Paltiing 22:3 - Ti Baro a Naimbag a Damag Biblia

³ Awan sadiay ti aniaman nga inlunod ti Dios. Masarakan iti siudad ti trono ti Dios ken ti Kordero ket agdaydayawto kenkuana dagiti adipenna.

Ti Biblia (1973)

³ Ket awanton ti lunod ket ti trono ti Dios ken ti Cordero addadanto kencuana, ket dagiti adipenna agservidanto kencuana;

Paltiing 22:3 Iomraidhean Croise

Dagiti Salmo 16:11

Isurom kaniak ti dalan nga agturong iti biag; ti kaaddam kaniak, punnoennak iti rag-o, ket ikkannak iti agnanayon a ragsak.

Dagiti Salmo 17:15

Ngem makitakanto gapu ta awan dakes nga aramidko; ket gapu iti kaaddam, no makariingak mapnoakto iti rag-o.

Isaias 12:6

Agpukkaw ken agkanta koma dagiti amin nga agnaed iti Sion! Naindaklan ti Nasantoan a Dios ti Israel, ket agnaed iti sidong dagiti tattaona.”

Isaias 51:11

Siraragsakto a makadanon idiay Jerusalem dagiti inispalmo; agkakanta ken agpukpukkawdanto iti rag-o. Naragsakdanto iti agnanayon nga awan inggana. Pulos nga awanton ti ladingit ken leddaangda.

Ezekiel 37:27

Sadiay, makipagnaedakto kadakuada. Siakto ti Diosda ket isudanto dagiti tattaok.

Ezekiel 48:35

Agdagup iti 9,000 a metro ti kaatiddog ti bakud a nanglikmut iti siudad. “Adda-Ditoy-ti-Apo” ti nagan ti siudad manipud idin.

Zacarias 14:11

Natalgedton dagiti tattao nga agnaed sadiay, ket saandanton nga agpeggad a madadael.

San Mateo 25:21

“‘Nasayaat ti inaramidmo, naimbag ken mapagtalkan nga adipen!’ kinuna ti amongna. ‘Gapu ta napagtalkanka iti bassit a banag, pagaywanenkanto iti adu. Umayka makipagragsak kaniak.’

San Mateo 25:41

“Kunananto kadagiti adda iti makannigidna: ‘Umadayokayo kaniak, dakayo nga inlunod ti Dios! Inkayo iti agnanayon nga apuy a naisagana iti Diablo ken kadagiti anghelesna.

San Juan 12:26

Ti siasinoman nga agtarigagay nga agserbi kaniak, masapul a surotennak. Ta no sadino ti ayanko, addanto met sadiay ti adipenko. Ket padayawan ti Ama ti siasinoman nga agserbi kaniak.”

San Juan 13:32

Ket no maitan-ok ti Dios kenkuana, ti Dios met laeng ti mangitan-ok iti Anak ti Tao, ket aramidennanto a dagus.

San Juan 14:3

Kalpasan ti ipapanko panangisagana iti pagyananyo, umaykayto alaen tapno addakayo met iti ayanko.

San Juan 17:24

“Ama, intedmo ida kaniak, ket kayatko a no sadinoman ti ayanko, addada met koma sadiay tapno makitada ti dayagko. Wen, ti dayag nga intedmo kaniak, ta inayatnak sakbay a naparsua ti lubong.

Deuteronomio 27:26

“‘Maipatay ti lunod ti Dios iti siasinoman a di agtulnog iti amin a linteg ken pannursuro ti Dios.’ “‘Amen,’ isungbatto dagiti tattao.”

Paltiing 7:10

“Aggapu ti pannakaisalakan iti Diostayo nga agtugtugaw iti trono, ken iti Kordero!” impukkawda.

Paltiing 7:9

Kalpasan daytoy, nakitak ti nakaad-adu a tattao—awan ti makabilang iti kaaduda. Naggapuda iti amin a puli, tribu, pagilian ken pagsasao. Nakatakderda iti sangoanan ti trono ken ti Kordero. Puraw ti kawesda ken nakaiggemda iti sanga ti palma.