Paltiing 22:15 - Ti Baro a Naimbag a Damag Biblia

¹⁵ Ngem mabati iti ruar ti siudad dagiti narukop a tattao, dagiti managsalamangka, dagiti mannakikamalala, dagiti mammapatay, dagiti agdaydayaw kadagiti didiosen ken dagiti managayat ken agaramid iti kinaulbod.

Ti Biblia (1973)

¹⁵ Idiay ruar addada dagiti asaso, ken dagiti managanito, ken dagiti mannakicamalala, ken dagiti nacapapatay, ken dagiti agrucbab cadagiti didiosen, ken tunggal maysa nga agayat ken agaramid iti ulbod.

Paltiing 22:15 Iomraidhean Croise

1 Ar-ari 22:8

“Adda pay maysa,” insungbat ni Ahab. “Isu ni Micaias nga anak ni Imla. Ngem kagurgurak ta awan pay naimbag nga impadtona maipapan kaniak; pasig a dakes.” “Saan a rumbeng a sawem dayta!” kinuna ni Jehosafat.

Dagiti Proverbio 12:22

Kagura ti Apo dagiti naulbod, ngem kaay-ayona dagiti mangtungpal iti saoda.

Dagiti Proverbio 7:27

No inkay iti balayna, agturongkayo iti lubong dagiti natay. Ababa a dalan nga agtungpal ken patay ti balayna.

Isaias 47:12

“Itultuloymo latta ti panagsalamangka ken panaganitom; inaramatmo dagitoy manipud kinaubingmo. Nalabit a matulongandakanto, nalabit a makigtotmo dagiti kabusormo.

Isaias 47:9

Ngem iti apagkanito, iti maysa la nga aldaw, mapasamakto kenka dagitoy dua a banag. Uray aramidem amin a panagsalamangkam, matayto dagiti annakmo ket mabalokanto.

Isaias 57:3

Umaykayo ditoy tapno maukomkayo, dakayo a narugit a managbasol! Awan dumayo kadagiti agan-anito, mannakikamalala ken balangkantis a babbai.

Jeremias 5:31

Pasig nga ulbod ti sasawen dagiti profeta. Isuro dagiti papadi ti kaykayatda ket magustoan met ti kasta dagiti tattaok. Ngem anianto ti aramidenda inton agpatingga amin dagitoy?”

Malakias 3:5

Kuna ti Apo a Mannakabalin-amin, “Umaykayto ukomen. Dagusekto ti mangidatag kadagiti pammaneknek a maibusor kadagiti managsalamangka, kadagiti mannakikamalala, kadagiti agsaksi iti ulbod, kadagiti mangsaur iti tangdan dagiti mangmangged, kadagiti manggundaway kadagiti balo, ulila ken ganggannaet, kadagiti amin a saan nga agraem kaniak.

San Mateo 7:6

“Diyo ited kadagiti aso ti aniaman a nasantoan, amangan no darupen ken kagatendakayo. Diyo met ipurruak dagiti perlasyo kadagiti baboy—ta baddebaddekandanto laeng.”

San Mateo 8:12

Ngem dagiti naituding nga agtawid iti Pagarian, maipurruakdanto iti ruar a nasipnget, ket agsangit ken agngaretngetdanto gapu iti rigatda.”

San Juan 8:46

Siasino kadakayo ti makapaneknek a nagbasolak? No ibagak ti pudno, apay ngarud a didak patien?

Dagiti Aramid 8:11

Sigagagarda a dimngeg kenkuana ta nabayag a pinagsiddaawna ida babaen ti panagsalamangkana.

Deuteronomio 23:18

Diyo ipan iti templo ti Apo a Diosyo ti matgedan ti maysa a balangkantis tapno idatonyo a pangtungpal iti kariyo. Kagura ti Apo dagiti balangkantis ti templo.

Taga-Filipos 3:2

Agannadkayo kadagiti aso. Agannadkayo kadagiti tattao nga agaramid iti dakes. Agannadkayo kadagiti tattao a mangipapilit iti pannakakugit.

Taga-Colosas 3:6

Gapu kadagitoy, agdissuorto ti pungtot ti Dios kadagiti saan nga agtulnog kenkuana.

1 Timoteo 1:10

kadagiti mannakiabig; kadagiti aggartem kadagiti padada a lallaki wenno babbai nga aggartem kadagiti padada a babbai; kadagiti kidnaper; kadagiti suitik ken ulbod a saksi wenno siasinoman nga agaramid iti maibusor iti pudno a pannursuro.

Paltiing 18:23

Saannakanto metten a raniagan ti uray maysa a pagsilawan; saanto metten a mangngeg dagiti naragsak a timek ti agkasar. Dagiti komersiantem ti kabibilgan iti amin a lubong. Inallilawmo dagiti amin a nasion babaen iti salamangka.”

Paltiing 21:27

Ngem saanto a makastrek sadiay ti uray ania a saan a nadalus iti imatang ti Dios, ti siasinoman nga agar-aramid iti nakababain ken dagiti naulbod. Dagitinto laeng naisurat ti naganna iti libro ti biag nga adda iti ikut ti Kordero ti makastrek iti siudad.

Paltiing 21:8

Ngem nakabutbutengto ti pagbanagan dagiti takrot, dagiti traidor, dagiti naderrep, dagiti mammapatay, dagiti mannakikamalala, dagiti managanito, dagiti agrukbab kadagiti didiosen ken amin nga ulbod—agyandanto iti dan-aw ti gumilgil-ayab nga apuy ken asufre nga isu ti maikadua nga ipapatay.”