Paltiing 21:9 - Ti Baro a Naimbag a Damag Biblia

⁹ Inasitgannak ti maysa kadagiti pito nga angheles nga addaan iti pito a malukong a napno kadagiti pito a maudi a didigra. “Umayka,” kinunana, “ket ipakitak kenka ti babai nga ikasar ti Kordero.”

Ti Biblia (1973)

⁹ Ket maysa cadagiti pito nga angel nga addaanda cadagiti pito a malocong a napnoda cadagiti pito a camaudianan a pannaplit; immay ket nakisao caniac, a cuncunana: Umayca ditoy; ipakitacto kenca ti novia, ti asawa ti Cordero.

Paltiing 21:9 Iomraidhean Croise

Paltiing 1:1

Nailanad iti daytoy a libro dagiti impaltiing ti Dios ken ni Jesu-Cristo. Naipaltiing dagitoy kenkuana tapno ipakitana kadagiti adipen ti Dios dagiti masapul a mapasamak iti mabiit. Impakaammo ni Cristo dagitoy ken ni adipenna a Juan babaen iti panangibaonna iti anghelna,

Paltiing 17:1

Immasideg kaniak ti maysa kadagiti pito nga angheles nga addaan iti pito a malukong ket kinunana: “Umayka, ket ipakitak kenka ti pannakadusa ti reyna ti immoralidad, dayta agdindinamag a siudad a nabangon iti asideg dagiti adu a karayan.

Paltiing 19:7

Agrag-o ken agragsaktayo! Idaydayawtayo ti kinatan-okna, ta agkasaren ti Kordero! Nakasaganan ti Babai a Maikallaysa,

Paltiing 21:17

Rinukod ti anghel ti bakud ket 216 a kadapan ti kangatona kas mayannurot iti rukod nga ar-aramaten dagiti tattao.

Paltiing 21:2

Ket nakitak ti Nasantoan a Siudad, ti baro a Jerusalem, a bumabbaba manipud langit nga aggapu iti Dios, a kas iti babai a nakawesan nga agkasar ken mangpadpadaan iti lalaki a mangikallaysa kenkuana.

Paltiing 22:1

Impakita pay ti anghel ti karayan ti danum ti biag. Nalitnaw a kas kristal ti danumna nga agubbog manipud iti trono ti Dios ken ti Kordero.

Paltiing 22:17

“Umayka!” kuna ti Espiritu ken ti Babai a Maikallaysa. “Umayka!” kuna met ti amin a makangngeg iti daytoy. Umasideg ti siasinoman a mawaw. Awaten ti siasinoman a mayat ti danum ti biag a kas sagut.

Paltiing 22:6

Kalpasanna, kinunana, “Napudno ken mapangnamnamaan dagitoy a sao. Ni Apo Dios a nangted iti Espirituna kadagiti profeta, isu ti nangibaon iti anghelna tapno ipakitana kadagiti adipenna met laeng ti masapul a mapasamak iti mabiit.