Paltiing 22:11 - Ti Baro a Naimbag a Damag Biblia

¹¹ Agtultuloy a dumakes ti managdakdakes. Agtultuloy nga agbiag a narugit ti narugit ti panagbiagna, ngem agtultuloy nga agaramid iti nalinteg ti nalinteg, ket ti nasantoan, agtultuloy ti panagbiagna a nasantoan.”

Ti Biblia (1973)

¹¹ Ti nakil-lo agaramid laeng iti kinakil-lo; ket ti narugit, narugit laeng; ket ti nalinteg, nalinlinteg pay coma; ket ti santo nasansanto pay coma.

Paltiing 22:11 Iomraidhean Croise

Ti Libro ni Job 17:9

Dagiti agkuna a nataknengda, umad-adda ti panangipapanda a nalintegda.

Dagiti Salmo 81:12

Gapu iti kinasukirda binaybay-ak ida nga agaramid iti aniaman a kayatda.

Dagiti Proverbio 14:32

Dagiti killo nga aramid ti managdakdakes ti mangyeg iti mismo a pannakatnagna, ngem masalakniban ti naimbag a tao babaen iti kinataknengna.

Dagiti Proverbio 4:18

Mayarig iti bannawag ti dalan a pagnaan dagiti nalinteg. Rumaniag a rumaniag agingga a makatangkayagen ti init.

Eclesiastes 11:3

Uray no ania ti pagtuangan ti kayo, agtalinaed iti nakatuanganna. No napuskol ti ulep, agtudo.

Ezekiel 3:27

Ngem inton umayka kasao, isublikto ti pannakabalinmo nga agsao. Kunamto kadakuada a dagitoy ti saok. Addanto dagiti dumngeg, ngem didakanto ikaskaso dagiti dadduma, agsipud ta nasukirda a tattao.”

Daniel 12:10

Adunto a tattao ti magugoran ken madalusan. Saanto a makaawat dagiti managdakdakes, ngem itultuloyda ti kinadakesda. Dagitinto la masirib ti makaawat.

San Mateo 15:14

“Saanyo a pakadanagan ida. Bulsekda a mangidadaulo. Ket no idalan ti bulsek ti padana a bulsek, matnagda a dua iti abut.”

San Mateo 21:19

Nakitana ti maysa a kayo nga igos iti igid ti dalan. Inasitganna ngem awan nakitana a bunga no di laeng bulong. Iti kasta, kinunana iti kayo, “Saankanton nga agbunga!” Dagus a nagango ti kayo.

San Mateo 25:10

“Napan ngarud gimmatang dagiti maag iti lana. Ngem bayat ti kaawanda, simmangpet ti nobio. Kimmuyog kenkuana dagiti nakasagana a babbalasang a simrek iti pagbodaan ket naserraan ti ridaw.

San Mateo 5:45

tapno agbalinkayo nga annak ni Amayo sadi langit. Ta padapada a pagraniagenna ti initna kadagiti naimbag ken kadagiti dakes a tattao. Mangted iti tudo kadagiti agaramid iti naimbag, kasta met kadagiti agaramid iti dakes.

San Mateo 5:6

“Nagasat dagiti nasged ti tarigagayda a mangtungpal iti pagayatan ti Dios, ta mapnekdanto.

San Juan 8:21

Kinuna manen ni Jesus kadakuada, “Pumanawakon, ket sapulendakto, ngem dikay makaumay iti papanak. Mataykayto a sibabasol.”

Taga-Efeso 5:27

tapno idatagna iti sangoananna met laeng: ti iglesia a kasla babai a nakapimpintas—nadalus, awan mansa wenno kuretret wenno aniaman a pakapilawanna.

Taga-Colosas 1:22

Ngem ita, babaen iti ipapatay ti Anakna, inkappianakayo kenkuana tapno agtakderkay iti sangoananna a nasantoan, nadalus ken awan pakababalawanna.

2 Timoteo 3:13

Ngem dumakdakesto dagiti dakes a tattao ken manangallilaw, ket agtultuloydanto a mangallilaw ken paallilaw.

San Judas 1:24

Madaydayaw koma ti Dios a mangaywan kadakayo tapno saankayo a matnag. Isu met ti mangidatag kadakayo a sidadalus ken siraragsak iti sangoananna. Iti maymaysa a Dios a Mangisalakan kadatayo babaen ken ni Apotayo a Jesu-Cristo, maited koma ti dayag, tan-ok, pannakabalin ken turay, manipud idi ugma, ita, ken iti agnanayon! Amen.

Paltiing 16:21

Manipud langit, nagtudo iti dadakkel nga yelo—aglimapulo a kilo ti dagsen ti tunggal maysa—ket natupakan dagiti tattao. Inlunod dagiti tattao ti Dios gapu iti daytoy a didigra, ta nakabutbuteng unay.

Paltiing 22:3

Awan sadiay ti aniaman nga inlunod ti Dios. Masarakan iti siudad ti trono ti Dios ken ti Kordero ket agdaydayawto kenkuana dagiti adipenna.