Paltiing 21:8 - Ti Baro a Naimbag a Damag Biblia

⁸ Ngem nakabutbutengto ti pagbanagan dagiti takrot, dagiti traidor, dagiti naderrep, dagiti mammapatay, dagiti mannakikamalala, dagiti managanito, dagiti agrukbab kadagiti didiosen ken amin nga ulbod—agyandanto iti dan-aw ti gumilgil-ayab nga apuy ken asufre nga isu ti maikadua nga ipapatay.”

Ti Biblia (1973)

⁸ Ngem no maipapan cadagiti natacrut, ken cadagiti di mammati, ken dagiti nasabrac, ken dagiti nacapapatay, ken dagiti mannakicamalala, ken dagiti managanito, ken dagiti agrucbab cadagiti didiosen, ken dagiti isu-amin nga agululbod ti bingayda addanto idiay danaw a sumsumged ti apuy ken azufre: daytoy ti ipapatay a maicadua.

Paltiing 21:8 Iomraidhean Croise

Dagiti Proverbio 19:5

Madusaka no agsaoka iti ulbod iti pangukoman; saankanto a makalisi.

Dagiti Proverbio 19:9

Awan duadua ti pannakadusa ti siasinoman nga agsao iti ulbod iti pangukoman; saan a makalisi ti kasta a tao.

Isaias 51:12

Kuna ti Apo, “Siak ti mangpapigsa kadakayo. Apay a kabutengyo ti tao a kasla ruot a mabiit a matay?

Isaias 57:11

Kuna ti Apo, “Siasino dagitoy a didiosen a mamagbuteng kadakayo tapno iti kasta, agulbodkayo kaniak ket lipatendak a mamimpinsan? Insardengyo kadin ti panagdaydayawyo kaniak agsipud ta nabayag a nagulimekak?

Isaias 9:15

Dagiti lallakay ken mararaem isuda ti ulo. Dagiti profeta a mangisursuro iti kinaulbod isuda ti ipus!

Malakias 3:5

Kuna ti Apo a Mannakabalin-amin, “Umaykayto ukomen. Dagusekto ti mangidatag kadagiti pammaneknek a maibusor kadagiti managsalamangka, kadagiti mannakikamalala, kadagiti agsaksi iti ulbod, kadagiti mangsaur iti tangdan dagiti mangmangged, kadagiti manggundaway kadagiti balo, ulila ken ganggannaet, kadagiti amin a saan nga agraem kaniak.

San Mateo 10:28

Dikay agbuteng kadagiti mangpapatay iti bagi, ngem dida mabalin a papatayen ti kararua. Agbutengkayo ketdi iti Dios, isu a makabalin a mangpatay iti bagi ken kararua idiay infierno.

San Mateo 25:25

Nagbutengak isu nga inkalik ti kuarta nga intedmo. Ne, isublikon ti kukuam.’

San Mateo 8:26

“Apay nga agbutengkayo?” kinuna ni Jesus. “Nagbassit ketdin ti pammatiyo!” Bimmangon ni Jesus. Pinagtalnana ti angin ken dagiti dalluyon ket nagkalma iti kasta unay.

San Juan 8:44

Annaknakayo ti Diablo nga amayo, ket kayatyo a tungpalen ti pagayatanna. Mammapatayen manipud idi damo ket pulos a dina kanunongan ti pudno, ta awan kenkuana ti pudno. No agulbod, ar-aramidenna laeng ti natural kenkuana ta sigud nga ulbod ken ama ti amin a kinaulbod.

Deuteronomio 20:8

“Kunanto pay dagiti ofisiales: ‘Adda kadi kadakayo ti mabuteng wenno napukawna ti tured-pakinakemna? No adda, masapul nga agawiden tapno di met tumakrot dagiti dadduma.’

2 Taga-Tesalonica 2:9

Umayto ti Managdakdakes nga addaan iti pannakabalin ni Satanas. Agaramidto kadagiti amin a kita ti milagro ken kadagiti makaallilaw a pagilasinan ken datdatlag.

1 Timoteo 4:2

Dagitoy a pannursuro ket iwarwaras dagiti manangallilaw ken ulbod a tattao a natayen ti konsensiada, a kasla nauram iti bumegbeggang a landok.

Tito 1:16

Kunada nga ammoda ti Dios ngem makita kadagiti aramidda a dida am-ammo ti Dios. Nakarimrimon ken nasukirda, ket dida maikari nga agaramid iti naimbag.

Hebreo 12:24

Immasidegkayo ken ni Jesus a nangisayangkat iti baro a tulag ken iti naiparukpok a darana a mangipanamnama kadatayo kadagiti bambanag a nasaysayaat ngem ti dara ni Abel.

Hebreo 13:4

Masapul a saan a matulawan ti matrimonio ket agtalinaed dagiti agassawa a napudno iti maysa ken maysa. Ngamin, ukomento ti Dios dagiti immoral ken makikamalala.

1 Juan 2:22

Siasino ngarud ti ulbod? Ti agkuna a ni Jesus saan nga isu ti Cristo. Kabusor ni Cristo ti kasta a tao, ta dina bigbigen ti Ama ken ti Anak.

1 Juan 3:15

Mammapatay ti siasinoman a gumura iti kabsatna. Ammoyo met a ti mammapatay awan kenkuana ti biag nga agnanayon.

1 Juan 5:10

Ngarud, siasinoman a mamati iti Anak ti Dios adda kenkuana daytoy a pammaneknek. Ngem ti di mamati iti Dios, pinagbalinna nga ulbod ti Dios, ta dina pinati ti pammaneknekna maipapan iti Anakna.

Paltiing 14:10

inumendanto a mismo ti arak ti napalalo a pungtot ti Dios, ti arak nga imbukbokna nga awan lalaokna iti kopa ti pungtotna! Matutuokdanto iti apuy ken asufre iti sangoanan dagiti nasantoan nga angheles ken ti Kordero.

Paltiing 19:20

Natiliw ti animal ken ti sinan-profeta a nagiparang idi kadagiti nakaskasdaaw a pagilasinan iti sangoanan ti animal. (Dagitoy a milagro ti pinangallilawna kadagiti tattao nga addaan marka iti animal ken nagdaydayaw iti ladawanna.) Sibibiag a naitappuak ti animal ken ti sinan-profeta iti dan-aw ti gumilgil-ayab nga asufre.

Paltiing 2:11

“No adda pannakaawatyo, denggenyo ngarud ti sao ti Espiritu kadagiti iglesia: “Ti agballigi, malisiannanto ti maikadua nga ipapatay.”

Paltiing 2:2

Ammok dagiti aramidmo, dagiti panagbannog ken ti naanus a panagibturmo. Ammok a dimo maanusan dagiti dakes a tattao. Sinuotmo dagiti agpampamarang nga apostoles, ket natakkuatam nga ulbodda.

Paltiing 21:27

Ngem saanto a makastrek sadiay ti uray ania a saan a nadalus iti imatang ti Dios, ti siasinoman nga agar-aramid iti nakababain ken dagiti naulbod. Dagitinto laeng naisurat ti naganna iti libro ti biag nga adda iti ikut ti Kordero ti makastrek iti siudad.

Paltiing 22:15

Ngem mabati iti ruar ti siudad dagiti narukop a tattao, dagiti managsalamangka, dagiti mannakikamalala, dagiti mammapatay, dagiti agdaydayaw kadagiti didiosen ken dagiti managayat ken agaramid iti kinaulbod.

Paltiing 9:17

Ket nakitak iti parmatak dagiti kabalio ken dagiti nakasakay a nakakabal iti kasla kolor ti apuy, asul a kasla kolor ti safiro ken amarillo a kasla kolor ti asufre. Kasla ulo ti leon ti ulo dagiti kabalio. Agipugpugsoda iti apuy, asuk ken asufre.

Paltiing 9:21

Saanda met a nagbabawi iti panagpappapatayda, panagan-anitoda, pannakikamkamalalada ken panagtaktakawda.

Uk-ukom 7:3

Ipakaammom kadakuada a no adda mabuteng, pumanaw iti Bantay Gilboa ket agawid.” Iti kasta, nagawid ti 22,000 ngem nagbati ti 10,000.