Dios laeng ti pagdaydayawam!”

Ti Biblia (1973)

⁹ Ket isu kinunana caniac: Bay-am, dica aramiden dayta; siac adipenac a caduam ken cadua dagiti cacabsatmo a mammadto, ken dagiti mangsalimetmet cadagiti sasao daytoy a pagbasaan. Agdaydayawca iti Dios.

Paltiing 22:9 Iomraidhean Croise

2 Ar-ari 17:36

Agbutengkayo kaniak, siak, ni Yahweh a nangiruar kadakay idiay Egipto babaen iti naindaklan a bileg ken pannakabalin; masapul nga agrukbabkayo kaniak ken agidatagkayo kaniak kadagiti daton.

Dagiti Salmo 45:11

Gapu iti pintasmo tarigagayannaka ti ari; isun ti apom, tungpalem ngarud ti kayatna.

Exodo 34:14

“Dikay agdaydayaw iti sabali a dios, ta siak, ni Yahweh, diak ipalubos nga adda kasalisalko.

San Mateo 4:9

“Itedko kenka amin dagitoy,” kinuna ti Diablo, “no agparintumeng ken agdaydayawka kaniak.”

San Lucas 4:7

Ngarud, no agrukbabka kaniak, kukuamto amin dagitoy.”

Deuteronomio 4:19

Dikay masulisog nga agrukbab ken agserbi iti makitayo iti tangatang—ti init, ti bulan ken dagiti bituen. Intuding ti Apo a Diosyo a pagdaydayawan dagitoy dagiti sabali a tattao.

1 Juan 5:20

Ammotayo nga immayen ti Anak ti Dios, ket inikkannatayo iti pannakaawat tapno maammoantayo daydiay a pudno. Addatayo kenkuana a pudno, wen, addatayo ken ni Jesu-Cristo nga Anakna. Isu ti pudno a Dios ken ti biag nga agnanayon.

Paltiing 1:1

Nailanad iti daytoy a libro dagiti impaltiing ti Dios ken ni Jesu-Cristo. Naipaltiing dagitoy kenkuana tapno ipakitana kadagiti adipen ti Dios dagiti masapul a mapasamak iti mabiit. Impakaammo ni Cristo dagitoy ken ni adipenna a Juan babaen iti panangibaonna iti anghelna,

Paltiing 1:11

“Isuratmo ti maipapan kadagiti makitam,” kinunana, “ket ipaw-itmo ti nakaisuratanda kadagiti pito nga iglesia: idiay Efeso, Esmirna, Pergamo, Tiatira, Sardis, Filadelfia ken Laodicea.”

Paltiing 14:7

“Agbutengkay iti Dios,” impukkawna, “ket agdaydayawkayo iti kinatan-okna! Ta dimtengen ti tiempo a panangukomna. Agdaydayawkayo iti Dios a namarsua iti langit, daga, taaw ken kadagiti ubbog.”

Paltiing 15:4

Siasino ti saan nga agbuteng kenka, Apo? Siasino ti saan a mangitan-ok iti naganmo? Agsipud ta siksika laeng ti nasantoan. Umayto dagiti amin a pagilian Ket agdaydayawda iti sangoanam, Ta maimatangan ti amin dagiti nalinteg nga aramidmo.”

Paltiing 19:10

Nagpaklebak iti sakaananna tapno agdaydayawak kenkuana, ngem kinunana, “Dimo aramiden ti kasta! Adipenak met a kas kenka ken kas kadagiti kakabsatmo a nangpaneknek iti pudno maipapan ken ni Jesus. Ti Dios laeng ti pagdaydayawam!” Ta ti pammaneknek maipapan ken ni Jesus isu ti mangtignay kadagiti profeta.

Paltiing 22:10

Kinunana pay: “Dimo ilimed dagiti padto iti daytoy a libro agsipud ta asidegen ti pannakapasamakda.

Paltiing 22:18

Siak ni Juan. Ballaagak ti siasinoman a makangngeg kadagiti padto a naisurat iti daytoy a libro: No adda mangnayon kadagitoy, inayonto met ti Dios iti dusana dagiti didigra a naisurat iti daytoy.

Paltiing 22:7

Umayakon! Nagasat dagiti agtungpal kadagiti padto a nailanad iti daytoy a libro!”

Paltiing 4:10

agrukbab dagiti duapulo ket uppat a panglakayen iti sangoanan ti trono ket agdaydayawda iti situtugaw sadiay, isu nga agbiag iti agnanayon nga awan inggana. Ipurruakda ti koronada iti sangoanan ti trono sada kuna:

Paltiing 9:20

Saan a nagbabawi dagiti tattao a nakalasat kadagitoy a didigra. Dida insardeng ti panagdaydayawda kadagiti demonio ken kadagiti didiosen nga inaramidda—dagiti ladawan a balitok, pirak, bronse, bato ken kayo a di makakita, makangngeg wenno makapagna.